Aisaia 51:14 - Godigo dwagi yai po buku

¹⁴ Te kalabuside bidali hani, augwaligo pibia selama, wi ebo bage, augwali te kalabus sęgo me isigobeo. Menio. Te augwali kalabuside polo silama, te augwali olo bidaibao. Te augwa tuabo nai hauwa elalueibao.”

Aisaia 51:14 Referans Kwoze

Aisaia 48:20

Dagego te tǫ kantri Babilon tagalama, tama te bulu we bidi dabede wi soao. Te duga pemene elama, genuai po dągą weyu, te tigidali tǫ habuba po tagala palu, te tiwai po wao, “Genuai Bidigo te aga sę bidi Israel ma dobola salio,” po wao.

Sekaraia 9:11

Te Genuai Bidigo te tiwai po wali, “Eno dąų wabo po kontrak me deli dage Juda dali yali. Te wąį nǫų dabego te ofa yabo kibu dabe elama, te kaneme gealuali. Tialima, te gelali kanemego te da dali dąų wali po kontrak dąų walali. Tama tibaso, eno dage te gasa tǫ kantride kalabus sę ebo tagalomainogo ilaibao. Te kalabus sę dwai mu yali, te dage genuai tǫ dedage tomoba munama bidibo tiwai elalu, te dage tuabo ąį menia sali tiwai elaluai dao.

Aisaia 52:2

Hobede ya, Jerusalem, tiali te nage hogodama, te nago tigide tǫ sela sąyao. Awe, Saion hanu, te nago dogonide kęnani sen peda sąnama, te naga sia kingba duagi soao.

Aisaia 49:10

Te augwali nai me, wę me sǫą pogobeo, te posolai giligago me waligo te augwali tigi posolo me egobeo. Magi baso meni, te augwali olo mu tau mabo wiegi yai kolesaga ebo bidigo te augwali bugagia tonalu, te sipsip tonalubo bidigo te sipsip dabe te nosai hauwa elalubo pesageba, me wiegi yai wę elalubo madiba odasa pabo tiwai gilama ebo dao.”

Esra 1:5

Tama tialima, Godigo te Judago tobolu bidi dabe hani me, te Benjamingo hani me te homu hodoliyu, tama te pris dabe me, Livai dabe me, tama te gasa bidi dabe me, te augwali homu hodolama, tama augwa te Jerusalemba pelama, te Genuai Bidigo be ma sę igi pabo doado bage dabe sisi yai dao.

Jeremaia 37:16

Te bede te kalabus be tǫ dologode elaluali, tama augwaligo Jeremaia te habuba munama, te aga sesabi sogo elama, tede bidai dao.

Aisaia 33:6

Tama tigidali sogo agai aga we bidi dage bugagia tonaluyu, tama agai dage bomo elama, tigidali sogo bidimainu yaibao. Tama agai dagebolo dwagi yai homu kolesaga dabe, me kolesaga dabe hauwa mu mawaibao. Tama dagego mu tobolu dįa holai elalumainu yaibao. Te wi elama, Genuai Bidi dologode elalubo kolesagade, Genuai Bidi agai wiegi yai nai dabolo maiabo dao.

Aisaia 30:20

Te mu tama, Genuai Bidigo dage moni sęgę somainogo yaibao. Tama dage te bidi nai me wę meniama, habuge yai bidi tiwai bidaibao. Tiali goli, aga digi dage dali bidama, tama dage bugagia elama waibao. Tama dagego aga munu me gegegobeo. Menio. Dagego aga duga gedugo ma sueibao.

Aisaia 49:25

Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.