Aisaia 53:9 - Godigo dwagi yai po buku

⁹ Te augwaligo aga te haniani dwai kolesaga yali bidi dabe dali me, te mone doado bage hauwa elaluali bidi dabe dali, pubulali. Tiali goli, te aga digi dwai kolesaga deli me isąwai, te agai tibo po me deli me wabeo,” te po wali.

Aisaia 53:9 Referans Kwoze

1 Pita 2:22

Tama tiyu, agai magi dwai sę munu me ebe, te tibo kolesaga eyu tibo po me deli digi wabeo.

1 Jon 3:5

Dagego koneai, Krais asali agai te tǫde we bidigo dwai kolesaga ebo sela sąwainogo asai, tama dwai sę ebo kolesaga agade me bidibo menio.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Hibru 7:26

Da we bidi te magi kolesagade sǫą pobaso, te tobage polalubo pris bidi agai da tau sabo usu mu dao. Godigo gedude aga te wiegi yai mu, tama magi dwai sę delinu te agade me elalubeo. Aga te wiegi yai mu yai. Aga te sęgę dwasianu sai bidi te tiwai me ebeo. Menio. Aga te dwai sę ebo we bidi dali bidibo menio, aga gasagi yai tedali mu dao. Godigo aga ugwaba mu selama, tama agai te dagalu me aiyaba elaluama, tama ugwadu mu bidibo dao.

1 Korin 15:4

Tama augwaligo aga te masigi dedage gų pageba mugi pai. Tama sela sogo wabode Godigo aga ma hodolama, tama aga me bidibao, te Godigo po bukude polobadu asęani po tama usu numainogo yai dao.