Aisaia 59:4 - Godigo dwagi yai po buku

⁴ Dagego te doloba pai po tų me ebeo. Menio. Dagego te tibo po dabe weyu, te po tų odoboba gasa bage dabe kekasa pali. Te dagego tibo po haniani weyu, te po tų ebo dagego po naga odomainu elama, te gasa bage aiyaba elaluai. Te dagego homu kolesagade te dwai sę ebo kolesaga hauwa mu pągąnalu, te dagego dwai sę haniani ebo dao.

Aisaia 59:4 Referans Kwoze

Jopgo Po Asęani Elalubo Buku 15:35

Te dwai dwai ili po olama, tibo po wabo homu kolesaga te bidigo haliga tomode te we sibigo wai haligade pedalobo tiwai ebo dao. Augwaligo homu kolesaga dali, augwali haliga dali si te dwai kolesaga yabo homu pągąnalubo dao. Tama tiyu, augwaligo haniani dwai sę ebo dao.” Te Teman hanu bidi Elifasgo te po Jopbolo wali.

Jems 1:15

Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.

Jeremaia 7:8

“Dagego te tibo poba homu dąų wabo dao. Tialima, te pogo dage tau me sogobeo.

Jeremaia 7:4

Sesemane sogo augwaligo te tiwai po dageba obao, ‘Te da, te Genuai Bidigo be dao. E da, te Genuai Bidigo be da. Te e be da, Genuai Bidigo be dao,’ po wabo dao. Tialima, dage te homu igimio, te bego dage wiegi yai bugagia ilama bidaibao homu igio. Tiyu, duga digi duga tibo po ola mabo dao.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Aisaia 30:12

Tama tibaso, Israel dabego God te Wiegi Yai Doloba Pai Kolesaga Naga Ebo God, agai e tama po wali, “Dagego eno dua dao wali po sela sąnama, tudi ola manio. Tama dagego te ili po olama, te dolobo kolesaga dage tau saiba homu ebo te mu dagego dąų walio.

Bugagia Bidibo Kolesagade Po Asęai Buku 4:16

Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

Aisaia 59:16

Te aga dwai midigi siyu, te tiwai suali, te gasa bagego dolali bidi dabe te tau sabo bidi elalubo subeo. Tama tibaso, te aga bomogo digi, te aga doloba pai kolesagago digi, te Genuai Bidigo augwali ma selama, te augwali bugagia bidimainogo ilai dao.

Aisaia 59:3

Magi baso meni. Te dagego haniani tibo po weyu, te wado po, me po dwai wali. Te dagego dwai kolesaga eyu, te bidi dabe ela munama, te augwa kaneme dagego nogode dagana sai elalubao.

Godigo Nogi Ugwaba Sabo Tęąbi Po Wabo Buku Dabe 62:10

Tama tibaso, dagego te tama homu igimio, “Te hwįbo kolesaga me, te nai dabe wi sabo kolesaga me, te wiegi yai kolesaga da weyu, tama da te mone bidi pedalubaso, te usu yaiba,” homu me igio. Ma, te dagego mone me doado bage te hauwa pedalubaso da, teda dagego te nai dabeba naga duga homu mugio. Te usu egobeo.

Jeremaia 5:1

Genuai Bidigo te tiwai po wali, “Dage Jerusalem we bidi, dage udulama, te taun sunumi dabeba, me te sisinibo pesageba tedela pelama, te doloba pai bidi meba bidibowe, ma meniwe, suainu tama tiao. Te dagego bidi me deli te doloba pai kolesaga wali peyu, te dolo yali kolesaga sę mu bomo ebo bidi subaso da, teda eno dage Jerusalemgo ebo dwai sę tigidali tagalaibao,” wali.

Godigo Nogi Ugwaba Sabo Tęąbi Po Wabo Buku Dabe 62:4

Eno genuai nogi elalubadi, tiali goli, te dagego eno genuai nogi dolainu ebao. Dagego te tibo po wabo godolo homu mu ebo dao. Dagego te Godigo enaba wiegi yai sę yabo po pusai, tiali goli dagego haligade dagego te tama weyu wali, “Dago homugo te Godigo aga dolomainu homu ebao,” po wali.

Jopgo Po Asęani Elalubo Buku 15:31

Augwaligo dwai tibo kolesaga dąų wala selama, augwali homugo tego augwali dwagi yai mone sesaiba homu ebo dao. Tiali goli, meni. Augwaligo dwagi yai nai sabo me usu egobeo. Augwa tibo kolesaga mu da, teda augwaligo sabo masigi tiwai.

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Aisaia 5:18

Te dage dolaibao. Dagego te gasa bidi dabe ili po walama, sęgę te soba. Te sęgę dabe dage tigi dagana selama, tama dagego sela sąbo usu egobeo.

Aisaia 9:15

Tobolu te polo monu dabe de genuai nogi yai bidi sibolo wali. Te danu te tibo po we bidibolo pusali profet bidi dabebolo wali.

