Aisaia 6:1 - Godigo dwagi yai po buku

¹ Te king tuni bidi Usia isali kibu bede, eno Genuai Bidi aga tuni bidi saide dualalubo suali. Agai tuni bidi sia ugwanu mu elaluali. Tama tuni bidigo ugwa agai gudali da, moni bobobage mu elama, aga be mu usu nai suali.

Aisaia 6:1 Referans Kwoze

Dwagi Yai Gesi Po Jongo Asęani 12:41

Aisaiago Jisasgo nosali sabo moni bomo suyu, agai moni nogi po odoyu yai dao. Tama tibaso Aisaiago agade te po asęani.

Kraisgo Geme Dualali Sę Pedelabo Po Jonbolo Ola Mani 15:8

Tama te Godigo bomo yai ula dali, agai bomo dali sigo hano ebogo hano te Moni Lotu Be tempel bede pągąnaluai. Tama niwai bidi me deli aga te be tomoba painogo ebo usu egobeo. Menio. Augwaligo te a naga olama me badu nogo si te ensel mobo bidi augwaligo te bidi dolabo dwai nai nogo a naga te me badu si te naigo sę silibo sogo tonaluali.

Daniel 7:9

Tama nade eno suali, augwaligo te king duayabo sia sai meba sela aselama, muagasai. Tama te Polobadu Polobadu Bidada Aselama, te Megi Me Bidada Peyu, Bidada Pabo Bidi aselama, te duabo sia kingde dugayagasobo suali. Agai gudali ugwa dabe te nala nisi poai mu yai, tama agai tobolu nisi te tedela mu, te meda meni yai kibu sipsip nisi tiwai yai. Tama te dugabo sia king te wil dabe elaluali, tama te dugabo sia sai tigidali badu te isi bogoli genuai elama,

Godigo Nogi Ugwaba Sabo Tęąbi Po Wabo Buku Dabe 113:5

Dago God Genuai Bidi tiwai bidi me deli elalubeo. Aga te ugwadu mu bidibao.

Matyu 25:31

Te po ma weyu, Jisasgo te po wai, “Nosali te Godigo Bidi Mu te tuni bidi ma asobode, tama tigidali ensel mobo bidi aga dali, te sogo aga te tuni bidigo wiegi yai sia saide dualagasaibao.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

Aisaia 66:1

Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?

Godigo Nogi Ugwaba Sabo Tęąbi Po Wabo Buku Dabe 108:5

God, te dagalude nago te genuai bomo elalubo nago te tigidali we bidiba ola mao, tama tigidali bulude te tigidali we bidigo nago genuai nogi konemainu yao.

Kraisgo Geme Dualali Sę Pedelabo Po Jonbolo Ola Mani 4:2

Tama polo mu, te Godigo Mobo Bidigo ena tigiba dagana sagaselama, tama dagalude eno te tuni bidi duabo nai sia sai elalubo suai, tama bidi me deli te duabo nai sia saide dulaluai.

Kraisgo Geme Dualali Sę Pedelabo Po Jonbolo Ola Mani 3:21

Niwai bidigo te dwai kolesaga ebo aiyaba elalubo bidi, te aga dali eno usu da weyu, aga te ena pąde duawaibao, te ena eno tuni bidigo duayabo madide duabo sogo. Te polobadu ena me te dwai kolesaga ebo aiyaba elaluama, tama ena Aya dali agai duabo sia sai te naide dugulalu bidibo dao. Te tiwai te bidi ena dali bidaibao.”

Godigo Nogi Ugwaba Sabo Tęąbi Po Wabo Buku Dabe 46:10

Agai te po wai, “Dage munu ma hwįnamuo,” wali. “Dagego ena bugagia koneiąo, ena God mu dao. Ena ugwadu mu elalu, tama te tigidali tǫ pedai kantrigo we bidi hani dabe ena dologode bidibao. Te tigidali bulu pedai tǫde ena te polalubo bidi bidibo dao.”

Kraisgo Geme Dualali Sę Pedelabo Po Jonbolo Ola Mani 5:1

Tama eno suai, te genuai tuni bidi duabo naide dulalubo bidigo dolo nogo ugwadu daide eno suali, te buku tiwai nai me munalubo. Te bukude asęani po te me tomode elaluyu, me bulu badu elaluyu yai. Tama augwaligo te a naga olama me badu nogo si te dąų wabo naigo te buku dąų walai.

2 Timoti 6:16

Agaduba deli naga te munu me isisąbo ula page elalubo bidi dao. Aga te genuai nanobo ula tomode mu bidibo, tama da aga pąba pabo te usu me egobeo. Te bidi me deligo aga munu me sube, tama aga me subo usu egobeo. Genuai nogi mu me, bomo me te agade sesemane sogo bidada peyu, bidada paibao. Mu dao.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Israel Hanigo Namba 12:8

Tialima, eno aga dali po wabo te bidigo aga abagi dali po wabo tiwai wabo dao. Tama eno po agabolo hanilama mu wabo dao, eno po begelama, po digi pogo me wabo menio. Te me agai ena dwasianu suai dao. Tama dage sigo magi baso mu Moses dali dwai po wabo wi ebewe? Te eno sę bidi dali.” Te po wai.

