Aisaia 50:3 - Godigo dwagi yai po buku

³ Tama eno te dagalu me sisi mu emainu eyu, te aga bidi isaide te wego homu dene ebaso gudubo ugwa tiwai yaibao. Mu tama, eno te tobage sę yabo homu elalubao,” Genuai Bidigo te po wali.

Aisaia 50:3 Referans Kwoze

Kraisgo Geme Dualali Sę Pedelabo Po Jonbolo Ola Mani 6:12

Tama eno tonono ma bilibadi agai te buku dąų wali nai a naga olama me badu nogo deli wali te togwai, tama eno suali, tǫde genuai tǫ mali pedalai. Tama giliga ge begelama, te sisi yai gagawai. Tama te polua genuai ebadi te mama yai, te kaneme tiwai mu pedalai.

Ma Dobola Sali 10:21

Nosali Genuai Bidigo Moses dali te po wai, “Nago nogo ugwaba sao, tama moni genuai hulia sabogo te Isip tǫ halua saibao. Te be hulia sabo te gasagi yai mu dao. Te bomai nai augwaligo nogogo tuabo usu tiwai dao,” te po wai.

Matyu 27:45

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

Aisaia 13:10

Te sogo te tigidali hǫ dabego ula sula saibao. Tama giliga pedalaibao, tiali goli agai ula hulia sigi paibao. Tama polua munu me nanogobeo.

Jeremaia 4:28

Te pagede naga tama, te tǫgo hobede ebo tęąbi weyu, te dagalu husuga sai pedelaibao. Eno homu kone palama, te sę emainu yali, te eno homu me hasegelabo homu me egobeo. Mu menio,” wali.

Aisaia 8:22

tǫba tonoyu yaibao. Tiali goli, augwaligo dwagi yai nai dabe me sugobeo. Menio. Te augwaligo te dwai sęgę, me dwai sęgęgo augwali tigidali bulude bilibo digi te hulia saigo augwali mesegasa bilibo tiwai yaibao. Tama augwali wi pelama, te dwai sęgę gedelabo sunumi mu meni yaibao.