Aisaia 51:12 - Godigo dwagi yai po buku

¹² Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Aisaia 51:12 Referans Kwoze

Godigo Nogi Ugwaba Sabo Tęąbi Po Wabo Buku Dabe 118:6

Genuai Bidi ena dali bidibaso, tama ena wi me egobeo. Te bidi dabego enaba magi sę deli me yainu usu egobeo.

1 Pita 1:24

Tama Godigo pode te bukude asęani po me deli e dao, “Te tigidali we bidi osogo naga bidibo dao, te noswai tiwai. Tama augwaligo genuai nogi me te osogo naga elalubo dao, te noswai aga duduli tiwai. Te noswai holama, sasia peyu, aga duduli me tegasa dulaibao.

Aisaia 2:22

Dagego homugo bidi mego da tau saiba homu elamuo. Mu menio. Da bidi da olo nai mu dao. Magi baso meni. Da pęwądage sogo bididama, tama da isaibao.

Dwagi Yai Gesi Po Jongo Asęani 14:18

Jisasgo te po me wai, “Eno dage tagalama, duga naga olo bidigobeo, aya ida meni yai tiana wai bidibo tiwai egobeo. Ena dage pageba ma asaibao.

Aisaia 66:13

Te eno dage bugagia mu tonalu, te idago aga wai bǫų bugagia tonalubo tiwai eyu, te aga waigo haliga dua nagame ilibo po wabo tiwai yaibao. Dage te Jerusalemde bidiyu, te duga haliga nagame elama bidaibao.

Matyu 10:28

Dagego tigi naga ela mubo bidi dabe te dage wi egio. Augwaligo dagego po wabo mobo noma bidi te dali me ela mugobeo. Menio. Te Godigo dagego tigi me noma bidi dali te genuai dene sabo te siade mu dolobo bomo elalubaso, te dage agade naga wi yao.

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

Bugagia Bidibo Kolesagade Po Asęai Buku 29:26

Te bidi hauwago te bulu tǫ kantri tonalubo tuni bidi dali te homu bega sabo po weyu, te agai augwali wei homu emainogo tebao. Tiali goli, Genuai Bidi agaduba deligo naga te dago po dolo dagaluyu, tama da tau sabo dao.

Godigo Nogi Ugwaba Sabo Tęąbi Po Wabo Buku Dabe 146:4

Te augwali isibo sogo, augwali te begelama, te tǫ ma pedalubao. Tama te sogo augwaligo te yaibao po wali sę tigidali te me egobeo.

Godigo Nogi Ugwaba Sabo Tęąbi Po Wabo Buku Dabe 92:7

Te dwai bidi dabe te wiegi yai nosa tiwai ma pedaliyu, tama te dwai kolesaga ebo bidi dabego te doado bage hauwa selama, tama augwa bugagia bidaibao, tiali goli, nago augwali mu dolaibao.

Godigo Sęba Tagala Palai Bidigo Po 9:31

Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

1 Samuel 15:24

Tama Solgo te tiwai po wei ponani, “Awe. Eno dwai sę yalio, tama eno Genuai Bidigo po me, nago po me, sela sąwani. Ena te ena ami bidi dabede wi ebaso, tama eno augwaligo po wali pai dao.

Te Israel me Juda Hani Sigo Tuni Bidigo Po Elalubo Buku Si 1:15

Keptengo po ola silali, tialima te Genuai Bidigo ensel bidigo te Elaijabolo e tiwai po tama ola mawai, “Nage dulama, te kepten bidi dali pao,” wali. “Nage aga sulama, wi egio.” Awe, Elaija hodaluama, tama aga kepten bidi dali te king pageba pai.

Aisaia 40:1

Duga Godigo te po odubao, “Eno we bidigo haliga dąų walama, te augwa haliga dua nagame ilibo po pusao.

Aisaia 49:13

Dagalu, nago te wiegi yai homu pemene eyu, i wao. Te tǫ, nage pemene elama, genuai po dągą wao. Dage bulu du dabe, dagego me te pemene ebo balia wao. Magi baso meni, Genuai Bidigo olo mu tau mabo wiegi yai kolesaga aga we bidiba ebo dao. Augwa te sęgę hauwa tolali, tiali goli, megi da, Genuai Bidigo augwaliba wiegi yai sę elama, te augwa haliga dua tamugulama ma bidaibao.

Aisaia 57:11

“Dage dede mu wi elama, te dagego ena ili po ola mayu, te ena tudiba munama, te ena homu kone mu gegeda palobawe? Te bobobage sogo eno dageba wado po wabe, tama tiyu dagego enaba wi ebeo.

Jeremaia 38:19

Tama Sedekaiago Jeremaiabolo te tiwai po wali, “Ena te Babilonba wi pelama, bidigi pali Juda dabe mebade wi ebao. Tiyu, te Babilon dabego ena te Juda dabe nogoba munama, te augwaligo enaba dwai sę idalio,” wali.

Esekiel 2:6

“Tialima nage, te tǫde bidi, nage augwalide wi elama, te augwaligo nageba wabo pode nage wi me igio. Te augwaligo nago po aiyaba elaluama, nage begela dolaibao. Te nage augwali tomode bidiyu, te tiwai dwai haliga yaibao, nage te dwai sesane elalubo bono sili tomode bidibo tiwai yaibao. Ma, nage te dwai marasin elalubo hwą dabe tomode bidibo tiwai elalueibao. Tiali digi tagalao, nage augwalide wi eyu, te augwaligo pode me wi igio. Menio.

1 Samuel 17:11

Sol me aga ami dabe daligo te po odama, tama augwali wi dwai mu yai.

1 Samuel 21:13

Tama tiyu, te kingo me te aga ofisa dabego gedude dali, Devitgo te tibo po digi te aga esela pabo pedelali. Tama augwaligo aga nogo tuainu ebo sogo, teda aga te esela pabo bidi mu tiwai yalio. Tama aga te taunba pabo sunumide asesa biliyu, tama aga pedauwalide te pesa dini pedalumainu ilama tama te pesa te aga penani nisidu gila dulali.

Aisaia 8:12

“Te we bidi dabego te po obaso da, ‘Bidi hani mebago Juda bulu dolaibao po mia salio,’ po obaso, nage dali, naga hani dali, dagego te po mu dao homu igimio. Tama me, te we bidi wi elama, noma sobaso da, dage augwali ebo gilama wi elama, noma selamuo.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Aisaia 61:2

Agai ena tagala palu, te tama po pusao wali, te dago Genuai Bidi, Godigo sę yabo sogo pedelalio, te aga we bidiba wiegi yai sę bugagia ilama, te boi bidi dabeba dwai dene mawaibao, wai. Te agai ena tagala palali, te homu dene eyu, gela wabo we bidi dabego haliga dąų walomainu tagala palai dao.