Kraisgo Geme Dualali Sę Pedelabo Po Jonbolo Ola Mani 4:10

te bidi sese olama me si me si polalubo tobolu bidi augwali te tuni bidi duabo naide dulalubo bidigo gesabidiba kidu sugunama basi gulubo dao. Tama augwaligo agabolo lotu po weyu, aga nogi ugwaba sabo dao, aga te sesemane sogo bidada pabo bidi dao. Tama tiyu, augwaligo augwa te kapa golgo nigai wiegi yai madi dabe te tuni bidi duabo nai sai pageba te madi guda mayu, tama augwaligo te po wabo,

Esekiel 10:1

Tama eno te dagalu ugwadu tede te genuai dąį tiwai nai ma suali, tama te bidi tiwali nai me si me si te dąį dologode elalubo eno suali. Tama te ugwadu dąįgo ugwadu daide eno te bidi dugulalubo nai sia king me deli augwaligo te sisi dagalu masigi te gasa sawi yai mugo nigai sualio.

Esekiel 1:1

Ena Esekiel, ena te Juda dabe dali te wę Kebar pąde bidai, te Babilon tǫ kantri pedaide. Te Babilon dabe augwaligo da kalabus elama, tama da te augwa page bulu tǫba sela pai dao, polobadu. Tama te nanobo me si me si wabo polua, dei a naga wabo side, te kibu be bidi sese deli olama, nogo si wabo 30 yiade, te dagalu buga pabo side eno te nade ebo tiwai te God sualio.

Aisaia 12:4

Tama te sogo dagego balia weyu e tama waibao, “Genuai Bidigo nogi wao. Tama agaba i weyu, tama agabolo buba hwi wao. Te tigidali we bidi hani dabebolo pusao, te genuai sę dabe agai yalide. Tama augwalibolo pusao, aga genuai nogi elalubao.

Kraisgo Geme Dualali Sę Pedelabo Po Jonbolo Ola Mani 6:16

Tama augwaligo te bulu du dali masigi dabe sibolo i weyu te po wai, “Dagego da mesega sigulao, te genuai tuni bidi duabo naide dulalubo bidigo da suidali weyu, tama te kibu sipsip waigo sębę elalubo te aga gesabidide da duala saio, agai da suidali.

Te Israel me Juda Hani Sigo Tuni Bidigo Po Elalubo Buku Si 15:7

Tama te king Usia isibo sogo, tama augwaligo aga tigi sela pelama, te aga wąį nǫų pubalubo gų pageba pubulali, te Devitgo taunde. Tama tialima, te megi aga ogwa, Jotamgo, te aga ayago sę te agai selama, tama aga king mu nigilama, king sę mu yali.

Kraisgo Geme Dualali Sę Pedelabo Po Jonbolo Ola Mani 5:7

Tama te kibu sipsip wai aga pelama, tama te genuai tuni bidigo duabo nai pageba sabolama, tama tede dulalubo bidigo dolo nogo ugwadu daide elalubo buku agai sai.

Kraisgo Geme Dualali Sę Pedelabo Po Jonbolo Ola Mani 4:3

Tama aga gesabidi te ula gegemani yai, te wiegi yai dila pai mama yai masigi nogi jaspa me, te gasa mama yai masigi nogi konilian, te masigi si ula ebo tiwai yai. Te unigi bidi mego te tuni bidi duabo nai sia sai bobegela sai elaluai, tama te unigi bidi eno te wiegi yai masigi nogi emeral te ni yano tigi poai tiwai eno suai.

Kraisgo Geme Dualali Sę Pedelabo Po Jonbolo Ola Mani 4:9

Tama te bidibo ula elalubo hasa dabe, augwaligo te God aga te sesemane sogo bidada pabo te tuni bidi duala tiąlubo nai saide dulalubaso, te augwali homu wiegi yai mu ebo dao. Tama tibaso, augwaligo aga ula yai bomo dali, aga nogi dali te si ugwaba siyu, tama aga dali usu da po weyu balia wedu gebo dao. Tama tibaso da,

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Tuni Bidi Dabego Po Elalubo Buku Si 18:18

Tiali goli Mikaiago po wadolama weyu e tama po wali, “Tialima megi da, nago eno wabo poba bugagia olo munama odao, tama eno nagebolo Genuai Bidigo enabolo ola mani po pusaibao. Eno Genuai Bidi aga aga sia kingde dagalude dualalubo suai dao, tama tigidali ensel sibi augwali aga pąde mu dolalubo suali.

Esekiel 10:4

Tialima, Godigo genuai ulago te me si me si bidi tiwai nai taga soyu, te be sunumi pąba dolagasalio. Tama Godigo te genuai ulago te be bagulali obo tigidali una selama, te ula umabo mu elaluai dao.

Daniel 10:17

Tama tiyu, eno magi po nageba waibawe? Ena te sę bidi me deli te genuai bidigo gedude dolalubo tiwai ebao. Eno bomo meni baso, tama eno po wabo mobo meni yai,” eno te po wai.

Ma Dobola Sali 24:9

Tama nosali Moses, me Aron, me Nadap, me Abihu, me te Israel dabe genuai bidi, te bidi sese sela olama nogo si tama, augwali te bulu duba holai.

Jopgo Po Asęani Elalubo Buku 42:5

Genuai Bidi, polobadu da, eno olo bidi dabego po naga odama, tama nage koneai dao. Tiali goli, megi da, eno nage ena gedugo mu te subao.