Aisaia 51:9 - Godigo dwagi yai po buku

⁹ Genuai Bidi, nage hogodao. Nage hogodama, te nage genuai bomo dali aselama, te da tau sagasao, te nago polobadu yali tiwai yao. Nago tama nago te Rehap enani, te tamu ąįde bidali moni hasamani, te nago dwasianu dedelege miani.

Aisaia 51:9 Referans Kwoze

Aisaia 52:1

Jerusalem, nage te God aga da olama, sa muani hanu, nage hogodao. Nage hogodama, bomonama dolugulao. Nago au dobage te gasa sawi yai sawi yai munama, te nage tonobo gasagi me mu yaibao. Te Godigo po odisąbo bidi dabe, me te God gedude wiegi yai isąbo hani bidi dabe, te augwali nage tomoba me asogobeo.

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Godigo Nogi Ugwaba Sabo Tęąbi Po Wabo Buku Dabe 89:10

Nago te Isip dabego genuai bomo togolama, tigidali mu dolalio. Tama nago nogogo genuai bomogo, nago naga boi bidi dabe aiyaba elalualio.

Aisaia 30:7

Te Isip dabego te gasa bulu bidi dabe ili ili po olama, tau saibao po wabo dao. Tiali goli, agai te sę ebo menio. Tama tibaso, te Isip te gesi nogi te nogi ebao, ‘Te Olo Dulalubo Gula Mane dao,’ wabo,” te po wai.

Esekiel 29:3

Nago te God Genuai Bidi eno po agabolo pusuyu, te po walao, ‘Isip king bidi, ena nago boi bidi pedalobao. Nage te pukpuk me genuai deli te Isip dabego wę dabede pila mubo tiwai dao. Nago te po wabo dao. Nago naga digi naga ma geselai dao olama, tama te ąį Nail te naga ąį dao wabo dao.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Godigo Nogi Ugwaba Sabo Tęąbi Po Wabo Buku Dabe 44:1

God, te dago wąį nǫų dabego te nago polobadu bomai sę yali po te dabolo pusali, te augwali tǫde bidali sogo. Tama dena digi te po wabo odai dao.

Jopgo Po Asęani Elalubo Buku 26:12

Polobadu Rahap, te moni hwa gula tamu ąį hasamani da, te Godide tobolu gagea pai dao. Tiali goli, Godigo bomo dali, aga dwagi yai kolesaga dali sigo pode Godigo te Rahapgo bomo aiyaba elaluai dao. Tama agai tamu ąį dua bidimainu yai dao.

Godigo Nogi Ugwaba Sabo Tęąbi Po Wabo Buku Dabe 7:6

God, nago haliga sębę elama, te nage hogodama, tama te boi bidi dabego dwai sębę eyu, ena dali bomonama mu hwįbaso, te nago augwali dwai dene ilao. Ena God, te nago ena polo mu tau sao. Magi baso meni, nago te doloba pai kolesaga naga wei homu ebo dao.

Habakuk 3:13

Nago tama tiali, te naga we bidi dabe ma sainogo yali, te nago sa muani king dali sainogo yali. Nago te dwai sę ebo bidi dabego tobolu bidi bomonama elama, tama nago te agai bidi hani mu dolai dao.

Aisaia 62:8

Genuai Bidigo nogo guni sisu muyu, bomai po dąų wali, te aga genuai bomode agai te dąų wali po mu pedelaibao. Agai po te tiwai, “Ena Genuai Bidi, te eno te boi bidi dabego nago we bidi dabego te sę dene elama, bulubo wit dabe munu ma sagasomainu me iligobeo. Tama eno te gasa tǫ kantri dabego te nago we bidigo nigibo wain ąį sagasomainogo me egobeo. Menio.

Godigo Nogi Ugwaba Sabo Tęąbi Po Wabo Buku Dabe 93:1

Genuai Bidi king bidibao. Agai genuai nogi mu elalubao, tama genuai bomo me elalubo. Agai e tǫ te aga bidibo pesagede bomo elama, mu elalumainu yai dao.