Aisaia 10:1

Dage te gesi gesi bomai po mubo bage, dage dolaibao. Te gesi bomai pogo te po tų ebode gasa bidi dabe aiyaba elaluama, tama nai meni yai bidi dabego nai sainu. Tama tiyu, te nai meni yai bidi dabe po tų ebo sogo asobaso da, te bomai pogo augwali tau sabo meni. Tama augwali po tų ebode geda mubo dao. Tama te dolo meni yai kolesagago dagego Genuai Bidigo we bidi dabe aiyaba elaluama, tama dagego te wilawe we dabe, me tiana wai dabego nai dabe dagego wi sabo dao.

Aisaia 28:15

Tama dagego e tama po wabo dao, “Dago te isibo kolesaga dali dago polo po dąų ola selama, tama dago te gų page dali dago po polo dąų ola sai dao. Tama tibaso, augwali sigo da me dologobeo. Te dwai sę da dolo pedalubadi me tagala, teda da geda muaibao. Magi baso meni. Dago te ili po olama, te hasegelu hasegelu ebogo da tau siyu, tama da bugagia bidaibao,” dagego te po wabo dao.

Aisaia 29:20

Tiali goli, te gasa bidi dali homu dene isąbo dwai bidi dabe, me te Godigo po olo nai dao homu ebo bidi dabe, me te dwai kolesaga hauwa yabo homu ebo bidi dabe, augwali sese dolama, hagala silaibao.

Aisaia 30:9

Magi baso meni. Augwali te bidi po mu sela sąbo we bidi mu dao. Tigidali sogo augwaligo Genuai Bidigo po sela sąbo dao, te augwa Aya. Te tigidali sogo augwaligo ili po olama, tama augwaligo agai po oda mabo po odobo hagela ebo dao.

Aisaia 33:11

Te bidi hani dagego ena dali boi bidi elaluali bage, dage da te olodali bomai sę mu elama, masigi meni yai nai dabe dagego sabo dao. Te bidigo aga gide wit genina soba homu ebo tiwai dao. Tiali goli, agai olo nosai dabe salio. Tama duga bomai sęgo te isi bogoli tiwai pedalama, tama dage mu sia sąwaibao.

Aisaia 44:20

Augwa homu kolesaga te mu kone tuą palio, tama augwa te geda mubo homu kolesaga mu eyu, te bidigo sia keli tubo tiwai yalio. Te we bidi dabe me deligo homu kolesaga dolo ma siyu, te po wabo sunumi deli me menio, ‘Te eno dolo nogode tolalubo nai, te ni dage naga, te god meni,’ te po wagobeo.’” Te po wai.

Aisaia 47:10

“Nago tama homu yali, te naga dwai kolesaga dabego te nage dąų walama, bidaiba homu yai. Tama nago homugo te nago ebo sę te bidi dabego sube da homu yai. Te nago koneani tobage hauwa kolesagago, te nago homu kone tuą palama, te nagaba digi nago te tiwai po wali, ‘Enaduba deligo naga tigidali bomo elaluba,’ homu yali, ‘te ena tiwai gasa me elalubeo,’ wali.

Aisaia 59:15

Te doloba pai kolesaga deli dade me elalubeo. Te bidi me deligo aga dwai kolesaga tagalobaso da, teda te gasa bage dabego te aga dolabo haniani sunumi gegebo dao,” wali. Genuai Bidigo te we bidi dabego doloba pai kolesaga ebo me susiąbaso, te agai augwaliba dwai haliga yalio.

Aisaia 64:7

Te nageba gedu haluasa po weyu, te nage nogi wabo bidi meni yai, te nage pąba asu, nageba homu kolesaga kęą pabo bidi meni, magi baso meni, nago naga gesabidi daba geme dula selama elalu, te nago dena sęgęgo da dodolomainu ilama, te da dwai mu bidibao.

Jeremaia 48:7

“Moap, nago te yali sę dabede me, mone dabe me, homu kone palobo sę bomo elalu, te nago homugo te nai dabego nage tau selama, te nage bugagia bidaiba homu ebao. Tialima, nago te homu ebo te wiegi yai menio. Tibaso da, te boi bidi dabego te boi hwįbaso, te nage aiyaba elalueibao. Tama nago tibo god Kemos te augwaligo selama, te gasa bulu kantriba kalabus igibu sela paibao, te aga pris bidi dabe me, te Moap tobolu bidi dabe dali sela paibao.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Godigo Nogi Ugwaba Sabo Tęąbi Po Wabo Buku Dabe 7:15

Agai tǫde genuai tǫ dedage nigilama, te gasa bidi aba tulalumainu yali, tiali goli aga digi aga te nigali tǫ dedageba tulalubo dao.

Godigo Nogi Ugwaba Sabo Tęąbi Po Wabo Buku Dabe 12:3

Genuai Bidi, nago te homu bega sabo po wabo bidi dabe pedauwali paniama, tama te hagoma ebo bidi dabe pedauwali me paniao.

Godigo Sęba Tagala Palai Bidigo Po 24:9

Tama Tertulusgo te po olama, te Juda dabego me aga tau selama, “Te mu po dao, te Polbolo naga,” te po wali.