Aisaia 57:13 - Godigo dwagi yai po buku

¹³ Te dwai sęgo dage dolobo sogo, dagego te pesage holama elalubo godigo te dagego augwaliba i obaso, te augwali aselama, dage tau sagasaiba, agawe? Mu menio. Augwa bomo me elalubeo, te dwasianu waligo naga augwali sela paibao. Tialima, te bidi dabe enaba aselama, te eno augwali tau siyu, tonaluainu ebo bidi da, augwaligo te tǫ eno sa muyu, te eno we bidi dabego somainu yaibao, te augwali me eno digi te sa muani bulu dude bidimainu yaibao,” wali.

Aisaia 57:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 37:9

Te dwai sę ebo bidi dabe mu dolaibao. Tiali goli, te konealubo homu dąų olama bidibo we bidi dabego te Genuai Bidigo augwali tau somainu tonaluali we bidi dabe da, te augwali te augwa tǫde bugagia bidaibao.

Godigo Nogi Ugwaba Sabo Tęąbi Po Wabo Buku Dabe 37:3

Nago konealubo homu Godiba munama, tama wiegi yai kolesaga yao. Nago tama tiali da, tama nage te naga tǫde sesabi elama bidaibao, tama magi nai me deligo nage me dologobeo.

Aisaia 65:25

Te bulu uni yowi dabe me te sipsip wai dabe augwali hodobo deliba nai tueibao. Te laion dabego te bulmakau dabego nosai tubo tiwai yaibao. Tiali goli, te hasamani dabego da, te tǫ hogomu naga tueibao. Te Genuai Bidi, eno buludu pesage tigidalide, te tigidali nai bugagia elalueibao, te bidi me deligo gasa bidi meba dwai sę iliyu me tegobeo. Ena Genuai Bidi, eno po wai dao,” wali.

Aisaia 56:7

augwa wiegi yai yaibao. Te eno bulu du Saionba te augwali eno odasa paibao, te augwali eno bede bidiyu, wiegi yai pemene yaibao. Te augwa te siago tigidali domainu ebo ofa dabe eyu, te gasa tobage ofa dabe eno altade yaibao. Te eno augwaligo ebo ofa godolo homu yaibao, magi baso meni, eno be da te tigidali bulu tǫ kantri we bidi aselama, te enaba gedu haluasa wagasabo be elalubo dao.”

Sekaraia 7:13

Tama eno augwaligo gedu haluasa po wabo odai menio. Magi baso meni, augwaligo eno po odisąma ebaso.

Joel 3:17

Agai te tama po wai, “Te sogo te Israel dagego koneiagameo, ena tama ena God, te duga Genuai Bidi da waibao. Ena te Saionde bidibao, ena bulu du deli digi dao. Te Jerusalem eno te ena taun naga pedelama, te gasa hani dabe augwaligo boi bidi homu eyu, te tomoba ma pogobeo.

Esekiel 20:40

“Magi baso meni. Te ena God Genuai Bidi, eno tama po obao. Te po tų yali tudi badu, dage eno we bidi te Israel eno tǫba ma pelama, te dage tigidaligo enaba te genuai tedali gasagi yai bulu dude digi lotu obaso, te eno dageba wiegi yai homu pemene yaibao. Te dagego enaba wiegi yai homu eyu, polasa inayai wiegi yai ofa yabo nai dabe selasa aselama, te dagego enabolo maiagameo,” te po wai dao.

Aisaia 66:20

Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.

Aisaia 65:9

Te eno Juda dabeba wiegi yai sę eyu, te tigidali Israel haniba me tiaibao. Eno augwali te genuai we bidi hani pedalumainu ilaibao, te augwali eno bulu du pesagede bidalumainu yaibao. Te hani we bidi dabe eno augwali sa munama, te eno sę bidi bidimainogo yai, te tǫde augwali bidimainu yai dao.

Aisaia 11:9

Te Genuai Bidigo bulu du ugwadu te tigidali nai dabe augwa hasi bugagia deliba bidaibao. Te mego me dali dwai sę me egobeo. Magi baso meni. Te tigidali tǫde nai dabe sesego Genuai Bidi mu konea pela silaibao. Te kolesaga te tigidali tǫ mu usu nigi paibao, te tamu ąįgo aga dąįba usu nani tiwai yaibao.