Godigo Nogi Ugwaba Sabo Tęąbi Po Wabo Buku Dabe 87:4

Godigo te tama po wali, “Te eno ena po wali pabo hani bage augwali nedebo sogo da, teda eno te Isip me Babilon te augwali dali nedaibao. Tama eno te Filistia, me Tair, me Itiopia bulu dabeba te tama po waibao, augwali me te Jerusalem bage dao, waibao.

Godigo Nogi Ugwaba Sabo Tęąbi Po Wabo Buku Dabe 44:23

Genuai Bidio, nage hodaluao. Magi baso nage pila mubawe? Nage hodaluao. Nago te sesemane sogo da tudiba mudamuo.

Kraisgo Geme Dualali Sę Pedelabo Po Jonbolo Ola Mani 12:9

Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.

Kraisgo Geme Dualali Sę Pedelabo Po Jonbolo Ola Mani 11:17

Tama aga nogi ugwaba siyu tama augwaligo te po wali, “Genuai Bidi, nage God te Tigidali Bomo Elalubo bidi dao. Nage megi bidibo, tama polobadu mu nage bidai. Nago genuai bomo naga selama, tama nage te we bidi tonalubo sę ebo gagalai dao. Tama tibaso, dago homu nagebolo munama, usu da po obao.

Dwagi Yai Gesi Po Lukgo Asęani 1:51

Po sela sąyu augwaligo augwa nogi kegenanu ebo bage agai augwali besela sąwai dao.

Aisaia 53:1

Te Israel hani we bidi dabego te tiwai po wai, “Dego te megi dago odali pode konealubo homu dąų waibawe? Tama dego Genuai Bidigo te megi yali bomai sę tiwai ebo suai dawe?

Aisaia 51:5

Te eno augwali tau siyu, ma sabo sogo, te pąba pedelalio. Te ena bomogo digi eno te tigidali tǫ kantri tonalueibao. Te digibulu bulu pesage we bidigo te eno bomoba homu dąų weyu, te eno augwali tau sabo tonalueibao.

Godigo Nogi Ugwaba Sabo Tęąbi Po Wabo Buku Dabe 78:65

Tialima, megi da, Genuai Bidi hodaluali, te bidi betde pilama hodalubo tiwai gilama yali, tama te bomai bidigo te wain wę hauwa tulama, tama te i hai ola bilibo tiwai gilama yali.

Godigo Nogi Ugwaba Sabo Tęąbi Po Wabo Buku Dabe 21:13

God, nage te naga bomo dali asao. Tama dago te nago naga bomogo yali genuai sę dabede balia po waibao.

Te Israel Tobolu Bidi Dabe 6:13

Tama Gideongo agabolo te po wali, “Genuai bidi, eno te po me deli nagebolo hanalu obao. Te Genuai Bidi da dali bidibao wida, magi baso te dwai sę dabolo pedelama elalubawe? Tama agai polobadu dago hani tau sali wiegi yai kolesaga, te tobage kolesaga agai te megi ma ebo menio. Magi basowe? Agai te dago wąį dabe te Isipdu sela soali, tama dago aya dedego dabolo te tiwai po pusai. Tiali goli, megi da, Genuai Bidigo da tagalama, tama da te Midian dabego nogode bidibao.” Gideongo te po wali.

Bomai Po 4:34

God dago Genuai Bidigo da Isip bulude oda selama, da te Isip hani tomodu dįą selama, odasa asu, da aga we bidi mu pedelai dao. Te dagego gedude agai haniani sę hauwa agai genuai bomogo yai dao. Agai te Isip dabebolo genuai gasi augwalibolo mayu, me agai augwali dali hwįyu yai dao. Tama agai gasi hauwa mayu, me agai haniani bidi noma sabo sę geninama mu yali, te augwali wi ma iliyu. Tialima, te gasa god mego te tobage sę me yai dawe? Mu menio.

Dwagi Yai Gesi Po Jongo Asęani 12:38

Magi basowe? Polobadu Godigo nosali yabo sę po ola mani profet bidi nogi Aisaia, agai asęani po usu numainogo yai. Aisaiago polobadu te po wai, “Genuai Bidi, dago wali po mena bidigo aga homu te poba mubowe? Bidi menio. Tama Genuai Bidigo aga bomo yai sę yali goli te bidi mego te homu teba me mubeo,” Aisaiago te po asęani.

