Aisaia 59:13 - Godigo dwagi yai po buku

¹³ Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Aisaia 59:13 Referans Kwoze

Jems 3:6

Te sia dabo tiwai da bidigo kelego wabo po tiwai dao. Tama te sia dabo tiwai, dago wali dwasianu dwai po te genuai mu pedaluama, dago tigi tomode dwai meda mu elama, tama da dolobo page elalubo. Tama dago wabo dwai po aga page bulu da te Satan aga moni dwai sia dabo bulu dao.

Hibru 3:12

Ama dede dabe, dage bugagia bidao. Tiyu dage tomode ama me deli aga homude dwai sę ebo homu elaluyu, tama aga Godide konealubo po tagaliyu, tama te bidibo ula elalubo God gegeda peyu tudiba muidali weyu, dagego dua dao.

Jems 1:15

Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Matyu 10:33

Tiali goli mena bidi agai te we bidi augwali gedude ena nogi tudiba mubo bidi, te eno me eno Aya dagalude bidibo bidi gedude aga nogi tudiba muaibao.” Jisasgo te po wai.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Hosea 7:13

“Odiąo. Te augwali dolomainu yaibao. Augwaligo ena tagalama, te enaba hagoma yali. Tama tibaso, eno augwali dolaibao,” wali. “Hasia bolo eno augwali tau sainu yali, tiali goli augwaligo tibo kolesaga enaba yalio.

Hosea 6:7

“Te we bidi dabe augwaligo te bulu Adam pesagede te wę Jordan nogelama, tama eno augwaliba te mani tǫba sabolali. Tama polo tama te eno augwali dali polobadu dąų walali po augwaligo togolama, bolai dao.

Hosea 1:2

Hasia sogo Genuai Bidigo te Israel dabeba maiabo po te Hoseago pedauwaliba muani, agai Hoseabolo te tiwai po wai, “Eno we bidi dabe augwaligo ena homugo wei me ebeo, tama augwaligo te tibo godiba lotu wagi pobao, te bidigo sai wego penani igi pabo tiwai ebao. Te usu siyu, nago te we me deli sigi pao, tama nosali te wego penani yaibao. Tama agai wai dabego me te aga ebo kolesaga tiwaiba peyu, te penani sę yaibao,” wali.

Esekiel 18:25

“Tiali goli, dagego te tama po obao, ‘Genuai Bidigo ebo te kolesaga, te dolo menio,’ wali. Tialima, dage Israelgo, eno po wabo bugagia odao. Dagego homude eno kolesaga te dolo meni da homu eba, agawe? Menio. Te dagego ebo kolesaga da, te dolo me ebe dao.

Esekiel 6:9

Augwali te digibulu bulude bidibo sogo augwaligo ena homu kone palaibao, tama augwa te tiwai koneaibao, te augwaligo tibo godiba gedu eyu, te wali pali kolesagago ena haliga sęgę mu ilama, tama ena augwaligo mu tagalalio. Tama augwa te yali dwai kugumini yai kolesagade hale dwai mu eyu, tama tiai sę yai dao.

Jeremaia 42:20

Dagego enabolo te Genuai Bidiba gedu haluasa po omainogo hanalu wagasali, dena God, te enabolo dagego e tiwai po wali, ‘Jeremaia, Genuai Bidiba gedu haluasa po wao, dago God, te agai po dabolo momainogo hanalu wao. Te agai mena po nagebolo mobaso da, teda nago dabolo olama, te dago wali paibao,’ dagego tama wali. Tiali goli, megi dagego gasa kolesaga yainu ebao, te kolesaga mu geda mubao, te tama tebogo dage dolaibao.

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Jeremaia 5:23

Tiali goli, dage we bidi te gasagi yai mu ebao. Dagego enaba hagoma mu eyu, te duga homu kolesaga te mu tomaga sobao. Tama dagego ena tudiba munama, te tedela pabo dao.

Jeremaia 3:20

Tiali digi, menio. Dage Israel we bidi hani, dagego ena tagalama, te wego aga bidi tagalobo tiwai yali. Ena Genuai Bidi, eno te po wai dao.”

