Aisaia 57:4 - Godigo dwagi yai po buku

⁴ Dagego po dwai deba wali, dage te hagoma ebo bidi dabe, me te po geagano pabo bidi, me tibo po wabo bidi te augwaligo wai dabe dawe? Dagego gesabidi dwai eyu, te dagego hąę hąę elama, deba wabo dawe?

Aisaia 57:4 Referans Kwoze

2 Pita 2:13

Tama augwaligo dwai kolesaga haniani ebo, tama augwalibolo te dwai kolesaga ebo wei ma ponobo sę pedalaibao. Augwaligo homugo te siade nai dali te wę dali hauwa tubo kolesaga, te wiegi yai homu ebo kolesaga dao. Tama tebo homugo augwaligo nai dabe dage dali tuyu, tama augwali te dwai meda yai tiwai dage tomode bidiyu, tama augwaligo tibo kolesaga ebode te wiegi yai homu pemene ebo dao.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Godigo Nogi Ugwaba Sabo Tęąbi Po Wabo Buku Dabe 35:21

Augwaligo enaba po kisilama, te genuai po dągą weyu, te tama po wabo dao, “Mu tama, dago te nago dwai kolesaga meba te ebo gedugo sualio,” te po wabo dao.

Ma Dobola Sali 9:17

Tiali goli, nago eno we bidi dali te boi bidi homu eyu, tama nago augwali tagala palobeo.

Kolosi 3:6

We bidi augwaligo te tobage kolesaga dabe ebaso, te Godigo augwali dali sębę eyu, tama augwalibolo dwai dene mabo sogo mu asaibao.

Efesus 5:6

Dage bugagia dua dao. Tiyu dage te gasa bidigo agai dage te dwai kolesaga tomoba kekainogo ebaso da, agai wabo kedu meni yai po wali pelamuo. Te eno tamadi wali dwai kolesaga ebode te Godigo agai po sela sąbo bidi dabe dali sębę yaibao.

Godigo Sęba Tagala Palai Bidigo Po 9:4

Tama Sol aga tǫba tulaluali. Tama agai bidi me deligo pedauwalidu po weyu, te tama po wabo odali, “Sol, Sol, nago ena magi baso dolobo sę ebawe?” te po wai.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

Matyu 27:29

Tama augwaligo sesani yai bonogo madi me deli nigilama, tama augwaligo Jisas toboluba muai. Tama elama, tama augwaligo te awi dili me deli agai dolo nogode muai. Tama augwaligo agaba kidu sugunama, tama augwaligo posobo po agabolo e tiwai wai, “Siade dao, Juda dabego tuni bidi dao.”

Matyu 13:38

Tama te nai ge tedelalo pali gi da, te e tǫ dao. Tama te wiegi yai nai ge da, te Godigo obo tomode bidibo we bidi dao. Tama dwai noswai da, te Satango we bidi dabe dao.

Hosea 10:9

Tialima, Genuai Bidigo te po wali, “Polobadu te Israel dabego te Gibeade enaba dwai sę yali, tama augwaligo te kolesaga tagalobeo. Tialima, te boi bidi dabego te Israelba hwįagaselama, tama te hwį hwį pali, te Gibeaba usu nigi paibao.

Esekiel 2:4

Augwa tobolu dili dagana sigi pelama, te augwaligo eno po me odobeo. Megi da, eno te nage augwaliba pomaina homu elama, te eno po augwaliba magi pao. Te augwaliba te tiwai po walao, ‘Te e da Tigidali Bomo Elalubo Godigo po digi eno dageba obao.’

Aisaia 37:29

Eno te nago haliga sębę ebo po, me te hagoma ebo po tigidali te tama kolesaga ebo po odali, te nago tama tiyu, naga digi naga nogi ugwaba sali. Tiali goli, megi da, eno nagede bomai po elalubao. Eno te huk te bisigi ebo nai selama, te nago gunide munama, te eno ain dage augwaligo te hos pedauwalide mubo nai selama, te nago pedauwalide muaibao. Tama nosali eno nage te naga asali sunumidu ma kekasa paibao,’ Genuai Bidigo te po wai.”