Godigo Nogi Ugwaba Sabo Tęąbi Po Wabo Buku Dabe 59:4

Genuai Bidi, augwali dali eno dwai sę me isiąyu, tama eno nago bomai pode hagoma me ebeo, tama eno magi nai me delide magi dwai sę me ebeo. Tiali goli, augwali asesa pelama, te ena dali hwįainu pąba bidagasai elaluali.

Ma Dobola Sali 6:6

“Tama tibaso, nago te po Israel hani dali wao, ‘God agai te po wai, “Ena digi ena Genuai Bidi Yawe dao. Eno dage te Isip hanigo nogode selama, tama te augwaligo sęgę dagebolo mabo tede me eno selama, tama dage olo mu bidimainogo yaibao. Tama eno bomogo augwali dene mu somainogo menama, tama dage eno genuai bomogo dobola ma saibao.

Jopgo Po Asęani Elalubo Buku 9:13

God agai boi bidi dali sębę ebo kolesaga sesemane sogo idu gebo dao, simanogobeo. Mu tama, te moni tamu ąįde bidibo bulu hwabidi gulamane dali, aga wali asali genuai hani dali si, te Godigo aiyaba elaluama, tama aga dologode elalubo dao.

Godigo Nogi Ugwaba Sabo Tęąbi Po Wabo Buku Dabe 77:5

Eno te polobadu yali wiegi yai sogoba homu kone palali. Mu tama, eno te bidali kibu be dabe tede homu kone ma yalio.

Aisaia 52:10

Genuai Bidigo agai bomo hania ola mayu, te tigidali tǫ kantrigo sumainu yaibao. Dago Godigo te aga we bidi dabe ma saibao, tama te tigidali tǫde we bidigo sueibao.

Sekaraia 2:13

Genuai Bidi aga bulu mu tagalama, tama aga daba asaibao. Tialima, da tigidali tǫ pedaide bidibo we bidi pedauwali pani selama tama tonaluinao.

Sekaraia 10:11

Te eno augwali augwa page bulu muba ma odasa asaibao. Te Isip dabe me Asiria dabego te augwali asabo sunumi te moni ąį biksigo panibo tiwai ebaso da, teda eno augwali hani si aiyaba elalueibao. Te Isip dabego bomo menia selama, tama genuai pabo ąį Nail sula sabo tiwai yaibao. Tama eno te Asiria dabego genuai bomo aiyaba elalueibao.

Godigo Nogi Ugwaba Sabo Tęąbi Po Wabo Buku Dabe 44:2

Nago digi te Israel hani isąwai bage te augwa tǫde sela sąnama, tama nago te tǫ te da Israel bagego wąį nǫų dabeba mani, tama augwali tede bomo elalu bidali. Nago te gasa hani dabego yali dwai kolesaga wei ponani, tiali goli nago te dena wąį nǫų dabe te bugagia bidimainu elama, tama hauwa umabo we bidi pedalumainu yai dao.

Godigo Nogi Ugwaba Sabo Tęąbi Po Wabo Buku Dabe 44:24

Magi baso nage dade geme duala sobawe? Te bidi dabego da dwai mu ilama, tama da te genuai sęgę mu tolobao. Nago dago te sęgęde homu kone me gegeda paligio.

Godigo Nogi Ugwaba Sabo Tęąbi Po Wabo Buku Dabe 89:11

Dagalu me tǫ te nago naga dao. Nago tǫ nigali, te tǫde tigidali nai me bugagia nigali.

Maika 7:15

Genuai Bidigo te po wei ponoyu, te po wai, “Te eno dage tau siyu, te bomai sę meba yaibao, te dagego sueibao, te eno dage Isipde selama, odasa asiyu yali sę tiwai yaibao,” po wai.

Godigo Sęba Tagala Palai Bidigo Po 7:7

Tiali goli, eno nosali te sę tonalubo bidi dabe dene mawaibao,’ Godigo te po wai, ‘Nago hani te tǫ taga pelama, e tǫba aselama, enabolo lotu po waibao,’ Godigo te po wai.”