Aisaia 57:14 - Godigo dwagi yai po buku

¹⁴ Genuai Bidigo te tama po wali, “Te eno we bidi dabe enaba ma asomainu yaibao. Te augwa sunumi bugagia dodolama, te sunumi paliabo nai tigidali sela sąwaibao, tiyu te nai dabego augwali sągąde dolama, te augwali tula muidalio,” wali.

Aisaia 57:14 Referans Kwoze

Aisaia 62:10

Dage te megi Jerusalemde bidibo hani dabe, dage tigidaligo taun tagaliąo. Te taun tagalama, sunumi bogoba pelama, te sunumi bugagia dodolao, te duga we bidi dabe ma asobao. Te augwa sunumi bugagia sisilao, te sunumide elalubo masigi dabe sela sąyao. Tama te tigidali tǫ kantride bidibo hani we bidigo suabo plak me deli nide walao.

Aisaia 40:3

Odao. Bidi me deligo te tiwai i wali, “Te Genuai Bidigo sunumi te wa pai bulu tǫ pesagede dodolao,” wali. “Te bulude dena Godigo genuai sunumi pebeli diliba ilao.

Aisaia 35:8

Tama genuai sunumi me deli te badu elalueibao. Te genuai sunumi nogi e tiwai waibao, “Godigo Tedali Gasagi Yai Genuai Sunumi Digi Dao,” wai. Te God gedude wiegi yai isąwani bidi dabe, augwali te sunumide me biligobeo. Mu menio. Te Godigo we bidi dabego sunumi naga elalueibao. Te homu kolesaga meni yai bidi dabe, te augwali te pąba me pogobeo.

Jeremaia 18:15

Tialima, ena we bidi augwaligo ena homu kone me isąma tagalali. Tama augwa te wiegi yai denami ilibo hano ebo ofa te tibo godiba ebao. Tama tebo kolesagade augwali tulaluama, te polobadu wiegi yai sunumi wali pabo tagalali. Te megi da, augwa te dwai sunumi wali pabo dao.

1 Korin 8:13

Tama tibaso, te nai tubogo eno ama te dwai sęba tulalumainogo ilibaso da, teda eno te mi munu ma tugobeo. Tiyu eno te eno ama te dwai sęba tulalubo sę ilidalio.

Polgo Po Pas Rom Dabeba Asęani 14:13

Te da tigidali te Godigo po tų ebode mu dolalubaso, tama dago dwai homu gasa amago ebo kolesagade ebo tagalao, te me elamuo. Menio. Dago te tiwai homu yao: dago te ama dwai sęgęba tulalumainogo magi sę me deli elamu dao. Te aga Godigo pabo tųdu pabo dolamuo.

2 Korin 6:3

Dago homugo te bidi dabe augwaligo dwai po te dago ebo sęba me badi te tama po waidali homu elama, tama augwaligo Godigo po tudiba muidali weyu, dago te bidi dabe augwali sągąde magi nai me deligo enama tulaluabo sę me egobeo.

1 Korin 8:9

Awe, te mu dao. Tiali goli dage mi tubo bage dage dua dao. Tiyu tama te tibo godibolo mani mi tubo sę duga digi elama, tama te bomo meni yai bidi dabego sulama, tede sągąde dolama, tama augwali te dwai sęgęba tula muabuo.

Godigo Nogi Ugwaba Sabo Tęąbi Po Wabo Buku Dabe 68:4

Dago te Godigo nogi ugwaba sabo tęąbi po wao. Aga te pǫ dabede dugulasa, tama pabo dao. Agai sunumi dodolao. Aga nogi te Genuai Bidi dao. Dago aga gedude wiegi yai pemene yao.

Aisaia 49:11

“Te eno nigali bulu du dabe te pepedama, dodolaibao, te eno ena genuai sunumi pedalumainu yaibao.