Aisaia 6:10 - Godigo dwagi yai po buku

¹⁰ Magi baso meni. E we bidi hanigo homu kolesaga te puna pai dao. Tama augwaligo odogo po odobo hagela eyu, tama augwaligo augwa gedu palia sai. Tiyu, augwaligo gedugo te magi nai me deli suidali weyu tiali, tama augwaligo odogo po odidali weyu tiali, tama augwaligo homude te po page ma koneama, tama augwali begasa, enaba ma aselama, tama eno augwali usu ma ilidali weyu, augwaligo tama kolesaga yai dao,” wali.

Aisaia 6:10 Referans Kwoze

Matyu 13:15

Magi baso meni. E we bidi hanigo homu kolesaga te puna pai dao. Tama augwaligo ologo po odobo te hagela eyu, tama augwaligo augwa gedu palia sai. Tiyu augwaligo gedugo te magi nai me deli suidali weyu tiali, tama augwaligo ologo po odidali weyu tiali, tama augwaligo homude te po page ma koneama, tama augwali begesa enaba ma aselama, te eno augwali usu ma ilidali weyu augwaligo tama kolesaga yai dao,’ Aisaiago Godigo wali po augwalide tama asęai dao.

Godigo Sęba Tagala Palai Bidigo Po 28:27

Te magi baso menio. Te po page da, te we bidigo homugo eno po odogobeo. Tama augwaligo olo dega salio. Tama te ebogo, eno po odabo ąǫ ebe dao. Augwaligo gedu me halua sali dao. Te tibogo, eno ebo sę suabo ąǫ ebe dao. Augwaligo te sę egi menigi sogo da, teda enaba augwaligo dwagi yai kolesaga sigi dao, tama augwaligo ologo eno wali po me odigi dao. Me augwaligo eno yali sę me bugagia sugi dao. Tama tigi sogo da, augwali homu digi begelama, tama eno ma augwali dodoligi dao,’ Godigo Aisaiabolo tama po wai,” Pol agai te tama po pusa mani.

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Jeremaia 6:10

Tialima, eno tama po wei ponani, “Genuai Bidi, eno te nago po deba pusaibawe? Tama dego eno po odogowe? Augwaligo olo te mu palia sali. Augwali tego Godigo po odisąbo hani bage tiwai elama, te nago po odobo hagela homu ebao. Augwaligo homu nago po te augwali hale ilibo po dao, nago po te olo bage te dwai nai tiwai ebao. Augwaligo tede wiegi yai homu pemene me ebeo.

Sekaraia 7:11

“Tiali goli te we bidi augwali tobolu gagea pelama, augwaligo po odabo homu hagela yali. Augwaligo augwa homu kolesaga dąų ola selama,

Aisaia 63:17

Genuai Bidi, magi baso nago da te besela palama, bilalumainu eyu, te dago nago doloba pai sunumi wali pisąmainogo ebawe? Magi baso nago dago haliga me homu kolesaga dąų weyu, te dago nageba wi isąma, te nago dologode bidisąmainu ebawe? Nago naga sę bidi dabe da homugo koneama, te nage ma aselama, da dali bidagasao, te naga digi nago sa muai hani dabe dao.

Aisaia 29:10

Genuai Bidigo dagego gedu sęgę ilali. Tama dage te bidi godege mu pilama, isai tiwai bidali. Tama Genuai Bidigo te profet bidi dabego augwaligo suabo nai dabe goli augwaligo susiąmainu yaibao.

Bomai Po 2:30

“Tiali goli, tuni bidi Sihongo da agai buludu somainogo usu dao po wabeo. God dago Genuai Bidigo aga te hagoma homu ebo sę iliyu, aga homu dąų walali. Te dago aga aiyaba elaluama, tama agai te tǫ dago somainogo tama yali. Te tǫ megi da, te bidibao,” wali.

Godigo Nogi Ugwaba Sabo Tęąbi Po Wabo Buku Dabe 17:10

Augwaligo gasa bidi dali homu dene eyu, olo me tau sabeo. Augwaligo genuai po dągą weyu, tama augwa nogi naga ugwaba sabo dao.

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

Godigo Nogi Ugwaba Sabo Tęąbi Po Wabo Buku Dabe 119:70

Te bidi dabe augwaligo wiegi yai homu kolesaga me elalubeo. Tiali goli, eno te nago bomo yai po godolo homu mu ebo dao.

Ma Dobola Sali 14:17

Tama eno te Isip bage augwaligo homu kolesaga te homu tomoba masigi sąwai bidigo homu tiwai ilama, tama augwaligo dage Israel dabe wali pobasa asaibao. Tama eno te tuni bidi aga karis dabe dali, me te hosde duawali ami bidi dabe tigidali, augwali aiyaba elaluama, tama eno te sę yalide te eno genuai nogi saibao.

Ma Dobola Sali 11:10

Tama Moses de Aron sigo bomai sę hauwa deli deli te tuni bidigo gedude yai, tiali goli Godigo aga homu dąų olama, tama te tuni bidigo te Israel bage augwali agai tǫ tagala palobeo.

Ma Dobola Sali 10:27

Tiali goli, Genuai Bidigo te tuni bidigo homu dąų olama, tama tuni bidigo augwali tagala palobeo.