Godigo Nogi Ugwaba Sabo Tęąbi Po Wabo Buku Dabe 125:1

Te Genuai Bidiba homu kęą pali we bidi dabe, augwali te Saion bulu du tiwai dao. Te bulu du mumunu me isiąma, tama aga page dąų mu elalubao.

Te Israel Tobolu Bidi Dabe 10:14

Dage pelama, te duga digi sa muyu nigilali god i wagi pao. Augwaligo te dage sęgę sabo sogo tau somainu emainao.” Genuai Bidigo te Israel bagebolo te po wai.

Hosea 13:3

Tama tialima, te we bidi dabe augwali te kigamu pedalubo dagalu pǫ te olo sia sabo tiwai gilama yaibao wali. Augwali te hulide tulali tulubage segeni te nosade elaluama, te giliga nanu polo sia sabo tiwai ąǫ yaibao. Augwali te wit bo te waligo sela pelama, te besela palobo tiwai yaibao. Tama augwali te sia hano te be pedudu ugwaba holama, te polo silibo tiwai yaibao wali.

Jeremaia 22:22

Te boi bidi dabe te bomai wali asobo tiwai elama, te nago tobolu bidi dabe sela paibao. Tama te boi bidi dabego nago abagi dabe selama, te digibulu buluba kalabus igi paibao. Te tama tebo sogo, te naga yali dwai kolesagade hale dwai mu yaibao.

Jeremaia 22:20

Genuai Bidigo te tiwai po wali, “Jerusalem, nage te Lebanon genuai bulu du dabeba holobadi, te bulu Basanba, me te bulu du Abarimba me holama, te bomonama i weyu, hobedai gela wao. Magi baso meni, te nago abagi da wali bidi tigidali, te augwali dolali dao.

Aisaia 65:11

“Tiali goli, dage da, te dage ena tudiba muyu, te eno bulu du, te Saionba asisąma, te enaba lotu wagasisąbo hani dabe, dage te dwai dene mu saibao. Dagego te Gat me Meni, te siba nai me wain ąį mayu, lotu wabo dao. Te tibo god dabe te augwaligo dage tau somainu ebo da homu elama, te duga wiegi yai sogo elalueiba homu yalio.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 40:24

Augwali te plaua dabe te bidigo tamadi tama bulama, te augwa sele aiyaba dulusiąwai tiwai elalubao. Te Genuai Bidigo bomai posolai wali tagala palobo sogo, augwali te deli sogo polo tama sasia pelama, te baguasa pabo waligo augwali te hogomu sela pabo tiwai ebo dao.

Bugagia Bidibo Kolesagade Po Asęai Buku 28:25

Te bidigo homugo te doado bage hauwa sabo homu ebo bomo ebaso da, teda agai kolesagade te bidi hauwago te wado po omainu ilibao. Tiali goli, te Genuai Bidiba konealubo homu bomo eyu dąų wabo bidi da, te aga bugagia bidiyu, tama doado bage hauwa elaluaibao.

Godigo Nogi Ugwaba Sabo Tęąbi Po Wabo Buku Dabe 84:12

Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!

Godigo Nogi Ugwaba Sabo Tęąbi Po Wabo Buku Dabe 58:9

Te polo mu tama, Godigo augwali dolaibao, te bidigo dwasianu ni gelibo tiwai gilama yaibao. Augwali te bidibo ula elalubadi, tama Godigo augwalide haliga sębę mu elama, tama agai augwali te pobele bage sąbo tiwai gilama ebo dao.

Godigo Nogi Ugwaba Sabo Tęąbi Po Wabo Buku Dabe 1:4

Tiali goli, dwai bidi dabe augwali te tiwai gilama mu menio. Augwali te tubo nai wit bo te waligo selasa pabo tiwai ebo dao, te yalala pai olo nai mu dao.

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Te Israel me Juda Hani Sigo Tuni Bidigo Po Elalubo Buku Si 3:13

Elisa agai te Israel bidi dabego king bidi subaso, tama agai te po wai, “Magi baso nage ena pageba asobawe? Nage pao, tama te polobadu naga aya me, te ida me, augwaligo pelama, te hanalugi pali te profet bidi bageba pao,” wali. Tiali goli, te king Joramgo te po wei ponoyu, e tiwai po tama wali, “Menio. Genuai Bidi aga digi te da sela king bidi dabe sisinama, tama da te Moap hanigo king nogoba muainu ebao,” wali. “Tama tibaso, da nage pageba asai dao,” wali.

