Aisaia 59:12 - Godigo dwagi yai po buku

¹² “Genuai Bidi, te dago dwai sęgę nago gedude hauwa mu elama, te sęgę dabego da po tų ilali. Tama dena digi dena yali te dwai sę tigidali bugagia koneai dao. Mu tama, dago dago dwai sę hauwa yali dao.

Aisaia 59:12 Referans Kwoze

Esra 9:6

Tama eno gedu haluasa po te tiwai wali, “God, te ena genuai hale mu elalubao. Tama eno homugo te eno gedu haluasa po nageba wagasogobeo homu yai. Dago te dwai sę hauwa mu yalio. Tama dago sęgę te pobele bage pesage genuai moni bage me deli te dagaluba usu nainu holobo tiwai mu ebao,” wai.

Hosea 5:5

Te Israel dabe augwa hagoma kolesagago digi augwa ma po tų ilali. Te augwa dwai sę yali sęgęgo digi te augwa tulaluama, tama te Juda dabe me te augwali dali tulaluai dao.

Hosea 4:2

Augwaligo te po dąų wali, tiali goli augwaligo wali me pisąwai. Augwaligo tibo po olama, tama bidi ela muyu, te nai doado bage wi siyu, tama penani eyu ebo dao, tama augwa te bidi ela mubo sę ela pabo dao. Tama te dwai kolesaga te genuai mu pedelama,

Esekiel 5:6

Tialima, te Jerusalem dabego eno po sela sąnama, te augwali dwai we bidi mu pedelalio. Te Jerusalem dabe augwaligo yali dwai kolesagago te gasa tǫ kantri we bidi augwaligo ebo dwai kolesaga te aiyaba mu elaluali. Te Jerusalem augwaligo eno po me eno bomai po dabe te tudiba mu muanio.

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Hosea 7:10

Te Israel dabe augwa hagoma ebo kolesagago digi augwa po tų ilali, tiali goli te augwa homu begelama, te augwa Genuai Bidi, God enaba ma asobeo. Mu tama, augwaligo ena kegasa asobeo.

Esekiel 7:23

“Te Israel we bidi augwaligo subigila sę yali. Te augwa tǫ kantri tigidali pedai badu augwaligo te gasa we bidi dabeba dwai sę eyu, te hauwa we bidi ela muani. Tama tialima, te augwali kęnabo sen dabe nigibo sogo da po wai dao.

Jeremaia 3:2

Nago te ni meni yai bulu du dabeba tonao. Te bulu du me deli elalu, tama nage teba pelama, te penani kolesaga ebe da homu eba, agawe? Nage te sunumi sesegede dugulalu, te bidi dabe asobo tonaluali, te Arebia bidi dabe te bulu tǫ wa pai pesage te sunumi sesegede tonalu, augwa te sunumi wali asobo bidi dabego nai wi sainu tama tiali. Te nago dwai kolesaga dabego, me te penani ebo kolesagade, te nago bulu tǫ kantri dwai meda mu yai eno gedude pedalubao wali.

Aisaia 3:9

Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Nehemia 9:33

Dago te dwai sę ebo kolesaga ebaso, tama nago te daba dene ilibo sę yali. Tama nago te kolesaga te dolo ebao. Sesemane sogo nago te naga dąų walali bomai po wali peyu, tama nago da tau sali, tiali goli dago hagoma eyu, tama dwai kolesaga haniani ebo dao.”

Esra 9:13

“Te mu tama nago te tiwai po dabolo mu tama obadi, tiali goli dago nago po sela sąyu, tama te dwai sę ebo genuai mu yai. Tama tiyu, nago da sesanobo po obao. Dago te dwai sę hauwa mu yali, tama te nago da tigidali mu doligi sogo da, te dolo igi dao. Tiali goli, te menio, nago te olo tau mabo wiegi yai kolesaga daba eyu, tama nago te dwasianu hani bidimainogo ilalio.

Israel Hanigo Namba 32:23

“Megi eno po bomona dage dali te obao, dagego duga dąų wali po wali pisiąbaso da, teda dagego Genuai Bidi dali sęgę saibao. Tama dagego te tama koneao, Genuai Bidigo dagego dwai sęgę kone palama, tama dage ela silaibao.

Godigo Nogi Ugwaba Sabo Tęąbi Po Wabo Buku Dabe 51:3

Eno koneai, eno dwai sę yai. Tama ena yali sęgęde eno homugo konealubo tagalobeo.

Aisaia 58:1

Genuai Bidigo enabolo te tiwai po wali, “Nago genuai po dągą mu olama, i wao, dua digi i me wagio. Nago bomonama i wabo, te bu wabo nai biugel bu wabo tiwai yao. Te eno we bidi dabeba weyu, te Jekopgo hani dabe, te augwa dwai sęgę me dwai kolesaga po wao,” po wali.

Habakuk 1:4

Tama te we bidi augwaligo po tų ebo si, augwaligo te nago bomai po wali pisąma, tama augwaligo homugo te bomai po te olo nai dao tiwai homu ebao. Tama sesemane sogo te bidi dabego doloba pai kolesaga wali pabeo. Te dwai bidi dabego te doloba pai bidi dabe aiyaba elaluama, tama nago bomai po te hųgia sabo dao.

Aisaia 64:4

Polobadu te bidi mego te god me deli tobage bomai sę yali po odobeo, te we bidi tau siyu, te konealu tonaluabo sę. Ma, bidigo aga gedugo te god me deligo te tobage bomai sę ebo subeo. Menio. Genuai Bidi, nago naga te tiwai bomai sę ebo dao.

Esekiel 7:16

Te me badu usu yali da, te augwali bulu duba wi pelawaibao. Tama te tigidali wi pali we bidigo te augwa yali dwai kolesagade homu kone palama, te augwa haliga sęgę elama, dwai gela waibao, tama augwaligo gela wabo te odogo bulude bidibo ba dabego gela tiwai pedelaibao.