Aisaia 55:3 - Godigo dwagi yai po buku

³ “Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

Aisaia 55:3 Referans Kwoze

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.

Matyu 11:28

“Dage we bidi dabe sę dene genuai eyu sęgę yai nai tolobo tiwai we bidi dabe, dage tigidali enaba asao, te eno dage tau siyu, tama dagego toma tueibao.

Bugagia Bidibo Kolesagade Po Asęai Buku 4:20

Ogwa, te eno poba olo bugagia muao. Mu tama, olo sugunama, odao.

Dwagi Yai Gesi Po Jongo Asęani 10:27

Eno kibu sipsip dabego eno po wabo dogoni odobo dao. Eno augwali koneai, tama augwali ena wali asobo dao.

Godigo Sęba Tagala Palai Bidigo Po 13:34

Jisas isilama, Godigo aga gų pagede ma hodolai, agai tigi nosali damua pogobe. Tama polobadu Godigo te sę yabo homu ebadi, te po wai, te bukude asęani, ‘Polobadu eno Devitbolo po ola mawai, agabolo dwagi yai sę yabo po. Tama megi eno nagebolo me te po e mobao.’

Tigidali Nai Gagalama Nigali Side 17:7

Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.

Dwagi Yai Gesi Po Jongo Asęani 6:37

Eno Ayago enabolo mabo we bidi tigidali augwali ena pageba asaibao, ena wali asomainogo. Ena pageba asobo bidi te aga eno me sela sągobeo, mu menio.

Aisaia 61:8

Magi baso meni. Genuai Bidigo te po wai, “Eno te doloba pai kolesaga naga godolo ebao. Eno te bidi elama nai wi sabo kolesaga, me te gasa bageba dwai sę ebo kolesaga, te hagela mu ebao. Te eno we bidi dabe te gasa bidi dabego augwaliba mani dwai sę ebo sęgę hauwa tolali, te mu tama te megi eno augwaliba wiegi yai nai mu mawaibao. Te eno bomo yai po me deli augwali dali dąų walaibao, tama te dąų walali bomo yai po sesemane elalua paibao.

Godigo Nogi Ugwaba Sabo Tęąbi Po Wabo Buku Dabe 78:1

Eno hani bage dabe, dagego eno po bugagia odao. Dagego eno wainogo ebo poba olo bugagia muao.

Pris Sę Ebo Bomai Po 18:5

Dagego te tigidali kolesaga me tigidali bomai po eno godolo yabo sę me eno dagebolo mobao. Te dagego tama sę eyu da, te dagego bidibo ula elalueibao. Ena Genuai Bidi, ena duga God, eno te po obao,” wali.

Hibru 13:20

God aga te da we bidi homu nagame ilibo page bidi elalubao. Agai te dago Genuai Bidi Jisas te gų pagede ma hodolama, tama aga ma bidimainu ilali. Hasia Jisasgo aga digi bidibo ula olo mayu, tama Godibolo ofa tiwai mani, te da we bidi tau somainogo yali. Tama tebogo agai te Godigo te we bidi tau sabo dąų wali gamonabo po te mu dąų walali. Tama tiyu, aga te da sipsip tiwai bidibo we bidi tonalubo te polalubo bidi pedalai dao. Tama eno homugo te God agai te tigidali wiegi yai kolesaga dagebolo mao, te dagego agai homu kolesaga wali pabo usu ilimainogo yao. Tama eno homugo me da tomode agai tigidali te aga digi godolo yabo kolesaga tigidali pedalomainogo yao, te Jisas Kraisgo nogide tama tiao. Aga genuai nogi te sesemane bidada pabo sogo elalua peyu, elalua paibao, te eno homugo. Mu dao.