Godigo Nogi Ugwaba Sabo Tęąbi Po Wabo Buku Dabe 118:8

Te dago konealubo homu te Genuai Bidiba muani, te wiegi yai da, tama dago te olo bidi dabeba te konealubo me usugobeo.

Aisaia 14:32

Te dago mena po wei ponaibawe, te Filistia dabe augwaligo dago augwali tau somainu hanaluagasobaso? Te dago augwaligo po wei e tama ponaibao, “Te hanu Saion te dago Genuai Bidigo digi duala sabo bulu tiwai nigilai dao. Tama aga we bidigo genuai sęgę elaluyu, me sęgę yai sę eyu ebaso da, augwali teba pelama, tama augwali bugagia bidaibao,” wali.

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Aisaia 49:8

Genuai Bidigo aga sę bidiba te tiwai po wali, “Eno digi eno nage ma selama, te nage wiegi yai ilabo sogo bodolu muani, te sogo mu dolo eno nago i wabo odolama, nage tau saibao. Te nage eno bugagia tonaluaibao, te nagede naga eno te tǫde we bidi tigidali dali bomo yai po dąų waibao. Tama eno te Israel tǫ kantri wiegi yai ma pedalumainu ilaibao, tama te Israel hani augwa te megi olo elalubo tǫde ma bidaibao.

Aisaia 60:21

Te sogo te nago we bidi tigidaligo doloba pai kolesaga naga eyu, te eno augwa tǫ da olama, sa muani tǫ te augwa saibao, tama augwa tede sesemane bidada paibao. Te ena nogogo digi eno augwali te deli hani we bidi pedalumainu ilali, tama augwali te eno bulai ni nologo tiwai pedelali. Eno tama tiali, te gasa hani we bidi dabego sulama, te enaba genuai nogi momainogo tiai dao.

Jeremaia 30:14

Te nago polobadu abagi wali bidi hani dabe, augwaligo nage homu kegeda palama, te homu godolo me ebeo. Nago te dwai sę hauwa yali te genuai sęgę elalubao. Tama nage eno dolama, te sesena pai bidigo aga boi bidi dali ebo kolesaga tiwai yali.

Godigo Nogi Ugwaba Sabo Tęąbi Po Wabo Buku Dabe 37:11

Tiali goli, te augwa digi augwa aiyaba elalubo we bidi dabe, te augwali te tǫde bugagia bidaibao. Te augwali wiegi yai mu bidiyu, tama wiegi yai pemene elama, bidaibao.

Godigo Nogi Ugwaba Sabo Tęąbi Po Wabo Buku Dabe 37:22

Te Genuai Bidigo wiegi yai po augwaliba wabo we bidi da, te augwali te bugagia tǫde bidaibao. Tiali goli, te Genuai Bidigo te dolomainao po wali we bidi dabe da, teda agai augwali sela sąwaibao.

Godigo Nogi Ugwaba Sabo Tęąbi Po Wabo Buku Dabe 37:29

Tiali goli, te doloba pai bidi dabe da, te Godigo augwa mani tǫ saibao, tama augwa tede sesemane sogo bidada paibao.

Godigo Nogi Ugwaba Sabo Tęąbi Po Wabo Buku Dabe 37:34

Nago konealubo homu Genuai Bidiba dąų olama, tama agai po dolo wali peyu, tama agai kolesaga wali pao. Nago te tiwai eyu da, teda agai nageba te genuai nogi mayu, tama nago te agai nageba mani tǫ tolalu bidaibao. Tama agai te dwai sę ebo bidi dabe dolobo te nago sueibao.

Aisaia 45:20

Genuai Bidigo te tiwai po wali, “Te tigidali tǫ kantri we bidi dabe, dage sisinagasiąo. Te hwįani sogode dolisąma bidalubo we bidi dabe, dage tigidali te po tųba asiąo. Tama dego te tibo god piksa dali sela asobo bidi, aga homu kolesaga mu meni ebao. Aga te tibo godiba gedu haluasa po weyu, aga tau somainu tiaibao, tiali goli te god te bidigo nigo dulama naga nigali, tama agai te bidi tau sabo usu me egobeo.

Jeremaia 2:28

Tiali goli, tega! Juda te dage tau somainogo duga digi te nigali god dabe mena bidibawe? Augwa namba te duga taun dabe namba tobage gagawai yali. Te dageba sęgę me pedalubo sogo, augwaligo digi dage tau somainao, te augwali usu elalubaso da, te emainao,” wali.