Aisaia 51:8 - Godigo dwagi yai po buku

⁸ Te hani dabe te ugwa asobago tologolama, te silibo tiwai eyu dolaibao. Tiali goli, eno te we bidi dabe tau siyu ma sabo kolesaga, te me sia sogobeo. Menio. Te sesemane sogo elalua pidu elalueibao,” wali.

Aisaia 51:8 Referans Kwoze

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Aisaia 50:9

God Genuai Bidigo ena tau siyu, tama dego te po weyu, eno dwai sę me yalio waibawe? Ena po kisilama wali hani bage, augwali te ugwa asobago togolama silibo tiwai mu yaibao.

Dwagi Yai Gesi Po Lukgo Asęani 1:50

Te God agai po tų sisu pabo we bidibolo agai olo tau sabo sę me, te iba bidada pabo bidigo ogwago ogwa dabego me, agai po tų sisu pidubaso da, agai tama tede piduabo tolai dao. Agai nogogo bomai sę yai dao.

Hosea 5:12

Tama eno digi te Israel dabe me Juda dabe dolaibao, te dwai osogani me sumadigi dabego te nai dolobo tiwai yaibao,” wali.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Jopgo Po Asęani Elalubo Buku 4:19

Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.

Aisaia 46:13

Menio. Te pąba pedelalio. Te eno munu ma tonalugobeo. Te eno dage Israel dabeba boi bidi ebo bidi dabeba dene mu menama, te dage bugagia ma bidaibao. Te Jerusalem taun me wiegi yai bugagia ma ilaibao, te eno ena genuai nogi me bomo te dage Israel dabe tomode hania pepeli diliba pedalumainu yaibao,” wai dao.

Aisaia 45:17

Tiali goli, Genuai Bidigo dage Israel ma selama, te sesemane sogo agai dage ugwaba igulama, ugwa ela holomainu ilaibao. Te dage gasa we bidi hani dabede munu ma hale me isąma, te dage sesemane sogo bugagia bidada peyu, bidada paibao.’ Te Seba tǫ kantri bagego te tobage po waibao,” Genuai Bidigo te po wai.

Jopgo Po Asęani Elalubo Buku 13:28

Da bidi dabe dobo da, te ni pago tulama, damua pabo tiwai dao. Tama te ugwa te asoba dabego tulama, popodolo pai tiwai dao,” Jopgo te po wali.

Aisaia 14:11

Polobadu nago haniani aubo nai dabe muai dao. Tama te we bidigo gita dabe eliyu, nago genuai nogi ugwaba sainu yai dao. Tiali goli, megi da, te sawede nago pibo sai tiwai dao. Tama te osogane dabego nage tigi bolama, tama te ugwa banunobo ąǫ yaibao,’ te gų pagede bidibo bagego te po waibao.”

Daniel 9:24

“Godigo dąį ilali te 70 taims 7 kibu be dabe silibo si, te agai nago we bidi dabe dali, me Jerusalem te wiegi yai ma ilabo po wali, tama aga taun dao. Agai te tigidali we bidigo sęgę sela sąnama, tama augwa yali dwai kolesaga tigidali siminaibao. Tama agai te sesemane bidada pabo sogo pedalumainu ilaibao. Tama aga te Gasagi Yai Tedali Mu pesage me deli nigilaibao. Godigo te sę dabe te nade wali sę me, te profet dabego wali po me, te usu nagasu, te tama yai dao.

Aisaia 54:9

“Te Noa bidali sogo, eno te tiwai bomai po dąų weyu, te eno genuai ąįgo te tǫ ma dologobeo wali. Te megi eno te tobage bomai po dąų walaibao. Eno mu po weyu, te eno haliga sębę ma isiąma, te nageba wado iliyu, te nage me dene mabo sę egobeo wai.