2 Korin 2:16

Te bidi dolabo tų tomode bidibo hanigo te odobo denami te isabo denami odobo dao, tama augwali te isabo madi pedalaibao. Tama te Godigo augwali ma sabo tų tomode bidibo hanigo te odobo denami te bidibo ula sabo denami odobo dao, tama agai te bidibo ula augwaliba pedalomainogo yaibao. Te sęde Godigo da tau sisąyu tama dago te sę ebo usu egowe? Mu menio. Tialima aga da tau mu sabo dao.

Godigo Sęba Tagala Palai Bidigo Po 3:19

Tama tibaso, dagego kolesaga begelama, Godigo kolesagadu wali piąo, tama Godigo dagego dwai sęgę sela sąmainu tama yao.

Aisaia 19:22

Te mu tama, Genuai Bidigo Isip dabe dene mawaibao. Tiali goli, agai te ebo kolesagago da, teda augwaligo dwai kolesaga ebo dodolaibao. Tama augwali homu begelama, tama augwali agaba ma paibao. Tama agai augwaligo gedu haluasa po wabo odama, tama augwali bugagia tau saibao.

Ma Dobola Sali 7:3

Tiali goli, eno te tuni bidide iliyu, tama aga homu tomoba masigi sąwai bidi pedelaibao, tama agai te Arongo po odogobeo. Tama tibaso, eno genuai bomai sę hauwa te Isip tǫde yaibao.

Dwagi Yai Gesi Po Jongo Asęani 12:40

“‘Augwaligo homu begelegi sogo da, teda eno augwali usu ma iligi da,’ Godigo te po wai. Tialima, augwaligo gedugo sulama, homugo koneidali weyu, Godigo augwaligo gedu haluai dao. Agai augwali te homu tomoba masigi sąwai gagawai we bidi ilali,” Aisaiago te po polobadu asęani.

Bomai Po 29:4

Tiali goli, Genuai Bidigo dagego te sę dabe yali page konemainu sula tagalobeo, tama agai dagego gedugo tonomainu ebeo, tama me dagego ologo te sę yali page odomainogo me tagalobeo. Tama dage tama bida bida asidu gagali, megiba te usu naga sobao.

Bomai Po 31:20

Eno augwali te wiegi yai buluba odasa painogo ebao. Te agai tǫ ili hauwa elalubo, te eno augwaligo wąį dabebolo po dąų walali gilama tama. Tama te bulude da, augwaligo nai hauwa mu saibao, tama augwali wiegila mu bidaibao. Tama tialima, te tama tibo sogo augwaligo ena tudiba togolaibao, tama tibo godiba lotu po waibao. Te augwaligo eno dąų walali po togwaibao.

Godigo Nogi Ugwaba Sabo Tęąbi Po Wabo Buku Dabe 69:23

Te augwali gedu hulia somainu elama, te augwaligo ma tonono yainu ebaso, te usu munu ma egobeo. Te augwali tudi dili dolobaso da, te augwali bomo elama dolalubaso, te usu me egobeo.

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Aisaia 44:18

“Mu tamao, te tobage we bidi dabe te homu kolesaga mu umuna selama, te augwa homu kolesaga mu meni yai. Te magi nai me deligo augwa gedu paliama, te augwa tonono bilibo usu isąbo tiwai ebo dao. Te magi nai me deligo augwa homu kone tuą palobaso, tama augwa te homu kone tuą pabo kolesaga ebo dao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Te We Bidi Dabego Jerusalem Hagede Gela Wali 3:65

Nago augwaligo homu kolesaga dolama, i ola mabo po olama, tama augwali sese tama dolao.

Sekaraia 11:15

Tama Genuai Bidigo enabolo te tiwai po walali, “Nage te kibu sipsip tonalubo bidi ma pedelao,” wali, “tiali goli megi da, nage te sipsip kibu tonalubo dwai bidi mu tiwai pedelao.

Bomai Po 29:3

Tama dagego gedugo digi te augwali tigide te dwai gasi sali hauwa mu sualio, me te haniani boma pai sę ebo me, te Genuai Bidigo te genuai sę dabe ebo te suali dao.

Bugagia Bidibo Kolesagade Po Asęai Buku 16:30

Te nago suali, te bidigo te gasa bidiba te gedu gagamu ebo subaso da, teda nago koneao, te bidigo te dwai kolesaga yabo homu eyu te ebao. Tama nago suali, te bidigo aga pedauwali gagamunu baso da, teda nago koneao, agai te dwai kolesaga ebao.

Kolesaga Koneai Bidigo Pusali Po Elalubo Buku 3:3

Agai te bidi ela muabo sogo bodolu mubadi, agai gasi ebo bidi ma usu ilabo sogo bodolu mubadi yali. Agai te nai dabe hųgiabo sogo bodolu muyu, te nai dabe nigabo sogo bodolu muyu yai dao.

Aisaia 28:13

Tama tibaso, Genuai Bidi aga digi augwali deli deli leta dabe dolo nogi ebo, me deli deli po nogi ebo, me deli deli lain nogi ebo me, te tiwai Genuai Bidi aga digi augwali ola mawaibao. Te dwasianu wai dabe ola mabo tiwai aga digi yaibao. Tama augwali homu kone tua pelama, dene mu saibao. Tama te boi bidi dabego augwali nogo bono dunama, augwali kalabus elama, odasa paibao.

Aisaia 29:9

Te Juda we bidi, me Jerusalem we bidi, dage te gedu hwidai we bidi yali gilama, me tama subigila paliyu, me tama bidiagameo. Dage te bidi dabego wain wę tuyu, me bia wę tulama, subigila bilibo tiwai me tama bidiagameo. Tiali goli, dage te wain me bia tulama, polobeo. Menio.