Aisaia 50:2 - Godigo dwagi yai po buku

² “Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Aisaia 50:2 Referans Kwoze

Aisaia 59:1

Genuai Bidigo te dage ma sabo bomo meni da, dagego te homu me igio. Dagego te homu eyu, te aga olo degelama, te dago gedu haluasa po wabo odobeo homu egobeo. Menio.

Israel Hanigo Namba 11:23

Tama Genuai Bidigo Mosesbolo po wei ponoyu, e tama po wali, “Te eno bomo usu meni yali bogo. Te pęwadage sogo tama nago suaibao. Tama nago koneama, nago homugo eno nagebolo mawaibao wali te nai te yabao po waibao. Te nai pedalogowe, ma meniwe?” wali.

Aisaia 66:4

Te pagede tama te augwaligo tolabo sęgę eno sa muani, augwa te wi mu ebo sęgę dao. Magi baso meni, eno augwaliba i obadi, te eno i wabo augwaligo wei ponobeo. Te eno po me augwaliba pusubadi, tiali goli augwa wali me pabeo. Menio. Augwa eno po sela sąyu, te eno gedude dwai kolesaga naga yali, te eno godolo homu isąbo kolesaga dabe mu dao.”

Josua 3:16

te wę togoyu, mu dąų olama, tama te wę ma soabeo. Te wę ugwadu te bobobage bulu du tiwai gilama, te bulu Adamba usu nigi pelama, te wę pesage holai tiwai elaluai, te Saretan hanu me deli pąde yali. Tama te sigi ąį Det Si teba dulubo wę te tigidali sula sai elaluai. Tama te we bidi augwali te wę tomodu pelama, te Jeriko hanu pąba u badu sabolai.

Tigidali Nai Gagalama Nigali Side 18:14

Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Bugagia Bidibo Kolesagade Po Asęai Buku 1:24

Eno dage i wali, te enaba asomainu yali, tiali goli dagego hagela yai.

Dwagi Yai Gesi Po Jongo Asęani 1:11

Aga bulu muba asai. Tiali goli aga hani augwaligo aga sabeo, gesebeo.

Nahum 1:4

Te agai tamu ąįba wado ilibaso da, teda te tamu ąį sula saibao. Tama agai te wę dabe me sula somainu ilaibao. Te agai tama po obaso, te wiegi yai nosai me gi me te nai yabe dabe sasia paibao. Te Basan badu gi dabe me, te Karmel bulu dude te nedu du walobo ni dabe me, te Lebanon bulu du dabede elalubo plauwa dabe me, te tagalao, tigidali te sasia pabo dao.

Hosea 11:2

Eno te hauwa sogo augwali i weyu, te ena wali asao po wai. Tiali goli, sesemane sogo te augwaligo ena tudiba muani. Eno we bidi augwaligo te tibo god Balba ofa yalio. Augwaligo te wiegi yai denami ebo hano ilibo ofa te haniani tibo godiba yai dao.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.

Daniel 3:15

Tialima, dagego te musik odobo sogo, dagego kidu sugunama, tama te piksaba lotu waiyąo. Tama dagego te tiwai isąbaso da, megi naga tama eno te bidi dabeba walama, tama augwaligo dage te genuai sia daboba sąmainogo yaibao. Tama dagego homugo te dage tau sabo god me deli elaluba homu eba, agawe?” kingo te po wai.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Aisaia 65:12

Tiali goli, eno gasagi yai sogo dageba sa muai. Te boi dabego dageba hwįagaselama, te dage augwa bainat hwą dabego ela mueibao. Te duga kidu sugunama, te tobolu tǫba basigulama, te boi bidi dabego dage tobolu mage togwaibao. Te sę dabe pedelaibao, magi baso meni, eno dage i wali, te dagego eno i wabo wei ponobeo. Te eno po me dageba pusali, tiali dagego wali pabeo. Menio. Dagego eno po sela sąyu, te eno gedude dwai kolesaga naga yali, te eno godolo homu isąwai kolesaga dabe mu ebao wali.

Aisaia 59:16

Te aga dwai midigi siyu, te tiwai suali, te gasa bagego dolali bidi dabe te tau sabo bidi elalubo subeo. Tama tibaso, te aga bomogo digi, te aga doloba pai kolesagago digi, te Genuai Bidigo augwali ma selama, te augwali bugagia bidimainogo ilai dao.

Aisaia 43:16

“Polobadu ena Genuai Bidi, eno te tamu ąį tomode sunumi nigai dao. Awe, eno te bomai ąįdu soabo tų nigai dao.

