Aisaia 57:16 - Godigo dwagi yai po buku

¹⁶ Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Aisaia 57:16 Referans Kwoze

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 85:5

Magi yaliwe, te nago dabolo sesemane wado iduaibawe? Te nago wado po me sia sogobe da, agawe?

Hibru 12:9

Dagego te me koneao. Te dena e tǫde aya augwaligo da dodoloyu yai, tama dago augwali nogi ugwaba sai. Teda dago dagalude bidibo Aya dologoba mu pelama, tama dago te bidibo ula mu sao.

Jeremaia 10:24

Genuai Bidi, nago da dodolao, tiali goli, nago da selebo sę igio. Tiyu, nago da dali haliga sębę eyu, nago da mu dolidalio.

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

Jeremaia 38:16

Tialima, king Sedekaiago e tiwai bomo yai po me deli dąų walali, “Mu tama, te Sesemane Sogo Bidibo Genuai Bidigo nogide obao, aga te bidi da bidibo ula page bidi, eno nage me ela musiąma, te eno nage te dolainogo ebo bidi dabego nogoba me mugobeo,” wali.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Tigidali Nai Gagalama Nigali Side 6:3

Tialima, Yawego te po wai, “Eno te bidibo ula sesemane sogo bidada pomainogo sesabi gana emainu mabo mobo te momainogo me egobe, magi baso meni, augwali te osogo bidabo nai tama naga da. Megi da, te bidi bidibo ula te kibu be 120 naga usu nama bidimainu yaibao,” Godigo te po wai.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Jeremaia 3:5

‘Te nago enaba sesemane haliga sębę elaluduabo homu igio. Te nago wado ebo te silao homu ebao.’ Israel, nago tama tiwai po wali, tiali goli, nago te tobage dwai kolesaga dabe idu, te nago homude ebo kolesaga simanigi pabo dao,” wali.

Esekiel 18:4

“Te aya idago bidibo ula tigidali, me te wai dabego bidibo ula eno nogode naga elalubao. Tama tibaso, te bidi deligo te sęgę sabo dwai sę ebaso, te bidi naga isaibao,” te po wai.

Amos 1:11

Genuai Bidigo wabo po e dao, “Hauwa sogo te Idom tǫ kantri we bidigo dwai sęgę sabo sę idu geai. Augwaligo te tebode dwasianu toma me nabeo. Augwaligo te Israel hani we bidi dabe pobeasa pali, te augwa ama dabe digi te augwali bobage hwą ge bainatgo elalio. Te augwali hobede eyu, tau sabo homu eyu, tama augwali tagalabo homu dwasianu me ebeo. Mu menio. Augwaligo haliga sębę ebo wado yabo homu sębę genuai mu elama, posolo mu yai, tama te haliga sębę yali me silibeo. Te me elalualio. Tialima, mu tama, eno te Idom dabe augwaliba dwai sęgę mabo dene mu ilaibao.

2 Samuel 24:16

Tama te we bidi dolobo sę ebo mobo bidi ensel, aga te Jerusalemba sabolama, tama te Jerusalem dolainu sisi elaluali. Tiali goli, Genuai Bidigo te dwai sę te we bidiba pedalubo sęde te homu dene yali. Tama aga homu hasegelama, tama te mobo bidi enselba te tama po wai, “Tagalao, te usu dao,” wai. Te sogo te mobo bidi ensel te augwa te wit nai ge siyu, tama te bo wali dabe sela sąbo pesage me deli pąde te dolaluali. Te tǫ pedai te Arauna, te Jebus hani bidi me deligo tǫ elaluali.

Jopgo Po Asęani Elalubo Buku 12:10

Tigidali we bidigo bidibo ula dali, agai te nigali nai dabego bidibo ula, te aga nogode naga elalubo.

Aisaia 27:8

Genuai Bidigo aga we bidi agai augwali kalabusiba tagala palali sogo, augwali dene mawai dao. Agai te bomai wali te giliga asobo badu asiyu, te haniani nai dabe selasa pabo tiwai yali gilama, agai aga we bidi aga bomai waligo augwali sela sąyagasai dao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Aisaia 64:8

Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.