Aisaia 59:8 - Godigo dwagi yai po buku8 Dagego te haliga nagame elama, dua digi bidibo kolesaga konesiąma, te dagego te Genuai Bidigo godolo ebo doloba pai kolesaga me ebeo. Menio. Te dagego kolesaga dabe dolo me isąwai, te bidi dabego dage te bilibo sunumi wali pobaso da, teda augwali te bugagia haliga nagame elama, bidabo pesage me gegelama, bidabo usu me egobeo. Gade chapit la |
Aisaia 59:8
20 Referans Kwoze
Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.
“Dage bomai po page ola mabo bidi me, dage Farisi dabe dali, hobede ya. Dageba te dwai sogo mu pedelaibao, dage tibo po wabo bage. Dage te dwasianu bomai po wali peyu, te tigidali gide elalubo dwasianu nai te kaya dabe dagego nogo si bugulama, deli te Godibolo menama, tama nogo a naga olama me badu nogo me si me si dagego sabo dao. Ao, te usu dao. Tiali goli dagego te bomo yai po genuai tigidali me badu sula tagalali, te bidi dagalobo doloba pai kolesaga me, te bidi homu dene eyu tau sabo kolesaga me, te bidi dabe dali dolo sę naga ebo kolesaga me dao. Te Godibolo nogo si nai bugulama deli mabo bomai po badi, te po dagego tagaligio, tiali goli e tobage te genuai bomai po te sę dagego mu iyąo.
Genuai Bidigo te tiwai po wali, “Dage Jerusalem we bidi, dage udulama, te taun sunumi dabeba, me te sisinibo pesageba tedela pelama, te doloba pai bidi meba bidibowe, ma meniwe, suainu tama tiao. Te dagego bidi me deli te doloba pai kolesaga wali peyu, te dolo yali kolesaga sę mu bomo ebo bidi subaso da, teda eno dage Jerusalemgo ebo dwai sę tigidali tagalaibao,” wali.
Tialima, te we bidi dabego te tama po wali, “Genuai Bidi, nago naga doloba pai kolesaga ola mayu, te tau selama da ma sabeo. Megi da, te kolesaga page dago koneani. Da te be hulia saide bidibo we bidi tiwai elalu, tama dago homugo te wiegi yai sogo daba pedelama, te giliga bomonama nanobo tiwai elama, te be hulia sai silimainu homu godolo mu yali. Tiali goli, menio. Da te genuai be hulia saide bilibo tiwai eyu, te da haniani sęgęgo gegebo dao.
Te sęgę dabego da dwai dene mu ebaso, te dago te genuai hasa bea dabego gani gani wabo tiwai weyu, te dago gela wali te ba higo po wabo tiwai yali. Tama dago te nageba tonalu, te nago doloba pai kolesaga ola mayu, te da tau selama, ma sabo tonalubo dao. Tiali goli, menio. Te nago doloba pai kolesaga dade digibulu elalubo dao,” wali.
Piblisite