Aisaia 59:11 - Godigo dwagi yai po buku

¹¹ Te sęgę dabego da dwai dene mu ebaso, te dago te genuai hasa bea dabego gani gani wabo tiwai weyu, te dago gela wali te ba higo po wabo tiwai yali. Tama dago te nageba tonalu, te nago doloba pai kolesaga ola mayu, te da tau selama, ma sabo tonalubo dao. Tiali goli, menio. Te nago doloba pai kolesaga dade digibulu elalubo dao,” wali.

Aisaia 59:11 Referans Kwoze

Aisaia 38:14

Ena dene genuai eyu, te ena gela weyu, i wali, eno gela wali te ba higo po wabo tiwai yai. Te eno dagaluba ugwa tonaludu, sesabia pai elaluai, te nago ena tau somainu yali, te ena gedu dene elama, te gedu ąį pągąna pai dao.”

Esekiel 7:16

Te me badu usu yali da, te augwali bulu duba wi pelawaibao. Tama te tigidali wi pali we bidigo te augwa yali dwai kolesagade homu kone palama, te augwa haliga sęgę elama, dwai gela waibao, tama augwaligo gela wabo te odogo bulude bidibo ba dabego gela tiwai pedelaibao.

Hosea 7:14

Augwaligo tibo gedu haluasa po enaba wabo dao. Tama augwali te tǫba degasa dulama, tama te dwai gela te Genuai Bidigo po odisąbo bidi haiden dabego wabo tiwai ebo dao. Te augwaligo nai me wain ąį sainu gedu haluasa po wabo sogo, te augwa digi augwa tigi dabe ge hwągo togobo, te haiden eno po wali pisąbo bidi dabego ebo tiwai ebo dao. Augwaligo ena dali hagoma mu ebo dao.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Jeremaia 8:15

Te da bugagia bidaibao homu dago yali, tiali goli, te da bugagia me bidibeo. Te da bugagia usu ma elama bidabo sogo pedelaiba homu yali, tiali goli, te boi bidi dabe aselama, da wi dwai mu ilai dao.

Aisaia 59:9

Tialima, te we bidi dabego te tama po wali, “Genuai Bidi, nago naga doloba pai kolesaga ola mayu, te tau selama da ma sabeo. Megi da, te kolesaga page dago koneani. Da te be hulia saide bidibo we bidi tiwai elalu, tama dago homugo te wiegi yai sogo daba pedelama, te giliga bomonama nanobo tiwai elama, te be hulia sai silimainu homu godolo mu yali. Tiali goli, menio. Da te genuai be hulia saide bilibo tiwai eyu, te da haniani sęgęgo gegebo dao.

Aisaia 51:20

Te nago we bidi dabego bomo meni yai, te augwa gedu gęǫ page elama, te augwa degasa dulama, te augwali tigidali sunumi bagude pila muna muna palio. Augwali te hasa bade tuali tiwai elaluali. Augwa te magi sę yabo usu me ebeo. God, Genuai Bidigo te augwaliba wado po olama, te aga haliga sębę ebo kabude te ąį tumainu ilali, te augwali dodolo pelama, elaluai dao.

Godigo Nogi Ugwaba Sabo Tęąbi Po Wabo Buku Dabe 119:155

Te dwai kolesaga ebo bidi dabego nago doloba pai po wali pisąbaso, tama tiyu te nago augwali ma sogobeo po wali.

Godigo Nogi Ugwaba Sabo Tęąbi Po Wabo Buku Dabe 85:9

Mu tama, agai te agaba lotu weyu, agai homu wali pabo we bidi dabe ma sainu te sisi yalio. Tama agai da ma selama, tama aga digi da dali dago tǫde bidaibao.

Godigo Nogi Ugwaba Sabo Tęąbi Po Wabo Buku Dabe 38:8

Ena mu dolama, tama ena dwai bidali, te magi nai me deligo ena bomonama agabo tiwai gilama yali. Eno haligade te dwai homu mu yali, tama ena te genuai denede i me weyu yali.

Godigo Nogi Ugwaba Sabo Tęąbi Po Wabo Buku Dabe 55:2

Ae, nago eno gedu haluasa po bugagia odolama, tama enaba po wei ponao. Te sęgęgo ena mu dolainu ebo dao.

Aisaia 59:8

Dagego te haliga nagame elama, dua digi bidibo kolesaga konesiąma, te dagego te Genuai Bidigo godolo ebo doloba pai kolesaga me ebeo. Menio. Te dagego kolesaga dabe dolo me isąwai, te bidi dabego dage te bilibo sunumi wali pobaso da, teda augwali te bugagia haliga nagame elama, bidabo pesage me gegelama, bidabo usu me egobeo.

Aisaia 59:14

Tama tibaso, dago te kolesaga dabego te nago doloba pai kolesaga te dade digibulu elaluai, tama tiyu, te nago da tau selama, ma sabeo. Te dago te doloba pai kolesaga me mu po wabo, te da tomoba aselama, elalumainu ebeo. Te da sisinibo side me, te augwali si me bidagasobeo.

Te We Bidi Dabego Jerusalem Hagede Gela Wali 3:17

Eno homu nagame elama, wiegi yai homu elama me bidibeo. Tama eno bugagia bidibo kolesaga te gegeda palalio.

Nahum 2:7

Te boi bidi dabego te Asiria king bidi dolalumainu ilali. Tama augwaligo kwingo gudubo ugwa peda sąnama, tama kalabusiba odasa pali. Tama te kwingo sę ebo we dabe te dwai haliga eyu gela obao. Augwa te homu dene mu ebaso, te augwa hagawiaba nogo elebao.

Godigo Nogi Ugwaba Sabo Tęąbi Po Wabo Buku Dabe 119:150

Te dwai homu elalubo bidi dabego te ena dolabo homu eyu, te augwali pąba asobao. Augwaligo nago bomo yai po wali pabo homu munu me ebeo.

Nahum 2:8

Te we bidi dabe te Ninive taun buluba wi tedela sąwani, te wę palialuali dalubaso te wę pabo tiwai ebao. Te ofisa dabe augwaligo i bomonama weyu, te tiwai obao, “Dolaluiąo! Dolaluiąo! Wi pigimio!” wabo. Tiali goli te me deli doligi pelama, te ma geasa me pabeo. Menio. Tigidali wi naga pela silibao.