Aisaia 51:22 - Godigo dwagi yai po buku

²² Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Aisaia 51:22 Referans Kwoze

Aisaia 49:25

Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.

Bugagia Bidibo Kolesagade Po Asęai Buku 22:23

magi baso meni, Genuai Bidigo augwali tonaluyu, tama augwali tau saibao. Tama te bidigo te magi nai doado bage meni yai bidi dabeba te dwai sę ebaso da, teda Genuai Bidigo te bidi agaba te dwai sę wei ponobo dao. (2)

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Aisaia 62:8

Genuai Bidigo nogo guni sisu muyu, bomai po dąų wali, te aga genuai bomode agai te dąų wali po mu pedelaibao. Agai po te tiwai, “Ena Genuai Bidi, te eno te boi bidi dabego nago we bidi dabego te sę dene elama, bulubo wit dabe munu ma sagasomainu me iligobeo. Tama eno te gasa tǫ kantri dabego te nago we bidigo nigibo wain ąį sagasomainogo me egobeo. Menio.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Godigo Nogi Ugwaba Sabo Tęąbi Po Wabo Buku Dabe 35:1

Genuai Bidi, nago te ena dali wado yainu elalubo bidi dabeba te nago wado ilao. Te ena dali hwįbo bidi dabe dali te nago hwįao.

Maika 7:9

Dago dwai sęgę sabo sę te Genuai Bidigo gedude yali, tialima te dwasianu sogo naga tama te Genuai Bidigo haliga sębę elama, te dabolo dene mabo sę yaibao. Tiali goli, agai da tau saibao, tama te gasa bidi dabego da dali yali dwai sę agai dodolaibao. Te hulia side agai da selama, te da ulaba odasa asaibao. Te da bidibadi digi, te agai da boi bidi dabego nogode ma saibao, tama dago agai ebo doloba pai kolesaga sueibao.

Joel 3:2

Te eno tigidali we bidi hani selama, te odogo malu tǫ pesageba sisinagasali, augwaligo God Te Po Tų Odobo Jas Dao nogi polali tǫba. Te pesagede eno te po tų elama, tama te Israel hani isąwai bage augwaligo te eno we bidi dabeba yali tigidali kolesaga dagalaibao. Te hani dabego eno tǫ pepedama, te augwa hasi dobola sali, tama augwaligo te Israel dabe te gasa bulu tǫ kantriba wi tedela pomainu ilalio.

1 Samuel 25:39

Devitgo te Nabal isali po odama, tama agai te tiwai po wai, “Eno Genuai Bidiba wiegi yai homu pemene ebao. Aga digi te dwai kolesaga Nabalgo enaba yali te homu koneama, tama agai wei ponani. Nabalgo te dwai kolesaga ebaso, tama Genuai Bidigo agaba dene manio. Tama Genuai Bidigo aga sę bidi eno sunumi palialigo, tama eno dwai sę me ebeo,” wali. Tialima, nosali Devitgo sę bidi meba tagala palama, te Devitgo aga sabo po te Abigelbolo wagi pai.

Esekiel 39:29

Tama eno ena mobo bidi augwalibolo mawaibao. Tama eno augwali tudi munu me ma ola magobeo. Ena God Genuai Bidi, eno te tama po te wali dao,” te po wali.

Jeremaia 51:36

Tialima, Genuai Bidigo te tiwai po wai, “Jerusalem, odao. Mu tama, te eno nage tau selama, te Babilon dabego nageba yali dwai sę dabe wei ponaibao. Eno te Babilonde elalubo wę tigidali sula somainogo yaibao.

Matyu 20:22

Agai te tiwai po obaso, tama Jisasgo te po wei ponoyu, te po wai, “Dage sigo te nai po page bugagia konesiąma dagego te hanalu obao. Dage sigo eno te ąį tuainogo ebo kapde te ąį dage sigo me tubo usubo gilama, te eno sabo dene tiwai gilama te dage sigo sabo usu egowe?” Tama augwali sigo agabolo te po wali, “Te da sigo tubo usu yaibao.”

Godigo Nogi Ugwaba Sabo Tęąbi Po Wabo Buku Dabe 60:3

Nago te sęgę hauwa te naga we bidi dabolo mawai. Tama nago dabolo te wain ąį menama, tumainu ebo tiwai yai. Dago tulama, tama da te umuna pai mu pedelali.

Aisaia 3:12

Hobede mu da, dage eno we bidi dabe. Te gesi we bidigo dage te tonalubao. Te tobolu bidi dabego dage halubaso, tama dagego augwaligo dwai sunumidu dage wali te pobao.

Aisaia 3:13

Genuai Bidigo tigidali we bidigo po tų odainu no sealuba.

Jeremaia 25:15

Genuai Bidi, Israelgo God, agai enabolo te tamapo wali, “Jeremaia, te eno tolalubo kap waingo, te enohaliga sębę usu sai elalubao. Te kap selama, te nageeno te tigidali tǫde bidibo we bidi hani hauwaba tagalapalama, nago augwali te kapde ąį tumainogo ilagameo.

Obadia 1:16

“Eno te dwai dene ena we bidiba mani. Te tiwai naga, te eno te tigidali bulu tǫ kantriba yaibao,” wali, “te augwali te ha yai wę tubo tiwai yaibao. Te eno augwali mu silaibao,” wali.

Sekaraia 12:2

“Eno te Jerusalem te kap wain me deli tiwai pedalumainu ilaibao. Tama te Jerusalem pąde elalubo tǫ kantrigo aga dolainu ebaso, te tǫ kantri augwali te kapde wain ąį tuai bidi dabe te gęǫ page dwagila mu ebo tiwai pedelaibao. Te augwaligo Jerusalemba boi hwįgi pabo side, te augwali pelama, te bagulali obo banis taun bagua sigi pelama, tama augwaligo te Juda dabego gasa taun dabe tigidali me bagua sela silaibao.

Aisaia 29:9

Te Juda we bidi, me Jerusalem we bidi, dage te gedu hwidai we bidi yali gilama, me tama subigila paliyu, me tama bidiagameo. Dage te bidi dabego wain wę tuyu, me bia wę tulama, subigila bilibo tiwai me tama bidiagameo. Tiali goli, dage te wain me bia tulama, polobeo. Menio.

Te We Bidi Dabego Jerusalem Hagede Gela Wali 3:15

Agai ena sęgę hauwa mu mani, tama ena mu pągąna palio. Te agai ena dene dali sęgę dali si mayu, ena pągąnobo tiwai mu yalio, te ha ebo ąį sigo pągąnobo tiwai yalio.

Te We Bidi Dabego Jerusalem Hagede Gela Wali 3:58

Genuai Bidi, nago ena tau selama, tama nago te eno boi bidi dabe aiyaba elaluai dao. Nago ena augwaligo nogode ma oda selama, tama ena bugagia bidibao.