Aisaia 57:17 - Godigo dwagi yai po buku

¹⁷ Eno wado po dwai mu augwaliba wali, magi baso meni, te augwa haniani dwai kolesagade te augwaligo doado bage hauwa mu sabo homu yali. Tama tialima, te eno augwaliba dene mayu, te eno gesabidi augwaliba geme sesela sali. Tiali goli, augwa me hagoma idu gęyu, te augwa homu kolesaga wali piduai dao.”

Aisaia 57:17 Referans Kwoze

Aisaia 56:11

Augwali te nai hauwa tuabo homu ebo yowi tiwai bidali, te dwasianu pągąsiąbo ąǫ yai. Augwali te sipsip tonalubo bidigo aga sę ebo konesiąbo tiwai yali. Deli deligo te augwa homu wali pelama, te aga tau sabo nai naga homu koneai dao.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

2 Timoti 6:9

Tiali goli te doado bage hauwa saio homu ebo bidi dabe augwali te buside bidibo uni kibu dabego te nai tugi painogo te denami odobo tiwai ebo dao. Tiali goli te kibu aga te dedagede tulaluyu isabo homu me konegobeo. Te moneba homu konebo bidi dabego homu te tiwai ebo dao. Te augwa homu te moneba dąų olama, tama augwaligo te haniani dwai kolesaga wali peyu, tama te homu kolesaga meni yai bidi tiwai bilibadi, te augwa digi dene mabo kolesagago augwali dąų wabo dao. Tama tiyu augwa digi dolama, tama augwali dwai mu hobedagia bidaibao.

Dwagi Yai Gesi Po Lukgo Asęani 12:15

Te we bidi dabebolo agai te po wali, “Dua dao, duga tobage nai yogo idali weyu. Nai hauwa mu mubo te bidi geswai bidibo menio. Nai hauwa mu mubo te bidi te aga bidibo ula sabo te usu menio,” wali.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Jeremaia 22:17

Tialima, nagade digi, naga homu elama, te nago sesemane sogo te tobage nai dabe pesa elama, tama nago te nai dabe sainogo tibo kolesaga ebao. Tama nago te magi dwai sę isąwai bidi dabe odolali elibao. Tama nago te we bidi elaluama, te augwaliba dwai sę ebo dao,” wali.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Jeremaia 2:30

Eno dagego wai puluba dabeba dwai dene mabo sę yali, te dage dodoliyu yali, tiali digi ena odolali sę dene yai. Dagego duga kolesaga me hasegelebeo. Menio. Iya! Dagego te eno dageba tagala palali profet dabe deli deli ela muna muna pela silali, te nasi yai boma pai laiongo hasa elebo tiwai yai.

Aisaia 45:15

‘Nage te Israelgo God, nago te naga we bidi dabe ma sabo God dao, te gasa we bidi dabede nage te naga digi geme duala selama elalubo dao.

Aisaia 9:13

Te Israel we bidi homu begelebeo. Genuai Bidi Tigidali Bomo Elalubo Bidigo augwali dene mani. Tiali goli, augwali agaba ma asobeo.

Aisaia 8:17

Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Kolesaga Koneai Bidigo Pusali Po Elalubo Buku 6:9

Te dago dena elalubo naide dwagi yai homu pemene eyu bidao. Te kolesaga ebogo te haniani naide pesą ebo kolesaga aiyaba elalubo dao. Te naide pesą ebo kolesaga aga page me elalubeo, te bidi udayu, te wali nogogo tola sainu ebo tiwai naga ebao. Te dago sali nai dabede wiegi yai homu pemene ebaso, usu yaibao.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Aisaia 2:7

Te Israel dabego tǫ te silva, me gol, me hos, me karis dabego mu pągąna pali. Tama bidigo nedebo usu egobeo.

Aisaia 42:24

Dego mu te sę yao po obaso, te boi bidi dabe aselama, te da Israel dabego nai dolama, wi sagasaliwe? Dego mu te da Jekopgo hani bage te augwaligo nogoba muaniwe? Te Genuai Bidigo naga dao. Magi baso meni, dago aga tudiba munama, te dwai sęgę sabo sę yai. Dago te agai wei homu ebo kolesagade dolo bilisąma, tama dago agai bomo yai po sela sąwai.

Aisaia 64:9

O Genuai Bidi, nago dade haliga sębę mu idu, te sesemane sogo dago ebo dwai sęde homu kone paludigio. Menio. Da tigidali te naga we bidi da homu elama, te nago daba olo mu tau sabo wiegi yai kolesaga yao.

Aisaia 66:3

“Tiali goli, te augwa digi dobo homu wali pabo we bidi dabego augwa te haniani dwai kolesaga godolo mu eyu, tama augwa te enaba lotu mu obao, te homu ebao. Tiali goli, augwaligo enaba te ofa ebo tigidali te eno godolo mu me isąwai. Te augwaligo bulmakau elama, enaba ofa ebo sogo, eno suali, augwa te bidi elali tiwai ebao. Te augwa sipsip wai elebo sogo, eno suali, augwa te yowi elama, te enaba ofa tiwai yali. Augwa te wit dabe ofa ebo sogo, eno suali, augwa te kibu kaneme ofa ebo tiwai yali. Te augwa wiegi yai denami ebo hano ebo ofa ebo sogo, eno suali, augwa te tibo god piksa me deliba ofa ebo tiwai yai dao.

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 51:13

Babilon, te nago tǫ kantride te ąį hauwa me wiegi wiegi yai nai hauwa elalubao. Tialima, nage dolabo sogo te pąba yagasalio. Nage bidibo ula te ugwa hobolobo hobi tiwai elaluali, te megi da, augwaligo togwainogo ebo dao.

Jeremaia 8:6

Eno augwaligo poba olo bugagia mubadi, tiali goli eno augwaligo mu po wabo me odobeo. Te bidi me deligo homu begeligi soyu, te po weyu, ‘Tegobao, eno genuai sęgę mu sali,’ po wabeo. Menio. Tigidaligo augwa homu naga wali pabo homu yali, te ami dabe hosde dugulama, te hwįgi painogo udabo tiwai ebo dao.