Aisaia 42:15

Te eno bulu du dabe dolama, te nosai dabe me ni dabe sasia pomainu ilaibao. Tama eno te genuai soabo wę dabe dali, te sigi ąį me, sula somainu ilaibao.

Ma Dobola Sali 14:21

Tama Mosesgo nogo ugwaba selama, tama tamu ąį hulide usu sai, tama Genuai Bidigo bomai wali te sia ge pedalobo badu asiyu pedelali, tama te waligo te tamu ąį te sia ponobo tiwai edubadi, tama be posai. Tama waligo te tamu ąį ma sela sąbode, tama tamu ąį tomode si peda pai.

Ma Dobola Sali 7:21

Tama te Nail ąįde elalubo tigidali sųgų isilama, dwai kugumini mu te ąįde yai. Tama te Isip we bidi augwaligo te wę tuabo usu egobeo. Tama kaneme te Isip tǫ tigidalide elaluai.

Ma Dobola Sali 7:18

Tama te sųgų dabe isilama, dwai kugumini mu yaibao. Tama Isip we bidi augwaligo te ąį tubo usugobeo,’ te po agabolo wao,” Godigo te po Mosesbolo wali.

Dwagi Yai Gesi Po Jongo Asęani 3:19

Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.

Dwagi Yai Gesi Po Makgo Asęani 4:39

Tama Jisas hodasa holama, tama te waliba wado po obadi, tama wębolo po weyu te po wali, “Megi da, usu dao. Nage sia sao! Nage megi tama silama isao!” Tama wali kekasa peyu, tama te wę me dwasianu memenege munu me ebeo.

Daniel 6:20

Te siligi pelama da, teda aga haliga sęgę mu elama, tama te tiwai i wali, “Daniel, nage te sesemane sogo bidibo Godigo sę bidi, odao. Nago te wali pelama, te agaba sesemane sogo lotu udubo God, agai te laion dabego pedauwali paniama, te nage gąų kelama tubewe, ma meniwe?” te po wai.

Jeremaia 5:1

Genuai Bidigo te tiwai po wali, “Dage Jerusalem we bidi, dage udulama, te taun sunumi dabeba, me te sisinibo pesageba tedela pelama, te doloba pai bidi meba bidibowe, ma meniwe, suainu tama tiao. Te dagego bidi me deli te doloba pai kolesaga wali peyu, te dolo yali kolesaga sę mu bomo ebo bidi subaso da, teda eno dage Jerusalemgo ebo dwai sę tigidali tagalaibao,” wali.

Aisaia 63:13

Te augwali asobodu aga polasa peyu, augwali te tamu ąį dologo badu mu elalubo tǫdu pali. Te augwali te bulu wa pai pesagede bidibo bulu uni hos dabe pabo tiwai bomonama asesa pali, te augwali me tula mubeo.

Aisaia 51:10

Nago tama nago te tamu ąį sula somainu ilama, te sunumi tomodu pedelali, te nago ma sali we bidi dabe soabo sunumi nigilai dao.

Aisaia 41:28

“Eno te tibo god dabe gegali sogo, te eno suali, augwaligo te po deli me wasiąwai. Augwaligo homude te wiegi yai homu kolesaga elalubo po pusabo homu meni yai. Te me deligo eno hanalubo po wei me ponabo usugobeo.

Aisaia 36:20

Dago te bulu tǫ kantri hauwaba boi hwįgi pali, te augwa god hauwa elaluali. Tiali goli, te god me deligo te aga bulu tǫ kantri me tau selama, te da hwįgi pali aiyaba me elalubeo. Tama tialima, magi baso dage Jerusalem bagego homugo te duga Genuai Bidigo dage tau saiba homu elama, te dago dage aiyaba me elalugobe da homu ebawe?” wali.

Aisaia 19:5

Te wę Nail sula selama, aiya dulama, tama tǫ pedalama, tama mu sula saibao. Te tǫ te gebo pai tǫ pedalaibao.

Godigo Nogi Ugwaba Sabo Tęąbi Po Wabo Buku Dabe 107:33

Genuai Bidigo te genuai wę te mu sula somainu elama, tama te tǫdu pedalubo wę tigidali sula somainu ebo dao.

Tuni Bidi Dabego Po Elalubo Buku Si 32:15

Dagego te Hesekiago dage ili po ola momainu sula tagaligio, tama dagego agai po odigimio. Magi baso meni, te gasa meba kantri dabe augwa godigo augwali me tau sai meni, te eno wąį dabe hwįgi pabode me megi eno hwįbode te augwali me tau sabeo. Tama mu tama, dagego Godigo me dage tau sabo usu me egobeo,” te Senakeripgo te po ola tolali.

