Aisaia 55:2 - Godigo dwagi yai po buku

² Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Aisaia 55:2 Referans Kwoze

Jeremaia 2:13

magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Godigo Nogi Ugwaba Sabo Tęąbi Po Wabo Buku Dabe 36:8

Nago bede te nai hauwa elalubao, tama tiyu, te we bidi dabe te nai me sǫą pabo menio. Te nago wiegi yai nai te umabo mu elalubao, te soabo genuai wę tiwai eyu, tama nago da te wę tumainu mabo dao.

Godigo Nogi Ugwaba Sabo Tęąbi Po Wabo Buku Dabe 22:26

Te magi nai doado bage meni yai bidi augwali eno i obaso, augwali aselama, te nai tulama, haliga mu pągąna paibao. Tama te Godiba pabo bidi dabego, teda augwaligo aga nogi ugwaba saibao. Eno homugo Godigo augwali sesemane sogo bugagia wiegi yai ilama, bidimainu yao.

Hibru 13:9

Tama tibaso, te gasa haniani haniani ola mani pogo dagego homu kegeyu, tama dagego Godigo tų wali pabo tagalu gogologimio. Te dago homugo te Godigo da olo tau siyu mabo kolesagade dago bomo sai yai baso da, te wiegi yai dao. Dago homugo te haniani nai tubode bomai po wali pabode te bomo sainogo ebo usu egobeo. Te kolesagade bilali we bidi augwali te kolesagago tau me sabeo.

Jeremaia 31:14

Te we bidi dabego ofa hauwa enaba selasa asaibao. Tama tibaso, te pris dabe augwa nai hauwa elalueibao. Tama eno te wiegi yai nai hauwa te eno we bidi dabeba mawaibao. Ena Genuai Bidi, eno te po wai dao,” wali.

Habakuk 2:13

Dagego te tǫ pedai kantri bulu bidi dabe aiyaba elaluama, te we bidi dabe kalabus elama, tama augwaligo dagego nai doado bage dabe nigibo sę dene mu yali. Tiali goli, isigo te nai tigidali dela silibaso, tama te yali sę olodali tama ela tagalaibao. Te Tigidali Bomo Elalubo Genuai Bidigo te sę pedalomainu ilaibao. Te po wai dao.

Hosea 8:7

“Augwaligo ebo dwai kolesaga te dwasianu naga dao, te dwasianu wali asobo tiwai naga dao, augwaligo te homu ebo dao. Tiali goli, nosali te kolesaga ebode augwali dolaibao, te pobegebo wali genuaigo te bidi dolobo tiwai yaibao. Tama augwali te wit gide te nai walisąbo tiwai eyu, tama te bret nigabo wit meni yani. Tialima, te dwai witgo nai me pedai badu waligi sogo da, tagalao, te gasa badu tǫ kantri bidi dabego naga tuagasigi da,” wai dao.

Aisaia 51:7

“Dage te doloba pai kolesaga bugagia koneama, te eno bomo yai po dąų ola sabo hani dabe, dage te bidi dabego dwai po weyu, dage dolobo po obaso, te dage wi me igio.

Dwagi Yai Gesi Po Makgo Asęani 7:14

Tama Jisasgo te we bidi augwali i ma olama, tama agai te po augwalibolo wali, “Dage tigidaligo eno po odama tama homugo konea sao!

Matyu 22:4

Tama agai gasa sę ebo bidi meba ma tagala paliyu, augwalibolo te po wai, ‘Dage eno te asomainu i wali bidi dabe augwali bidiboba pao, tama dagego augwalibolo e tiwai po wao, “Odiąo, te we sabo bidide eno te nai sisi yai elalubao. Te omai bulmakau dabe badi, te eno wiegi yai nisai bulmakau wai dabe me, dago elalio. Tama tigidali nai sisi yai elalubao. Dage te we sabode da tubo naiba asiąo,” te po wao,’ te tuni bidigo te po wai.

Aisaia 51:1

Genuai Bidigo te tiwai po wali, “Dage te eno homu kolesaga wali pabo sę dene eyu, te doloba pai kolesaga ebo hani dabe, dage eno po odiąo. Dagego te Abraham de Sarai siba ma homu kone palao, aga te duga wąį aya monu, me duga ida auwa mosi si dao. Augwali si te dage hani bulali wąį nǫų mu dao. Te eno Abraham i wali sogo, aga wai meni yai, tiali goli eno augwali siba te wiegi yai sę bugagia elama, te augwa si wai elaluai, tama augwali sigo hani wai dabe te genuai hani we bidi mu pedelai dao.”

Godigo Nogi Ugwaba Sabo Tęąbi Po Wabo Buku Dabe 63:5

Te eno homu ogwa wai mobo te wiegi yai mu elalubao, te bidigo wiegi yai nai dabe tulama, tama te usu yai tiwai gilama yai. Tama ena wiegi yai pemene elama, tama nage nogi ugwaba sabo dao.