Jeremaia 3:10

Judago ena tagalama, te dwai kolesaga ela biliyu, tiali te agai haliga munu ma begelama, enaba ma begasa asobeo. Menio. Agai haliga tibo begelainogo ebo tiwai yagasali. Ena Genuai Bidi, eno te po wai dao,” wali.

Jeremaia 2:13

magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Aisaia 57:11

“Dage dede mu wi elama, te dagego ena ili po ola mayu, te ena tudiba munama, te ena homu kone mu gegeda palobawe? Te bobobage sogo eno dageba wado po wabe, tama tiyu dagego enaba wi ebeo.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Aisaia 32:6

Te polobo sę ebo bagego te subigila po dabe wabo dao. Tama tigidali sogo augwaligo dwai polobo sę naga ebo dao. Augwaligo Genuai Bidigo godolo yabo sę dabe ebo menio. Tama ili po hauwa Genuai Bidide ela palobo dao. Tama augwaligo te nai meni yai bidi dabebolo nai masiąma eyu, me augwaligo te wę nogone ebo bidi dabe wę mayu ebo menio.

Aisaia 31:6

O dage Israel dabe, dagego Genuai Bidigo po sela sąbo dao. Tiali goli, dage mu begelama, tama agaba ma asiąo.

Aisaia 5:7

Te Juda we bidi, me Israel we bidi, te Genuai Bidigo Tigidali Bomo Elalubo Bidigo wain gi tiwai dao. Agai godolo mu elama, agai augwali bugagia mu tonalubo dao. Te we bidi dabego wiegi yai doloba pai kolesaga naga emaina homu ebo dao. Tiali goli, augwaligo dwai kolesaga ebo dao. Agai homugo augwaligo gasa we bidi dabe dali wiegi yai kolesaga emai homu ebo dao. Tiali goli, augwaligo gasa we bidi aiyaba elaluama, tama augwaligo augwali dali boi bidi homu kolesaga ebo dao. Tama te aiyaba elaluali we bidi dabego i wabo agai odali.

Bugagia Bidibo Kolesagade Po Asęai Buku 30:9

Tiyu, eno doado bage hauwa mu elalubaso, tama eno nage tudiba muyu, tama eno te po waidalio, ‘Genuai Bidi de dawe?’ Tama tiyu, ena te magi nai meni yai bidi pedaluyu, tama eno te nai dabe wi siyu, tama eno God nago nogi aiyaba elaluidalio,” wali.

Godigo Nogi Ugwaba Sabo Tęąbi Po Wabo Buku Dabe 78:36

Tiali goli, augwa tibo po olama, tama agaba te odolali pedauwalide ąį soabo tiwai elama, daganobo po walio.

Godigo Nogi Ugwaba Sabo Tęąbi Po Wabo Buku Dabe 18:21

Magi baso meni, eno te Genuai Bidigo bomai po bugagia wali pai. Eno dwai sę me isiąma, tama ena God tudiba me mubeo.

Josua 24:27

Tama Josuago te we bidi augwalibolo wali, “Te sesemane sogo dago te masigi subo sogo da, te dago homugo te dago te dąų wali poba homu kone ma palaibao. Te masigigo te Genuai Bidigo dabolo wali po tigidali odali. Te dage homu hodolabo dąį me deli te ilali, te dagego te dena Godigo po munu me sela sąnamu dao,” te po wali.

Jopgo Po Asęani Elalubo Buku 31:28

Ma, eno te tobage kolesaga dabe igi sogo da, teda eno God dagalude bidibo bidi tudi ola mayu, te agaba homugo kęą pabo kolesaga togoyu tigi dao. Tama te pagede agai ena po tų ela menama, ena sęgę genuai mu magi dao,” wali.

