Aisaia 59:18 - Godigo dwagi yai po buku

¹⁸ Te agai haliga sębęde, te aga boi bidi dabeba dwai dene mayu, te augwa yali dwai sę dolo usu wei ponaibao. Te agai te pąde elalubo bulu tǫ kantri we bidi dabeba, me te digibulu tǫ kantri dabe, te dwai dene mabo sę mu yaibao wai dao.

Aisaia 59:18 Referans Kwoze

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Aisaia 63:6

Te eno genuai haliga sębęgo, eno tigidali we bidi dabe agala salio. Te eno haliga sębę ebo kabude te ąį augwa tumainao, te augwali aiyoge page dwai mu yalio. Te eno augwaligo kaneme tǫba gelu tiai dao,” wali.

Polgo Po Pas Rom Dabeba Asęani 2:6

Godigo te tigidali bidigo yali kolesagade usu nama dobawaibao.

Matyu 16:27

Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.

Nahum 1:2

Genuai Bidi naga te God dao, te agai te gasa god aga tiwai pedalumainu me egobeo. Te agai po sela sąbo bidi dabe agai koneanio. Genuai Bidigo te haliga sębę augwaliba eyu, te dwai dene augwaliba mu mabo dao.

Dwagi Yai Gesi Po Lukgo Asęani 21:22

Te sogode te Godigo te Juda we bidigo yali dwai sę wei ponabo sogo dao. Tama te side te Godigo bukude asęani po tigidali te nai igibilama walaibao.

Te We Bidi Dabego Jerusalem Hagede Gela Wali 4:11

Genuai Bidigo te Saion dali haliga sębę dwai mu yalio. Tama tibaso, agai aga dene genuai mu manio, bidigo ąį te tǫba gelebo tiwai yali. Te agai te Saion isi tulama, tama te taun sese dela silibo tiwai yalio.

Aisaia 66:15

Te dagego Genuai Bidi te sia dali asobo sueibao, te aga karisde dugulama, bomonama, umagia mu udayu, te bomai wali asobo tiwai yaibao. Te aga haliga sębę ebo siago te aga boi bidi dabe ulama, te augwali mu silaibao.

Aisaia 63:3

“Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Godigo Nogi Ugwaba Sabo Tęąbi Po Wabo Buku Dabe 62:12

“Tama sesemane sogo eno te tigidali we bidi godolo mu ebao.” Te po wabo si eno mu odalio. Genuai Bidi, nago te da tigidali we bidigo ebo kolesagade usu nama, te sę wei si ma ilibo dao.

Jopgo Po Asęani Elalubo Buku 34:11

Agai da bidi dabe dago kolesaga dolo osola sulama, tama dago te yali sęde naga usu nama, te dene mabo dao.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Kraisgo Geme Dualali Sę Pedelabo Po Jonbolo Ola Mani 16:19

Te genuai hanu tomode te sela pepeda pali, tama te tigidali tǫde hani bidigo hanu te mu dolai. Tama Godigo te genuai hanu Babilon homugo koneani, tama agai te Babilon te wain ąį elalubo kapde ąį tigidali tumainogo yai. Te ąį wain te Godigo agai genuai sębę mu elalubo dao.

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

Esekiel 38:18

“Ena God Genuai Bidi, eno te po obao. Te king Gokgo te Israel dabego tǫba aselama, hwįagasobo si, teda eno te Gok dali, te aga dali asali bage dali, augwali dali sębę dwai mu yaibao.

Esekiel 6:12

Te tigidali isimainu yaibao. Te boi bidi dabego augwali ela muagasaibao. Tiali goli, te me badu digibulu bidali da, augwali te gasi selama isaibao. Te we bidi me badu bidalubadi yai baso da, te augwali me te nai mu sǫą pelama, te nasi elama isaibao. Te tebo kolesaga ebogo te eno haliga sębę yali mu usu naibao.

Esekiel 5:13

Te tama tebo kolesagade te eno sębę genuai eyu, te haliga sębę yali kolesaga silaibao. Te tigidali sę pedalubo sogo da, teda dagego eno te wali po homude kone palagasu, te dagego koneaibao, ena Genuai Bidi, te tibo god me deligo ena hasegelemainogo me ebo menio.

Jeremaia 50:29

Genuai Bidigo Babilon augwa boi bidi dabe e tiwai po walali, “Dage te enesigigo enebo mu koneai bidi dabe, dagego te Babilonba hwįagasao. Dagego te Babilon bugagia odogolama, bagua sao. Dagego te Babilon dabe me deli wi pomainu me elamuo. Te augwaliba dwai dene mayu, dagego ela munama, mu dolao, te augwaligo gasa hani dabe dolali tiwai yao. Magi baso meni, Babilongo te enaba hagoma eyu, te hasamani tigi gagea pabo tiwai mu yali, te Israel dabe augwa Genuai Bidi dao, ena te magi dwai sę munu me isąwai te wiegi yai doloba pai kolesaga ebo God dao.

