Aisaia 55:1 - Godigo dwagi yai po buku

¹ Genuai Bidigo te po wai, “Tega, dage te ąį nogonego sabo we bidi dabe, dage enaba aselama, dage wę tuagasao. Dage te mone meni yani hani dabe, dage enaba aselama, te dage nai sela tuagasao, te aselama te ąį wain me hasa bulmakaugo ame pę ąį sagasao, te monego me abeligobeo.

Aisaia 55:1 Referans Kwoze

Kraisgo Geme Dualali Sę Pedelabo Po Jonbolo Ola Mani 21:6

Agai enabolo te po ma wali, “Te sę tigidali pedela silalio! Ena da, ena digi te hasia bidaluali bidi dao, ena te nosali mu sogo bidalueibao wali bidi mu dao, te ena tigidali nai page bidi, tama eno ebo sę tigidali ela silibo dao. Tama niwai bidi aga te ąį nogone ebaso da, teda eno te bidibo ula sabo ąį te wę ulude selama tama agabolo olo mawaibao.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

Aisaia 44:3

Te ąį sǫą pabo tǫba eno te ąį gelaibao, tama te wa pai tǫde te ąį somainu ilaibao. Te eno mobo bidi te dagego wai dabeba gelaibao. Te eno dagego waigo ame nabo wai dabeba wiegi yai bugagia ilaibao.

Godigo Nogi Ugwaba Sabo Tęąbi Po Wabo Buku Dabe 143:6

Eno nogo si ugwaba siyu, gedu haluasa po nageba weyu, tama eno homu noma ogwa waigo te nage wei mu elama, te bidigo dogoni wa selama, tama aga te wę nogone mu ebo tiwai ebao.

Kraisgo Geme Dualali Sę Pedelabo Po Jonbolo Ola Mani 22:1

Tama te ensel mobo bidigo pabo ąį me deli ena ola mawai, te bidibo ula mabo wę, tama te wę te dula ula mu gegemani ebo tiwai ula yai. Tama te ąį aga gomo, te God dali te Sipsip Wai augwali sigo tuni bidi duabo sai pagede te ąį gomo elalubao.

Matyu 13:44

“Te Godigo obo tomode bidibo kolesaga te wiegi yai mu dao, te gide geme dualaluali dila pai nai mu tiwai dao. Bidi mego te nai subaso, tama agai ma dualali. Agai wiegi yai homu pemene yai, tama aga pelama, aga doado bage tigidali te bidi dabebolo menama, mone selama, tama te gi tǫ abelegi paibao, te aga suali dila pai nai somainogo,” Jisasgo te po wai.

Matyu 10:8

Dagego te gasi we bidi dabe augwali usu iligi pao, tama isai bidi dabe ma hodoliyu, tama oiyabe gasi sai bidi dabe wiegi yai meda isiąwai ma iliyu, tama dwai haubo mobo sela sąyu yao. Tama dage te sę yabo bomo te dagego olo sali, tama monego abelai menio. Tama tibaso, dagego te we bidi te bomogo olo tau sao, tama dagego augwalide mone sigio.

Joel 3:18

Te sogo wain gi pedalama, te bulu du mesega sigulaibao, te bulmakau hauwa te dwasianu bulu du dabede bidalueibao. Te Juda we bidi dabego wę hauwa elalueibao. Wę me deli te Genuai Bidigo bedu gomo gudama, te Odogo Bulu Tǫ Te Ni Akas Elalubo madiba dulaibao,” wai.

Godigo Nogi Ugwaba Sabo Tęąbi Po Wabo Buku Dabe 63:1

O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Aisaia 52:3

Magi baso meni. Genuai Bidigo te tama po wai, “Te bidigo ena me abelisąma, te nago we bidi te olo sę bidi me sę ebo we tiwai elama, sela pali. Te eno augwali ma sainu, te mone menama, me sogobeo. Menio. Te augwali eno olo mu saibao.

Kraisgo Geme Dualali Sę Pedelabo Po Jonbolo Ola Mani 3:18

Tama tibaso, eno e po mobo mabo po nagebolo mobao. Eno te gasagi yai kapa nogi gol te elalubao, te kapa gol te siaba ulama te dwai nai sela sąnama, tama te wiegi yai yai. Tama eno homugo nago te kapa gol abelao, te nago doado bage hauwa elalumainogo yao. Tama nago te tedela yai ugwa te naga tigi haluabo abelao, te bidi dabe augwaligo te nago tigi bolu olo elalubo sulama, tama nage hale idali weyu te tama kolesaga yao. Tama nago te geduba muabo ili yabo marasin me abelao, te nago gedu ma tonono bilibo usu emainogo yao.

1 Pita 2:2

Te tobage dwai sę egimio. Te menio. Te tamadi ame nani wai bǫų aga bomo eyu, te ame pę naga tuabo homu ebo dao. Tama dagego homu te wai bǫųgo homu ebo tiwai gilama, dagego Godigo po naga sao, te gasa po dali talusiąwai po dao. Te po naga sao. Tama tiyu, dage bugagia holoyu bidao, te God agai dage ma dobola sabo sę silabo sogo tonaluao.

Polgo Po Pas Rom Dabeba Asęani 3:24

Tiali goli Godigo da olo mu tau siyu mabo kolesaga yalio. Tama Krais Jisasgo yali sęgo da ma abelama, tama Godigo da doloba pai we bidi nogi poai. Dago te me abelebeo. Godigo olo mu dabolo te Krais Jisasgo yali sęde te doloba pai we bidi nogi poai.