Aisaia 10:1

Dage te gesi gesi bomai po mubo bage, dage dolaibao. Te gesi bomai pogo te po tų ebode gasa bidi dabe aiyaba elaluama, tama nai meni yai bidi dabego nai sainu. Tama tiyu, te nai meni yai bidi dabe po tų ebo sogo asobaso da, te bomai pogo augwali tau sabo meni. Tama augwali po tų ebode geda mubo dao. Tama te dolo meni yai kolesagago dagego Genuai Bidigo we bidi dabe aiyaba elaluama, tama dagego te wilawe we dabe, me tiana wai dabego nai dabe dagego wi sabo dao.

Aisaia 30:12

Tama tibaso, Israel dabego God te Wiegi Yai Doloba Pai Kolesaga Naga Ebo God, agai e tama po wali, “Dagego eno dua dao wali po sela sąnama, tudi ola manio. Tama dagego te ili po olama, te dolobo kolesaga dage tau saiba homu ebo te mu dagego dąų walio.

Aisaia 58:2

“Mu tama, te tigidali sogode augwa te enaba lotu wabo kolesaga eyu, te eno homu kolesaga osola sueinu yali. Te augwaligo enaba hanalu, te augwaliba doloba pai kolesaga yao weyu, te augwali pąde bidibaso, te augwali wiegi yai pemene yaibao wali. Tiali goli, te hani dabego tibo po mu wai. Augwaligo te eno bomo yai po tudiba munama, te augwa dwai kolesaga naga ebo sę yai dao.

Aisaia 58:9

Te dagego enaba gedu haluasa po weyu, i wabo sogo, te ena Genuai Bidi, eno te dagego gedu haluasa po wabo odoyu, tau saibao. Te ena dage dali bidibo, dagego koneaibao. Te dagego gasa bage dabe aiyaba elaluama, te augwaliba nogo tų eyu, po dwai wabo tagalama,

Aisaia 58:13

Genuai Bidigo te tiwai po wali, “Dagego te Sabat side bomo yai po boligio, te eno side ena digi dąį ilali. Te dagego duga sę dabe digi te side yabo homu me igio. Dagego te Genuai Bidi eno side, te ena godolo homu mu elama, te duga genuai side da homu kone palao. Te dage me tedela pįsama, te duga sę me isiąma, te haniani olo po me minamo dao wali.

Jeremaia 12:8

Eno te we bidi dabe, augwaligo enaba boi bidi yali. Augwaligo ena aiyaba elaluainu i bomonama weyu, te laion me deligo genuai buside i wabo tiwai yali. Tialima, te eno augwali godolo homu munu me egobeo.

Amos 6:12

Dagego homugo te hos kibu dabe te genuai masigi dabe daidu ugwadu udada pabo usu yaiba, agawe? Te menio. Ma, dagego homugo te genuai masigi ugwadu daide te bulmakau dabego te gi tǫ elebo dono kegebo usu yaiba homu eba, agawe? Menio. Te kolesaga dabe mu geda mubao. Tiali goli, te dagego te tobage deli tigi poai kolesaga naga ebao. Dagego te po tų ebo doloba pai kolesaga te bidi isilibo nabi tiwai pedalubao. Tama dagego te wiegi yai kolesaga te dwai ha ebo nai tiwai pedalubo dao.

Jeremaia 2:16

Israel, nage we me deli tiwai, te taun Memfis bidi dabego, me te taun Tapanes te tǫ kantri Isip bagego nage dwai hale iliyu, te nago tobolu nisi tigidali poalama, sela sąwai.

Jeremaia 2:17

Te naga digi yali sęgo te sę nageba pedelali. Magi baso meni, ena Genuai Bidi, naga God, eno nage te sunumidu odasa asainu yali, tiali goli, naga hagela eyu, ena tudiba muai dao wai.

Hosea 7:1

“Eno te Israel dabe usu ma ilama, te augwa sę tigidali te wiegi yai pedalumainu ebo sogo, tegoba, eno te augwaligo dwai kolesaga naga suali, tama te Samaria bage augwaligo yali dwai sę dabete pebeli dilide elalubo suali. Augwaligo te abagi dabe tibo po ola mayu, tama augwaligo te be aluama, te doado bage wi siyu yai. Tama augwaligo te bidi dabego doado bage te taun sunumide anoma eyu, kekelama siyu yai.