Aisaia 5:6 - Godigo dwagi yai po buku

⁶ Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Aisaia 5:6 Referans Kwoze

Jeremaia 25:11

Te tǫ tigidali dolama, te dwai olo pesage naga elalueibao. Tama te hani we bidi dabe te kingo sę olo ebo bidi tiwai te Babilonde bidaludubadi, te kibu be bidi sese sela olama, nogo si, te 70 yia bidaibao,” wali.

Kraisgo Geme Dualali Sę Pedelabo Po Jonbolo Ola Mani 11:6

Tama te bidi sigo te dagalu dąų walobo bomo elalubao. Tama te dagalu dąų olama, tama augwali sigo Godigo po pusubadi te tulubage tulugobeo. Tama augwali sigo bomogo te tigidali wę begelama kaneme pedalabo bomo elalubo. Tama te haniani dwai naigo te tǫde we bidi dolabo bomo me elalubao. Tigidali sogo augwali sigo homugo tama tiainogo eyu da, teda te augwali sigo te sę ebo usu yaibao.

Dwagi Yai Gesi Po Lukgo Asęani 21:24

Tama te boi bidi dabego te Juda dabe me badu moni hwągo ela muaibao, me badu nogo si dųlama, kalabus ilama, odasa pelama, tama tigidali gasa tǫba mugi paibao, tede mu bidimainu yaibao. Tama te boi bidi dabe, te Juda bidi hani isąwai dabe, augwaligo te Jerusalem hanu mu dola silaibao, te aiyaba elaluaibao. Tama nosali te Juda hani isąwai dabego Juda dabe aiyaba elaluabo si silaibao,” Jisasgo te po augwalibolo wai.

Amos 4:7

Genuai Bidigo te po wali, “Ena digi eno te tulubage paliali, te tulubage tulubo sogo te nai wiegi yai pedalumainu ilibo tulubage te eno paliali. Eno te tulubage te taun mebaba tagala palali, te gasaba me tebeo. Menio. Te gi mebago tulubage sali. Tialima, te gasa gi dabego me sabeo, menio, tama tigidali te sasia palio.

Hosea 3:4

Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Jeremaia 14:1

Genuai Bidigo te po te Jeremaiabolo tǫde te tulubage meni yani sogo te po mawai dao,

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Aisaia 24:12

Genuai hanu sese mu tama dolali, tama agai genuai obo sunumi tulaluama, tama pebeda pali.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Bomai Po 29:23

Te gi dabe dola silama, dwai olo elaluaibao. Tama te tamu me dwai pauda nai salfa, te ni me nosai isilibo nai si te gide pągąna paibao, tama dagego nai me bulabo usu me egobeo. Tama te nosai dabe me te tǫde me hologobeo. Tama tialima, dagego bulu te Sodom de Gomora si tiwai tama yaibao, te Atma de Seboim hanu si tiwai me. Te hanu dabe Genuai Bidigo polobadu dolai dao, te agai wado elama, tama agai sębę dwai mu yali sogo.

Te Israel me Juda Hani Sigo Tuni Bidigo Po Elalubo Buku Deli 8:35

“Tama naga we bidi dago dwai sę nageba ebaso, tama nago te dwai sę wei ponoyu, te tulubage dąų weyu palia sobaso, te nosali dago ge nenama, homu begeliyu, tama nage dologoba aselama bidiyu, tama dago te beba tonalu, tama nageba gedu haluasa po obaso da,

Jopgo Po Asęani Elalubo Buku 31:40

tama teda eno te wit nai dali, bali wai dali si te tǫde bulubo si, teda te dwai gąų yai bono dali, olo nosai si naga te tǫde holomainao,” wali. Jopgo po tama silali.

Aisaia 7:19

Tama augwali te bulu Juda tǫde mu pągą yaibao. Tama augwali te tigidali dwai pesage me, masigi dedage me, dwagi yai nosai elalubo pesage me, sesane yai bono elalubo pesage me, mu usu naibao.

Aisaia 32:10

Te usu, megi dage homu tegaluama bidiagameo. Tiali goli, dage tonaluiąo. Te 13 o 14 polua bolo pomainao. Teda dage wi elama, noma saibao. Magi baso meni. Dagego te wain gi dabe te du me walogobeo.

Aisaia 49:19

“Awe, nage mu dolobaso, olo bidali. Nago tǫ te dwai madi pedelali. Tiali goli, megi da, te wai dabe te nageba pągąna sagaselama, te nago tǫ augwali usu egobeo. Te nage dolali hani, te nagede digibulu mu bidaibao.

Aisaia 55:13

Te ni wuli dabe te megi dwai ni dabe elalubo madi pedelaibao. Te gasa sawi yai dwasianu ni dabe te megi sesane bono elalubo pesagede pedelaibao. Tama sesemane sogo te tobage ni dabe te pesagede pedelama, te sesemane sogo te dąį ilali tiwai te we bidi dabego sulama, te Genuai Bidi, eno yali bomai sę homu kone palomainu yaibao,” wali.

Hosea 9:6

Nosali te genuai sęgę yai sę, te dage dolabo sę te pedalubaso da, teda dage wi tedela paibao. Tama te Isip dabego dage suyu da, te dage selasa peyu, te Isipba kalabus iligi paibao. Tama tede dage bidaludubadi, te dage isibo siba usu nama, te augwaligo dage te Mempisde pubulaibao, te augwa genuai taun dao. Dage te duga pesage buluba ma asogobeo. Menio. Tama te duga be dabe, me mone silva, me te wiegi yai doado bage te olo bulu tomode elalubadi, te genuai bus holama, te tigidali mesegelaibao.

Joel 1:7

Augwaligo te dago ni wain dabe dolama, te dago ni kaya fik me tula silali. Augwa te tigidali ni kaya wale me ni nologo tula silama, wa pelama, te tedela yai elaluai dao.

Bugagia Bidibo Kolesagade Po Asęai Buku 24:31

Te sesane yai bonogo, me te dwai dosago te gi mesega sai elaluai. Tama te gi bagulali masigi obo te degasa pai yalio.

Te We Bidi Dabego Jerusalem Hagede Gela Wali 2:6

Genuai Bidigo aga tempel be mu dolama, mu tagalali, te bidigo te gi be dolama, hųgila tagalabo tiwai tama yalio. Agai te Israel dabe augwali teba pelama, tama agaba augwaligo lotu po wagi pabo digi dolama, tagalalio. Tama te tiali kolesagago te Genuai Bidigo te lotu po wabo genuai sogo, me Sabat, si tama silalio. Tama te we bidi, augwali te Jerusalemde bidali we bidi, augwaligo agaba te lotu wabo sogo dabe ma lotu weyu ebeo. Genuai Bidigo te king me, pris dabe dali, agai sębę genuai mu yalio, tama agai augwali augwa sęde sela sąwanio.