Polgo Po Pas Rom Dabeba Asęani 9:31

Me ma, te Israel dabe augwali da, te Godigo augwalibolo doloba pai bidi nogi pomainogo eyu, tama augwali te bomai po bugagia wali pabo tų gegali goli, te tų augwaligo subeo, te augwali te bomai pogo usu niba kadu wabeo.

Matyu 15:9

Augwaligo te bidi dabego ola mani bomo yai po naga pusuyu te po wabo dao, “E te Godigo po dao.” Tama tibaso augwaligo olo naga enabolo lotu po wabo dao,’ Godigo te po wali,” Jisasgo te po wai.

Aisaia 51:4

“Dage eno we bidi dabe, eno po odao. Eno te wiegi yai bugagia bidabo kolesaga te tigidali hani we bidiba ola mayu, te eno te po tų dodolobo doloba pai kolesaga te tigidali bulu tǫ kantride ula tiwai elalueibao wai dao.

Aisaia 1:19

Ma, dagego eno po mu odama, tama te homu kolesaga wali peyu da, teda dage bidibo me bugagia bidiyu, me duga gide bulubo wiegi yai nai dagego tuyu, bidaibao.

Bugagia Bidibo Kolesagade Po Asęai Buku 9:5

Dage aselama, aga dali te nai, me te pusu yai wain ąį agai sisi yali, te tuagasiąo.

Godigo Nogi Ugwaba Sabo Tęąbi Po Wabo Buku Dabe 34:11

Te dage konea sabo homu ebo bage, dage aselama, tama eno poba olo bugagia muagasao. Eno dage ola menama, tama dage te Genuai Bidi dali wi eyu, aga dologode sesemane bidimainu yaibao.

Polgo Po Pas Rom Dabeba Asęani 10:17

Tialima dago koneani, we bidigo te Godigo po odobaso tama tebogo te konealubo po dąų wabo homu hodolobo dao. Tama bidi mego Kraisde po pusubaso, augwaligo Godigo po odobo dao.

Dwagi Yai Gesi Po Lukgo Asęani 15:23

Te sa muani kibu kau wai selama, elao. Da dwagi yai homu eyu, genuai nai tuinao,’ wali.

Hosea 12:1

Genuai Bidigo te po wai, “Te Israel dabego tigidali sę te giligade me hulide yali, te augwa digi dolabo dwai sę yalio. Te tibo po wabo kolesaga, me hwįbo kolesaga te augwali tomode genuai pedelali. Augwaligo te Asiria dabe dali sę yabo po mia sali. Me ma, augwa te bisnis sę te ni oliv welgo elama, te Isipba tolama, te Isip dabego abelali.”

Aisaia 46:6

Tiali goli, bidi mebago te gol me silva hauwa pesage holama, te augwa tibo god piksa nigainu dagalaibao. Tialima, te nai dabego te augwa tibo god nigali. Tialima, augwa te tibo god augwa nageba munama, te tolasa pelama, te augwa muabo nigilali pesageba mugi pabo dao. Augwa teba kidu sugunama, lotu wabo dao. Te tibo god te mugi pali pesage delide naga munaluali, magi baso meni, aga digi te gasaba bilabo usu isąwai. Te agai te bidi dabego aga gedu haluasa po weyu, i wabo wei ponabo usu meni yai, agai augwali te dwai sogode tau sabo me usu egobeo. Mu menio.”

Aisaia 25:6

Te bulu du Saionde, Tigidali Bomo Elalubo Genuai Bidigo geninama nai mu sisi yaibao. Te wiegi wiegi yai hasa dabe me, tuabo wain ąį dabe me elaluaibao. Tama tigidali bulu we bidi dabe te nai tuboba sisinagasaibao.

Kolesaga Koneai Bidigo Pusali Po Elalubo Buku 6:2

Godigo te genuai nogi, me te mone doado bage hauwa te bidibolo mawaibao, tama te bidi aga godolo ebo nai me deli agade me sǫą pogobeo. Tiali goli, Godigo te bidi aga te nai dabede wiegi yai pemene emainu sula tagalobeo. Tama nosali, te gasa hani bidi me deligo te nai dabe saibao, tama aga te naide wiegi yai pemene dogia paibao. Te tebo kolesaga te dwai mu elama, te aga page meni yai mu elalubao.

Bugagia Bidibo Kolesagade Po Asęai Buku 8:32

Tama wiegi yai doloba pai homu kolesagago po wadolama weyu, te tama po wali, “Te wai dabeo, dagego eno po bugagia odama, tama eno kolesaga dabe wali pao. Te tiwai dagego ebaso da, te dage wiegi yai homu pemene yaibao.

Bomai Po 11:13

“Tama tibaso, dagego eno megi dagebolo e mabo te bomai po bugagia wali piąo. Dagego God dago Genuai Bidi godolo mu iyąo, tama dagego haligade, me homu kolesagade sese wiegi yai homu pemene mu agai sę eyu yao.