Dwagi Yai Gesi Po Jongo Asęani 8:47

Godigo wai dabego da augwaligo Godigo po tigidali odobo dao. Tiali digi, dage Godigo wai dabe menio. Tama tibaso, dagego bomo elama dagego Godigo po sabo homu ebo menio,” Jisasgo te po wai.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Jeremaia 50:5

Augwali te Saion bulu duba painogo da, teda augwa teba pabo sunumi hanalu waibao. Te augwa te tiwai po waibao, ‘Tegoba, da pelama, te Genuai Bidi dali po dąų wagi pelainao, te da aga hani we bidi bidaibao. Tama te dąų wali bomo yai po sesemane elalueibao, te bidigo agade homu kone me gegeda palama tagalamu dao.’ Augwaligo te sogo te po waibao.”

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Jeremaia 30:9

Te augwali ena Genuai Bidi, augwa God dologode bidaibao. Me eno te Devitgo hani bidi me deli augwaligo king nigilama, tama augwali aga dologode me bidaibao,” te po wai.

Godigo Nogi Ugwaba Sabo Tęąbi Po Wabo Buku Dabe 119:112

Eno po dąų weyu, te eno nago bomo yai po tigidali wali pidubadi, te ena isibo sogoba usu naibao po wai dao.

Godigo Nogi Ugwaba Sabo Tęąbi Po Wabo Buku Dabe 89:28

Te eno sesemane sogo aga wei mu iduaibao. Tama eno te po dąų wabo kontrak aga dali elama, tama te dąų walali po kontrak te sesemane elalua peyu, elalua paibao po wai dao.

2 Samuel 23:5

“Tama Godigo te eno hani sibi bomo ilama, bidimainu ilali, magi baso meni, agai te bomai po me deli te ena dali dąų wali, tama agai te dąų wali po te togolama, me ma bologobeo. Menio. Teda te dąų wali po te sesemane sogo elalueibao. Te eno godolo ebo nai tigidali, te Godigo ena mawaibao. Tama agai te ena te sesemane sogo ugwaba ela holomainu ilali.

Matyu 13:16

Tiali goli dage da, te wiegi yai homu pemene yao. Magi baso meni. Dagego gedugo te nai dabe te subo dao, tama dagego ologo po odobo dao.

Polgo Po Pas Rom Dabeba Asęani 10:5

Te bomai po wali peyu tama Godigo bidi doloba pai bidi nogi pobo tųde te Mosesgo polobadu te po asęani, “Bidi te kolesaga tigidali eyu da, teda aga te bidada pabo ula saibao,” te po asęani.

Dwagi Yai Gesi Po Jongo Asęani 7:37

Te olo bidibo si silibo side, te genuai side dao, wai. Te tebo side Jisas dolaluyu, bomo olama, i wai, “Bidi me deli ąį nogone ebaso da, te bidi ena pageba aselama, ąį tuagasao.

Tuni Bidi Dabego Po Elalubo Buku Si 6:42

Genuai Bidi, nago naga sę bidi Devit kone palao. Tigidali sogo nago aga godolo mu yai dao. Tama tialima, nago naga digi sa muani te king tudiba togolama tagalamo dao,” Solomongo te tiwai gedu haluasa po wali.

Godigo Nogi Ugwaba Sabo Tęąbi Po Wabo Buku Dabe 119:175

Eno te nago nogi ugwaba somainogo, nago enaba te bidabo ula mao. Eno homugo te nago pogo ena tau somainogo homu ebaso.

Aisaia 51:4

“Dage eno we bidi dabe, eno po odao. Eno te wiegi yai bugagia bidabo kolesaga te tigidali hani we bidiba ola mayu, te eno te po tų dodolobo doloba pai kolesaga te tigidali bulu tǫ kantride ula tiwai elalueibao wai dao.

Aisaia 54:10

Te bulu du dabe pedasa pelama, degaibao, tiali te eno nagede homu godolo ebo te sesemane sogo elalueibao. Te da si bugagia dugulalu, te eno bugagia bidabo sogo maiabo po weyu, te dąų walali bomo yai po te eno me bologobeo. Ena Genuai Bidi, te eno nagede homu dene mu eyu, te nage godolo homu mu yai, eno te sę dabe yaibao te po nageba wai dao,” wali.

