Aisaia 53:8 - Godigo dwagi yai po buku

⁸ Augwaligo aga odolali mu kalabus elama, te aga po tų odoboba odasa pali, te po tųde aga isimainao po wai. Te augwaligo aga ela muai. Tama tibaso, aga nosali pedelabo hani we bidi me pedalugobeo. Agai te eno we bidi dabego pesage siyu, hasegelama, te augwa digi tolabo sęgę te agai tolama, te augwaligo yali dwai sęgę dodoliyu, te aga isai dao.

Aisaia 53:8 Referans Kwoze

1 Pita 3:18

Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

Godigo Sęba Tagala Palai Bidigo Po 8:33

Augwaligo te bidi hale manio. Augwaligo agabolo dolo yai po tų ela mabe. Tama augwaligo aga elama, isilali. Tama tibaso, me bidigo agai hani sibide po wagobeo, agai bidi hani sibi sia salio,” te po asęai.

Dwagi Yai Gesi Po Jongo Asęani 19:7

Juda bage augwaligo te gavman tuni bidi Pailat agai po wei ponoyu, te po wai, “Dago bomo yai po me deli tama telalubo. Niwai bidi agai ‘Ena da Godigo Ogwa dao’ obaso da, te bidi ela muao. Te bomo yai po agai bolobaso, aga isao,” augwaligo te po wai.

Aisaia 53:12

Te we bidi dabego aga te dwai bidi me deli tonobo tiwai yai. Tiali goli, aga bidibo ula digi te olo wę mu gelebo tiwai eyu, agai te hauwa we bidigo dwai sę yali sęgę tolalio. Tama augwali dolidali weyu, agai te dwai sę ebo we bidi tau siyu, gedu haluasa po wai dao. Tama tibaso, eno agaba te genuai bidi dabe tomode te agaba genuai nogi mawaibao. Eno te bomai ami bidi dabego te boi hwįnama, te sali nai dabe agaba dobolama mawaibao,” wali.

Daniel 9:26

Te 62 taims 7-pela yia wali, te silibo si da, teda augwaligo te Godigo Sa Munama Nigilali Genuai Bidi ela mubaso, tama aga nai deli me elalugobeo. Tama te bomai king me deligo genuai ami hani aselama, tama Jerusalem me Godigo be dali dolaibao. Te hwįnama dolobo sę me te genuai wę asiyu, te pobele bage daseasa soabo tiwai yaibao. Tama te genuai boi hwįbo te elalua pidubadi, te tigidali nai sia sabo sogoba usu nama, tama tigidali nai te Godigo wali po gilama te dolaibao.

Polgo Po Pas Rom Dabeba Asęani 1:4

Tama me ma te wiegi yai kolesaga ebo Tedali Mobo Bidigo bomo eyu aga sa hania muani, aga te Godigo Ogwa da wai. Godigo aga te gų pagede ma hodolama, tama tebogo agai te we bidibolo aga Godigo Ogwa mu dao ola mayu waselai dao. Aga dago Genuai Bidi Jisas Krais dao.

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Godigo Nogi Ugwaba Sabo Tęąbi Po Wabo Buku Dabe 69:12

Te bidi dabe sunumiba sisinama, tama enade po miani. Tama te wain wę tulama, te gęǫ ebo bidi dabego te balia mebade te dwai po enaba weyu yali.

Matyu 1:1

E te Jisas Kraisgo nǫų wąį hanigo nogi nedada pabo po e dao. Jisas aga te Devitgo hani, tama Devit aga te Abrahamgo bidi hani dao.

Godigo Nogi Ugwaba Sabo Tęąbi Po Wabo Buku Dabe 88:5

Augwa ena tagalubaso, tama ena te isali bidi dabe dali bidibao. Ena te gasa bidigo ela muai bidi tiwai gilama, tama te gų pagede munaluai. Ena te bidi dabe nago te homu kone mu gegeda palubo bidi dabe tiwai gilama yali, tama te nago augwali munu ma tau sisąbo tiwai yai dao.

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Te We Bidi Dabego Jerusalem Hagede Gela Wali 3:54

Tama me te genuai ąįgo ena mesegelama, tama eno homugo ena poma peyu isigowe homu yali.