Hosea 14:4

Genuai Bidigo te po wai, “Tialima, ena te tagalali we bidi dabe eno ma dobola saibao. Te eno haligago augwali godolo mu eyu, te eno augwaliba wado yabo homu begelama, munu me egobeo.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Bugagia Bidibo Kolesagade Po Asęai Buku 8:4

“Eno dage tigidali we bidi bomonama i obao.

Matyu 26:29

Eno dagebolo obao, eno te wain ąį munu me ma tugobeo, te sogo eno te gesi wain ąį dage dali te eno Ayago we bidi tonalubo madi tomode bidibo sogoba usu nagasaibao,” Jisasgo te po wai.

Sekaraia 9:15

Tama Genuai Bidi Tigidali Bomo Elalubo Bidigo te aga we bidi tudi badu tonalu posolalueibao, tama augwaligo augwa boi bidi dabe ela silaibao. Te boi hwįbo side te augwaligo i wabo te bomai ąį tuai bidigo i hae wabo tiwai eyu, tama augwaligo te boi bidi dabe ela mueibao. Te boi bidi dabego kaneme te augwaligo te ofa yainu te poude tabilama te altaba gealubo tiwai yaibao.

Solomon 1:4

Nago ena selama, da udayu pinao. Nage eno king bidi tiwai, te nago ena selama, te nago be habuba pinao. Te da si pemene yaibao. Nago ena godolo mu ebaso, tama da pemene mu ebao. Dago wiegi yai pemene ebogo te bidi dabego wain ąįde pemene homu ebo aiyaba elalubo dao. Nage uganu mu elalubao. Tibaso, tigidali we dabe nagede mu tulalubo dao.

1 Korin 3:2

Eno po digi po begelama obao. Dage te Krais wali pabo kolesagade wai bǫų tiwai bidibaso, te eno po dagebolo ola mobadi, eno te yadala pai po naga dage ola mani, te wai bǫų ame pe mabo tiwai. Eno te dili yai nai dage mabeo. Te sogo dagego te dila pai nai tuabo ąǫ isąwai, dagego Godigo sęgę yai po sabo usube. Megi me dage usu yabo me elalubao.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.

Sekaraia 2:6

Te Genuai Bidi aga we bidi dabebolo e tama po walali, “Asiąo. Eno dage tigidali badude elalubo buluba pomainu dobola palai dao. Dage meba te saut badu peyu, meba te giliga pedalubo baduba peyu, tama meba te giliga degasa pabo baduba peyu yali. Tialima, dage mebago megi da te not badu elalubo te taun Babilon wi tagalama, Jerusalem taunba polo ma asiąo,” wali.

Rutgo Po Elalubo Buku 4:1

Tialima, Boas te hanuba pelama, te po mibo madi pali, tama aga tede dulaluali. Tama gesege gana isiąbadi, te sogo agai suali, te gasa bidi me te Elimelek aga deli hani asobo sualio. Tama Boasgo aga i olama, “Ae, ama, nage aselama, eba duayagasao. Eno dwasianu po elalubao.”

Solomon 1:2

Hauwa sogo nago ena nono nani, tama eno homugo nago te tiwai sę ebo genuagia mu emainu homu ebao. Nago ena godolo elama, te nage enade mu isibao. Te polalubo nai mu da, tama te wiegi yai wain ąįgo pusu aiyaba elalubo dao.

Te We Bidi Dabego Jerusalem Hagede Gela Wali 5:4

Polobadu da, te isi dabe me te ąį dabe te dena nai dabe elalualio. Tiali goli, megi da, dago te ąį me isi sainogo da, teda dago abeliyu naga ebao.

Matyu 5:6

Tama te doloba pai kolesaga sainogo bomo eyu godolo ebo we bidi dabe augwali wiegi yai homu pemene emainao. Te homu tiwai ebo we bidi dabe augwaligo homu kolesaga te Godigo augwali mu usu nama te tiwai pedelaibao.

Godigo Sęba Tagala Palai Bidigo Po 8:20

Tiali goli, Pitago te po wei ponoyu, te po wai, “Te Godigo olo mabo bomo te nago masigigo abelai hagede, nage dali nago masigi dali si te moni isiba paibao.

Bugagia Bidibo Kolesagade Po Asęai Buku 9:5

Dage aselama, aga dali te nai, me te pusu yai wain ąį agai sisi yali, te tuagasiąo.

Esekiel 47:1

Tialima, te bidigo ena Godigo tempel be polalubo sunumiba ma odasa asali. Tama eno te ąį te sunumi dologodu pedelama, tama giliga asoboba geasa pabo suali. Magi baso meni. Godigo be giliga pedaloboba gesabidi tonalubo suali. Tama te ąį te sunumi saut badu pedelama, tama te ąį te saut badu te alta sesegedu peyu, te alta edelebo suali.

Esekiel 47:9

Tigidali haniani ąį hasa dabe te ąį pabo pesagedu tama bidaibao. Tama te ąįde sųgų hauwa mu bidaibao. Magi baso meni. Te ąįgo sigi ąį Detsigo tamu ąį wiegi yai ilaibao. Tama te ąį pabo pesage tigidali badu da, te tigidali nai dabe holoyu naga yaibao.

Bugagia Bidibo Kolesagade Po Asęai Buku 9:1

Wiegi yai doloba pai homu kolesagago aga be sę yani. Agai te pos nogo a naga olama, me badu nogo si te dodolama, te dąų walama, te be au ilali.

Aisaia 1:19

Ma, dagego eno po mu odama, tama te homu kolesaga wali peyu da, teda dage bidibo me bugagia bidiyu, me duga gide bulubo wiegi yai nai dagego tuyu, bidaibao.