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Bomai Po 7:10

Tiali goli, we bidigo aga godolo isąma yali we bidi, agai polo tama dene dolo mu mawaibao.

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.

Aisaia 40:10

Suao. Tigidali nai tonalubo Genuai Bidi aga bomo dali asobao. Agai te boi bidi dabe aiyaba elaluama, te aga we bidi dabe ma dobola sali, te aga boi hwįnama, te wiegi yai nai sabo tiwai yalio.

Aisaia 49:4

Tiali goli, eno enade digi te tiwai po obao, “Eno sę dene mu elama, te eno bomo tigidali sia salio. Tiali goli, te nai me pedalisiąma, te ena odolali sę dene yalio.” Tiali goli, tagalao, Genuai Bidigo te eno yali sęde koneama, tama eno tede sabo nai aga nogode elalubao. Awe, te eno Godigo ena te sę yalide wei ponabo nai sisi elama, munolubao.

Aisaia 65:6

“Suao. Ena Genuai Bidi, eno te dage dwai we bidi dabego ebo dwai sę tigidali te eno bukude asęani. Tede eno sagia sogobeo. Menio. Te eno dageba dwai dene mayu, te duga yali dwai sę tigidalide dolo mu wei ponaibao.

Aisaia 65:7

Te eno duga yali sęgo sęgę dali, te duga bulai wąį nǫų dabego yali sęgę dali tolomainu yaibao. Te duga bulai wąį nǫų dabe te lotu wabo pesage te bulu du bageba holama, tama augwa te wiegi yai hano denami ilibo ofa eyu, tama augwa te haniani dwai kolesaga ena gedude yali. Tama eno augwa yali dwai sę tigidali usu nama, dolo mu te wei ponaibao,” wali.

Aisaia 66:6

Te taun tomode genuai i weyu, te eno be tomode kulukulu wabo odao. Te eno i me kulukulu weyu ebao, te Genuai Bidi dao. Eno te ena boi bidi dabeba dwai dene mayu, te augwa yali dwai kolesaga wei ponaibao,” wali.

Esekiel 23:49

Dage ama nami we sigo, odao. Dage sigo penani sę hauwa eyu, tama dage sigo te tibo god dabeba lotu po wali. Tibaso, eno te dwai dene dage siba mawaibao. Te tiwai dage sigo bugagia koneao, ena digi ena God Genuai Bidi, eno te po wabo dao.” Te po wali.

Joel 3:4

“Dage te Tair me Saidon hani bage, me tigidali Filistia pedai badu me, dagego enaba mena sę yainu ebawe? Dagego homugo eno te dwai sę yalide homu eyu, te wei ponainu eba, agawe? Te dagego tama homu ebaso da, teda eno te polo dageba te wei ponaibao,” wali.

Bomai Po 32:41

te eno bidi dabego kolesaga osola suaibao. Tama eno moni ge hwą dulama, tama aga mu poa pelama, tama ula mu yaibao, tama eno te hwą selama, tama eno ena boi bidi dabe ela muaibao, tama ena godolo isąma ebo bidi me ela muyu yaibao. Tama eno te bidi dabego ena dali hwįainu ebo bidi enaibao, tama augwaligo kaneme te enesigigo eneba geasa dulaibao. Tama tialima, bidi meba te boide isisąma ebaso da, teda eno augwali me ela muaibao,’ Genuai Bidigo te po wali.”

Aisaia 66:14

Eno te tama sę dageba ebo subaso, te duga haliga pemene mu elama, te dage genuai bomai hani mu pedelaibao. Te dage eno sę bidi dabego te duga Genuai Bidi eno bomo bugagia koneaibao. Tiali goli, eno boi bidi dabego te eno haliga sębę koneyu, gę naibao.” Genuai Bidigo te po wai.

Jeremaia 32:19

Nago te wiegi yai sę dabe yabo homu kolesaga elalubao. Nago bomo elalu, te nago genuai sę dabe ebao. Nago te tigidali we bidigo ebo sę subo dao. Nago te bidi tigidali deli deligo ebo kolesaga dagalama, te augwa yali kolesagade usu nama, wei ponobo dao.

Jeremaia 50:15

Te dagego agai bomai bagulali obo aluali sogo, te agai ma hwįabo hagela ebaso, te dagego aga somainogo gogola tagalali, tialima, dagego te tigidali pedai habuba genuai dagą olama, i waiyąo. Tialima, megi da, dagego aga mu dolao, te agai gasa hani dabe dolali tiwai yao. Dagego agabolo te dwai dene mabo sę umagia mu ilao, magi baso meni, te kolesagade ena Genuai Bidi, eno agabolo te dwai dene mabo sę ilibo dao.