Aisaia 50:4 - Godigo dwagi yai po buku

⁴ God Genuai Bidigo enabolo te wiegi yai po wabo kolesaga ola mawai, tama eno te wiegi yai po te bomo meni yai we bidi dabego haliga dąų walu, waibao. Tigidali sogo kigamude agai enabolo te wiegi yai gesi sę po ola mawainu ebo po odabo homu godolo mu ebo dao.

Aisaia 50:4 Referans Kwoze

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Jeremaia 1:9

Te po olama, Genuai Bidigo agai nogo eno pedauwaliba munama, tama enaba te tama po wali, “Odao, megi eno po te nago pedauwaliba mubaso, te po nago pusaibao.

Bugagia Bidibo Kolesagade Po Asęai Buku 25:11

Te bidigo te wiegi yai homu kolesaga me deli te hanilama, mu pusubaso da, teda agai po te wiegi yai piksa te augwaligo te golgo nigilama, tama te silvago au ilali tiwai ebo dao.

Bugagia Bidibo Kolesagade Po Asęai Buku 15:23

Te bidi dabe po mibadi, tama nago te wiegi yai sogo ebo te tonaluama, tama nago te wiegi yai po me deli weyu da, teda nage pemene yaibao. Awe, nago pode te gasa bidi dabe me dwagi yai homu yaibao.

Godigo Nogi Ugwaba Sabo Tęąbi Po Wabo Buku Dabe 119:147

Te be posisąbadi digi, te eno nageba gedu haluasa po weyu, ena tau sao po obao. Eno nago dąų wali poba homu dąų wagasai elalubo dao.

Godigo Nogi Ugwaba Sabo Tęąbi Po Wabo Buku Dabe 143:8

Eno konealubo homu nageba muani. Tialima, eno homugo te tigidali sogo kigamu nago eno homu te nago ena godolo ebo kolesagade ma homu kone palomainu ilao. Eno gedu haluasa po nageba naga wabo dao. Tama tiyu, nago enaba te sunumi ola mobaso, te eno wali paibao.

Godigo Nogi Ugwaba Sabo Tęąbi Po Wabo Buku Dabe 5:3

Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.

Dwagi Yai Gesi Po Lukgo Asęani 4:22

Te we bidi tigidali augwaligo Jisas nogi ugwaba sali, tama Jisasgo dwagi yai po pusalide augwali tigidali noma sali. Tiali goli, augwaligo te po wali, “Mena tamawe, e bidi da, Josepgo ogwa meni yali wenagao,” te po wai dao.

Matyu 13:54

Tama aga page buluba pali, tama Godigo po agai te augwa bomo yai po odobo be tomode ola mawai. Tama augwali noma mu siyu, te po augwa hasi wai, “Te kolesaga koneani, me te bomai sę tigidali, te bidi agai magi ilama te tigidali kolesaga saliwe?

Matyu 11:28

“Dage we bidi dabe sę dene genuai eyu sęgę yai nai tolobo tiwai we bidi dabe, dage tigidali enaba asao, te eno dage tau siyu, tama dagego toma tueibao.

Matyu 22:46

Tama niwai bidi me deligo Jisasgo te po wei ponabo te usu menio. Tama te side augwali agade wi ebo gagalali, tama nosali augwaligo agabolo te magi nai po me hanalubo menio.

Dwagi Yai Gesi Po Jongo Asęani 7:46

Te enesigi bidi dabego po wei ponoyu, te po wai, “Polobadu bidi mego Jisasgo wabo po tiwai munu me wai menio,” te po wai.

Godigo Nogi Ugwaba Sabo Tęąbi Po Wabo Buku Dabe 45:2

King bidi, nage te gasa sawi yai bidi mu dao. Te gasa bidi nage tiwai me menio. Nago po te wiegi yai naga elalubo. Tama te sesemane sogo Godigo nageba te wiegi yai homu ebo yai.

Godigo Nogi Ugwaba Sabo Tęąbi Po Wabo Buku Dabe 88:13

Genuai Bidi, eno nageba i wabo, te nago ena tau somainu ebao. Te tigidali sogo kigamu eno gedu haluasa po wabo dao.

Bugagia Bidibo Kolesagade Po Asęai Buku 12:25

Te bidigo homu gone te sesemane kone tua pabo bidi da, teda aga te haliga sęgę mu elama, tama aga homu dolaibao. Tiali goli, aga abagigo te bidi dali te wiegi yai po obaso da, teda aga te bugai haliga ma ebo dao.

Aisaia 8:16

Te ena skul ogomani gesabidide eno te Genuai Bidigo enabolo mani po mesegelama, haluali. Tama eno asęnama, tama eno dąį tede ilali.

Aisaia 28:9

Te augwaligo eno po odobo si da, augwaligo e tama po wabo dao, “Te bidigo homugo de mu agai skul ola mawainu homu eyu ebowe? Agai pogo de mu ola mawainu ebowe? Da dwasianu wai bǫų dabe meni. Tamadi tama, da ame tubo tagalama bidibe.

Aisaia 28:19

Te dwai kolesaga dabego dage munu me taga pogobeo. Menio. Te augwali geninama mu dageba tigidali sogo hulide me ulade dageba me pedalidu geaibao,” wali. Ma, dagego Godigo te wiegi yai po page dagego bugagia mu koneyu da, dage noma selama, wi mu yaibao.

Aisaia 35:5

Tialima, te gedu widai bidi dabego gedu ma pedaibao, te olo degai bagego po ma odaibao.

Aisaia 40:29

Genuai Bidigo te bomo meni yai bidi dabe dąų walobaso, te dili bomo kimi silai digi, te agai augwali bomo selama, bidimainu ebo dao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Jeremaia 31:25

Te bidi me deligo tigi bomo silibaso da, teda eno aga dąų walaibao. Tama te bidi aga haliga sęgę elalubaso, te eno agai haliga usu naibao,” wali.

Esekiel 46:13

Genuai Bidigo po genina ma weyu, e tama po wali, “Tigidali sogo kigamu dagego sipsip kibu gǫų deli agai tigi kenigo me dolisąma yai, tama agai kibu be deli yai tama seseyu yao. Tama dagego ena Genuai Bidibolo te siago mu dela silibo ofa mayu yao. Dagego te tama tobage ofa tigidali be posobo sogo eyu yao.

Bomai Po 18:17

Tama tialima, Genuai Bidigo enabolo te po wali, ‘Augwaligo hanalubo po usu dao,’ wali.

Bomai Po 18:18

‘Tama eno te we bidi hani tomode eno bidi me deli sa muaibao,’ po wali. ‘Tama aga te profet bidi nage yali gilama nigaibao. Tama eno po agabolo mayu yaibao. Tama eno po me deli te we bidibolo pusigi pao po obaso da, teda agai pusiyu yaibao.

Jopgo Po Asęani Elalubo Buku 4:4

Te we bidi genuai sęgę selama, tǫba tulaluai goli, nago augwalibolo dwagi yai po mawai. Tama nago te pogo augwali ma hodolai dao. Tama augwali ma bomo elama dolalumainogo nago augwali tau sali.

Godigo Nogi Ugwaba Sabo Tęąbi Po Wabo Buku Dabe 40:7

Tialima, megi eno e tama obao, “Suao. Ena asalio. Te nago bomai po elalubo bukude nago homugo te eno emainu yabo sę asęanio.