Jeremaia 38:20

Tialima, Jeremaiago te po wai, “Augwaligo nage te Juda dabego nogoba me mugobeo. Menio. Nago te Genuai Bidigo nageba mayu, eno pedauwalide wabo po tigidali wali pali da, teda nage bugagia bidiyu, te augwaligo nage me ela mugobe dao.

Esekiel 16:60

Tialima, eno digi nago te bolali bomai po dąų wali te eno homu kone me gegeda palogobeo. Tialima, eno gesi bomai po nage dali dąų walama, tama te dąų wali gesi bomai po te sesemane elalua paibao,” wali.

Esekiel 34:24

Tama ena Genuai Bidi da, augwaligo God bidaibao, tama te Devitgo hani bidi te augwaligo king bidaibao. Te da God Genuai Bidi eno po dao.

Esekiel 37:26

Tama eno augwali dali kontrak po dąų walama, tama augwali tigidali sogo bugagia bida bida peyu bidaibao. Tama eno augwali augwa tǫde bidimainu sula tagalama, tama augwali we bidi hani genuai hauwa mu pedelaibao. Tama eno be augwali tomode tigidali sogo mu elalua paibao.

Amos 5:4

Te Genuai Bidigo Israel dabeba te tiwai po obao, “Dage isidali weyu, tama bidimainogo eyu, dage enaba geasa asiąo.

Amos 5:6

Dage te Genuai Bidiba pobaso da, te dage isisąma iyu bidaibao. Tiali goli, te dage agaba pisąbaso da, teda aga te genuai isi tiwai asama, te dage Josep aga bulali hani ulaibao. Tama te isigo te Betel hanu bidi dabe daibao. Te bidi me deligo te isi sula sawainu ebaso, usu me egobeo. Dage te Genuai Bidiba piąo, tama dage peyu da, teda dagego te bidada peyu, bidada pabo ula saibao

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Ma Dobola Sali 15:26

Tama Godigo augwalibolo te po wai, “Dagego eno po bugagia odao, te dagego God Genuai Bidi, tama te sę dabe ena digi te dwagi yai sę da homu ebo, tama dagego eno bomo yai po tigidali wali piąo. Dagego tama tibaso da, teda eno dagebolo te haniani dwai gasi te Isip we bidi augwalibolo yali te tiwai dagebolo me magobeo. Ena digi ena te Genuai Bidi dao. Tama eno naga te dagego gasi dabe usu ma ilibo dao,” wali.

2 Samuel 7:29

Tama eno homugo te nago dąų wali po te homu kone palu, tama nago te eno hani dabe wiegi yai bugagia ilao. Tama te augwali sesemane sogo nage dologode bugagia bidimainu yao. Magi baso meni, Tigidali Nai Tonalubo God, ena naga sę bidi naga bidali goli, nago te tobage wiegi yai sę sesemane ilabo po te eno wąį nǫų dabe dali dąų wabo po wai dao,” Devitgo te po wali.

Godigo Nogi Ugwaba Sabo Tęąbi Po Wabo Buku Dabe 89:29

Sesemane sogo te aga hani bidi me deli te king pedalu, ela piduaibao wali. Tama aga hani king me deligo te Israel dabe sesemane tonaluaibao, te dagalu ugwadu sesemane elalubo tiwai gilama yaibao.”

Bugagia Bidibo Kolesagade Po Asęai Buku 7:2

Te nago eno po bugagia wali pobaso da, teda nage bugagia bidaibao. Te eno po bugagia tonaluao, te nago naga digi te naga gedu tonalubo tiwai gilama yao.

Esekiel 34:25

Tama eno augwali dali deli homu eyu, augwali dali bidabo po dąų walaibao, te augwali bugagia bidimainu. Tama eno te sipsip dabe elebo te bulu hasa dabe tigidali badu sela sąnama, tama augwali te bulude munu me ma bidigobeo. Tama tibaso, te sipsip dabego te wa pai tǫ dali, te ni sili elalubo bulu dali si te sipsip dabe bidabo bulu wiegi yai tiwai elaluaibao,’ eno te po obao” wali.