Ma Dobola Sali 14:29

Tiali goli, te sę pedalisiąbadi, te Israel dabe augwali te tǫ wai digi pali, tama te wę te be daga u badu me e badu elalubo tiwai yai, tama augwali pelama, te wę u badu hasia sabolai dao.

Jeremaia 8:6

Eno augwaligo poba olo bugagia mubadi, tiali goli eno augwaligo mu po wabo me odobeo. Te bidi me deligo homu begeligi soyu, te po weyu, ‘Tegobao, eno genuai sęgę mu sali,’ po wabeo. Menio. Tigidaligo augwa homu naga wali pabo homu yali, te ami dabe hosde dugulama, te hwįgi painogo udabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 106:9

Agai te nosa elaluali tamu ąįba po bomonama obaso, tama tamu ąį te wa pai tǫ tiwai pedelali. Tama agai te we bidi dabe peyu, tama augwa te tamu ąį nogegi pali, te bidi te wa pai tǫdu pabo tiwai ąǫ yai dao.

Daniel 6:27

Agai te we bidi dabe dolainu ebo sogo te augwali ma sabo dao. Tama agai te tobage te genuai bomai sę te dagalude me tǫde ebao. Te Godigo te Daniel tonalu, tama te laion dabego aga me dolobeo,” te po wai dao.

Jeremaia 7:13

Te megi me, dagego te tobage dwai kolesaga ebao. Hauwa sogo eno dagebolo te dwai kolesaga tagalao po wali, tiali goli dagego te po odobo hagela yali. Te eno dageba i wabo sogo, dagego eno i wabo wei ponobeo.

Aisaia 11:15

Genuai Bidigo tamu wę Retsi sula somainu yaibao. Tama agai bomai posolai wali pedalomainu yaibao. Tama te waligo te wę Yufretis sula selama, dwasianu emainu yaibao. Te wę te a naga olama, me badu nogo si wę gamiadu pomainu yaibao. Tama tibaso, we bidigo te wę nogebo usu yaibao. Tama tiali, te sogo te sunumi genuai bage mu yaibao, te we bidi dabe te Asiria tagalama, asela yabo. Te yaide te Genuai Bidigo te Israel dabe Isip tagalama, asomainu sunumi genuai yali tiwai yaibao.

Aisaia 23:11

Genuai Bidigo nogo te tamu wę daide balalubao, te tamu wę sesegede elalubo bulu dabe dolainu. Tama tibaso, te bulu we bidi dabe augwali didibili dwai mu ebao. Agai te Fonisia bulude bomai hanu dabe dolainu po polo mawai dao.

Aisaia 44:27

Eno te po wabo sogo, ‘Tamu ąį, nage sula sao,’ obaso da, teda aga te sula sabo dao.

Aisaia 54:6

“Ena God, Genuai Bidi, eno te tiwai po wali, te nage eno enaba ma asomainu i waibao. Nage te bidigo sai gesi we tiwai te aga bidigo tagalama, wi palio, te aga hobolu du peda pelama, te aga genuai homu dene dali bidalio.

Jeremaia 7:27

“Tialima, Jeremaia, nago te po tigidali te Israel dabeba pusao, tiali goli, augwaligo te po me odogobeo. Nago augwaliba i udao, tiali goli, augwaligo nago i wabo wei me ponogobeo.

Jeremaia 14:9

Magi baso nage te bidi tiwai, nage te homu umuna sai bidi tiwai ebawe? Magi baso nage te ami bidi te aga boi bidi aiyaba elaluabo bomo meni yai tiwai elalubawe? Tialima, menio. Genuai Bidi, nage da tomode bidibao. Tama nago te da naga we bidi mu da olama, dąį iliyu, sa muai. Tama tialima, nago da me tagaligio,” wali.

Jeremaia 35:14

Polobadu Jonadap, te Rekapgo ogwago, aga hani dabeba te po weyu, augwaligo te wain tulamuo wali. Te megi tama me, te Rekap dabego te augwa wąį nǫųgo wali po bugagia wali pelama, tama augwa te wain me tubeo. Tiali goli, eno dageba hauwa sogo po madu geai, te dagego eno po me odobo menio.

Habakuk 3:8

Genuai Bidio, nago wali tagala palama, tama nago te ąį dabe me, tamu ąį dali, te bomo elama, pedalumainu yali. Te nago augwalide wado homu eyu, te tiwai yali da, agawe? Te nago naga we bidi dabe augwali tau siyu aselama, te boi bidi dabe aiyaba elaluali sogo, te pǫ de tulubo tulubage si te nago boi hwįbo nai, te kibu hos dabe me te karis dabe tiwai gilama yalio.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.