Ma Dobola Sali 15:26

Tama Godigo augwalibolo te po wai, “Dagego eno po bugagia odao, te dagego God Genuai Bidi, tama te sę dabe ena digi te dwagi yai sę da homu ebo, tama dagego eno bomo yai po tigidali wali piąo. Dagego tama tibaso da, teda eno dagebolo te haniani dwai gasi te Isip we bidi augwalibolo yali te tiwai dagebolo me magobeo. Ena digi ena te Genuai Bidi dao. Tama eno naga te dagego gasi dabe usu ma ilibo dao,” wali.

Aisaia 44:20

Augwa homu kolesaga te mu kone tuą palio, tama augwa te geda mubo homu kolesaga mu eyu, te bidigo sia keli tubo tiwai yalio. Te we bidi dabe me deligo homu kolesaga dolo ma siyu, te po wabo sunumi deli me menio, ‘Te eno dolo nogode tolalubo nai, te ni dage naga, te god meni,’ te po wagobeo.’” Te po wai.

Bugagia Bidibo Kolesagade Po Asęai Buku 7:23

Te bidigo te ene me deligo te aga dini homu enabo te agai me konebeo. Aga te ba me deli te wa elalubo pesageba bola pabo tiwai yali. Tama te bago me konesiąyu, te wago aga tola selama, tama aga te isabo te me konebeo.

Bugagia Bidibo Kolesagade Po Asęai Buku 1:33

Tiali goli, te eno poba olo bugagia mubo we bidi da, te augwali bugagia bidaibao. Tama augwa te sęgę me wi me isąwaibao, magi baso meni, augwa koneani, te dwai nai augwaliba me pedalugobe da homu ebo dao,” te wiegi yai homu kolesaga da, te tobage po wabo we me deli tiwai dao.

Matyu 5:6

Tama te doloba pai kolesaga sainogo bomo eyu godolo ebo we bidi dabe augwali wiegi yai homu pemene emainao. Te homu tiwai ebo we bidi dabe augwaligo homu kolesaga te Godigo augwali mu usu nama te tiwai pedelaibao.

Dwagi Yai Gesi Po Jongo Asęani 6:27

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Aisaia 10:27

Megi da, dage te Asiria dabego dage tonaluyu, te kau kibu magede ni name munama, tama sę emainu selebo tiwai te ebao. Tama te Asiria dabe bugagia dualalubao. Tama augwaligo te ebo kolesagago ena sębę te ilibao. Tama tibaso, te eno bodolu muani sogode da, te eno te Asiria dabego bomo silama ebode da, te bagego dage sęgę ma mayu egobeo. Awe, dage te boma pai hani pedalubaso, dagego te tolobo sęgę mu tagalaibao.”

Aisaia 62:8

Genuai Bidigo nogo guni sisu muyu, bomai po dąų wali, te aga genuai bomode agai te dąų wali po mu pedelaibao. Agai po te tiwai, “Ena Genuai Bidi, te eno te boi bidi dabego nago we bidi dabego te sę dene elama, bulubo wit dabe munu ma sagasomainu me iligobeo. Tama eno te gasa tǫ kantri dabego te nago we bidigo nigibo wain ąį sagasomainogo me egobeo. Menio.

Aisaia 62:9

Te nago we bidi augwa digi naga te inayu tau yali wit selama, te bret nigilama tueibao. Te augwaligo ena Genuai Bidi, te enaba genuai nogi mawaibao. Te nago we bidi dabe augwa te inawani wain du dabe selama, te wain ąį nigaibao. Tama augwa te eno be obo tomoba sela aselama, te ąį augwa tuyu, te wiegi yai pemene enaba yaibao,” te po wai.

Aisaia 65:23

Augwa ebo sę te odolali me ela tagalogobeo. Te augwa wai dabe me doloyu, me egobeo, magi baso meni, augwaliba eno te wiegi yai sę bugagia yainu, te sa muani hani dabego wai dabe dao. Te eno augwaliba bugagia wiegi yai sę eyu, te augwa wai dabeba me, te augwa nosali bulabo wąį nǫų wai dabeba te tama tiaibao wali.

Jeremaia 12:13

Dage Israelgo te wit wai ge bulaibao, tialima te inayani nai tau yali sabo sogo, dagego te sesani yai bono naga elalubo sueibao. Dage odolali sę dene elama, te magi nai me deli dagego me sogobeo. Dagego te Genuai Bidi eno haliga sębę naga saibao. Tama dage dwai hale mu siyąo,” wali.

Jeremaia 17:24

Tiali goli, dagego da, Genuai Bidi eno po wali peyu, tama dagego walu dabe te Jerusalem tomoba te Sabat side me sela asigimio. Menio. Te Sabat sogo dagego eno side da olama, dąį ilao, tama te side sę ebo habu mu sao. Te dagego eno po wali pobaso da,