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

Aisaia 30:9

Magi baso meni. Augwali te bidi po mu sela sąbo we bidi mu dao. Tigidali sogo augwaligo Genuai Bidigo po sela sąbo dao, te augwa Aya. Te tigidali sogo augwaligo ili po olama, tama augwaligo agai po oda mabo po odobo hagela ebo dao.

Aisaia 30:1

Genuai Bidigo te po wali, “Te Juda hani, te da augwali eno wai bǫų hani dabe, augwali dolaibao. Magi baso meni. Augwali bidi po odisiąwai hani mu dao. Augwaligo eno homu kolesaga wali me pabeo. Menio. Augwaligo augwa homu kolesaga wali naga peyu, augwaligo gasa bulu bidi dabe dali abagi me olama, bidibao. Tama tiyu, augwaligo dwai sęgę hauwa augwa hasi tigide pesage holalio.

Aisaia 10:15

“Tuni bidigo te po tama wali. Tiali goli, ena Genuai Bidi eno hanalu waibao, ‘Te sigi hwą me deligo te po waibawe, “Te ena genuai dao, tama bidigo nogo toulama, nigilibo te enaduba bomogo edelalio,” po waibawe? Te so mego “Ena te bidigo nogo toulama, ni togobo bomo te eno edelalio,” po waibawe? Te hwįbo ni dage dabego bidi nogo toulama, hwįgi pabo meni. Menio. Te bidigo te ni dage dabe nogo toulama, hwįgi pabo dao.’” Genuai Bidigo te po wali.

Godigo Nogi Ugwaba Sabo Tęąbi Po Wabo Buku Dabe 69:12

Te bidi dabe sunumiba sisinama, tama enade po miani. Tama te wain wę tulama, te gęǫ ebo bidi dabego te balia mebade te dwai po enaba weyu yali.

Godigo Nogi Ugwaba Sabo Tęąbi Po Wabo Buku Dabe 22:17

Eno tigi dili tigidali te hania pedelali. Tama te bidi dabego ena sulama, tama ena dolali sęde te augwa wiegi yai homu pemene yai.

Godigo Nogi Ugwaba Sabo Tęąbi Po Wabo Buku Dabe 22:13

Te boi bidi dabe augwaligo te ena dolainu sisi elama, te laiongo dwai hwą wabo tiwai eyu, tama te uni hasa tuabo pedauwali nalubao.

Godigo Nogi Ugwaba Sabo Tęąbi Po Wabo Buku Dabe 22:7

Tigidali we bidigo ena sulama, tama augwaligo posobo po enaba wabo dao. Augwaligo hamena enaba diniyu, tama augwa tobolu peme eyu ebo dao.

Josua 10:21

Nosali Josuago ami bidi dabe tigidali augwali te Makedaba ma geasa asai. Te me dedeli me dolobeo. Tama tibaso, mena bidi me deligo te dwai posobo po te Israel dabebolo me wainogo ebo usu me isiąwai dao.

Israel Hanigo Namba 16:11

Tama Aron ma mena tiwai bidi da weyu, dagego aga dali wado ebawe? Aga te olo bidi dao. Tialima, nage dali, naga hani dali, dagego Aron dali wado ebeo. Menio. Dagego God dali wado ebao, Genuai Bidi dali.” Mosesgo te po wali.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Aisaia 57:5

Te duga haligade dwai homugo te bomonama hodolobaso, te genuai ni dologo te lotu wabo pesageba pelama, te penani ebo kolesaga ebao. Dagego te duga wai puluba dabe elama, te ofa tiwai eyu, te odogo tǫ pesagede te genuai masigi elalubo tomode ulubo dao.

Tuni Bidi Dabego Po Elalubo Buku Si 36:16

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.

Jeremaia 20:8

Tigidali sogo eno nago po pusubaso, nago enabolo te genuai po dagą weyu, te tiwai i omainogo yaibao, “Hwįbo pedelaibao. Dage dolaibao.” Te bidi dabego te po odolama, te augwaligo ena hale ilibo dwai po sesemane sogo udubo dao.