Aisaia 5:24 - Godigo dwagi yai po buku

²⁴ Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Aisaia 5:24 Referans Kwoze

Aisaia 30:12

Tama tibaso, Israel dabego God te Wiegi Yai Doloba Pai Kolesaga Naga Ebo God, agai e tama po wali, “Dagego eno dua dao wali po sela sąnama, tudi ola manio. Tama dagego te ili po olama, te dolobo kolesaga dage tau saiba homu ebo te mu dagego dąų walio.

Jopgo Po Asęani Elalubo Buku 18:16

Dwai kolesaga ebo bidi dabe da, mu sia saibao, te ni aga pedali dali, nologo dali si sasia pelama, damua pabo tiwai yaibao.

Dwagi Yai Gesi Po Lukgo Asęani 3:17

Nai dagalobo bidi aga savol selama, tubo nai wit ge dali sabea dali si dagalaibao. Tilama, aga te nai ge naga aga beba muyu, sabea naga te siaba muaibao. Tama te nosali asobo bidi agai te we bidi dagalu me te hasi yaibao, augwali me badu agai te sula sisąbo siaba mawaibao,” Jongo te po wali.

Joel 2:5

Te augwali bulu duba samanobo sogo, augwali te karis masigiba samanu kidagalo wabo tiwai ebao, tama te kala siago deyu, podo podo wabo tiwai ebao. Augwali te genuai ami hanigo te boi hwįainu wasibo tiwai yaibao.

Aisaia 47:14

Tiali goli, menio. Augwali te sasia pai nosai tiwai elalubao, te nage dolainu ebo siago te augwali tigidali daibao, te augwa digi augwa tau me sogobeo. Mu tamao, nago homugo nage te isi pąba duagi pelama, sia gogo naiba homu me egobeo. Menio. Te siago nage tigidali daibao.

Aisaia 30:9

Magi baso meni. Augwali te bidi po mu sela sąbo we bidi mu dao. Tigidali sogo augwaligo Genuai Bidigo po sela sąbo dao, te augwa Aya. Te tigidali sogo augwaligo ili po olama, tama augwaligo agai po oda mabo po odobo hagela ebo dao.

Ma Dobola Sali 15:7

Te nago genuai bomogo digi nago naga boi bidi augwali aiyaba elaluai. Nago sębę te sia tiwai pedaliyu, tama augwali te wa pai nosa tiwai siago ulai.

1 Tesalonaika 4:8

Tama tibaso, e po odolama ela pabo bidi, te bidi agai e tǫde bidigo po naga tudiba mubeo. Te bidi agai Godigo po odolama ela peyu, aga tudiba muani bidi dao. Te God agai naga dagebolo te Dwagi Yai Mobo Bidi mani God da, te Mobo Bidi agai dagebolo mani, dage Godigo we bidi mu bidimainogo.

Godigo Sęba Tagala Palai Bidigo Po 13:41

Augwaligo te po asęani, Godigo te po wai, ‘Odao, dage Godigo po sela sąbo bidi dabe dao. Dagego tonaluama, moni homu elama, nosali noma siąo. Tiali goli, dage isaibao. Eno dage pagede sę ebadi, dagego te sę ebo dagego homugo mu konegobeo. Tama bidi me deligo dagebolo te sę page pusa mobadi, dagego agai wabo po page bugagia konealugobeo,’ Godigo te tama po wai,” Polgo te po wali.

Dwagi Yai Gesi Po Jongo Asęani 12:48

Bidigo te ena tudiba munama, eno po agai sela sąbo bidi, aga po tų yabo sę elalubao. Eno wali po, te pogo nosali te tǫ dagalu silibo side te eno wali pogo te bidi dali po tų yaibao.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

Dwagi Yai Gesi Po Lukgo Asęani 7:30

Tiali goli, te Godigo augwali tau sainu yali homu Farisi sibi dabe me, Juda dabego bomo yai po ola mabo bidi dabe me, augwaligo te homu sela sąnama, “Jongo da baptais mabo hagelabo,” te po wai dao.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Amos 2:9

Tama Genuai Bidigo te po me obao, “Dage Israel bage, eno we bidi dabe, eno digi dage tau sabo homu elama, eno te Amor dabe dolali. Te hani bidi dabe augwali te bobobage mu, te bobobage ni tiwai elama, augwa bomo te ni kaligo bomo tiwai yai goli, tama eno te Amor dabe mu silai dao.

Hosea 9:16

Te Israel dabego wai ame nabo usu isąwaibao, augwali te ni me deli te ni sele ąį wa pelama, te nai walisąbo tiwai yaibao. Tialima, te mebago wai ame nobaso da, teda augwaligo te godolo homu mu ebo wai dabe te eno ela muaibao,” te po wai dao.

Hosea 5:12

Tama eno digi te Israel dabe me Juda dabe dolaibao, te dwai osogani me sumadigi dabego te nai dolobo tiwai yaibao,” wali.

Jeremaia 8:9

Te kolesaga koneai bidi dabego Genuai Bidi ena tudiba mubao. Magi baso augwa te homu eyu, augwa koneani kolesaga genuai elaluba homu ebawe? Te augwa hale dwai mu selama, te dwai sogo gegeyu, te hasa bade tola sabo tiwai yaibao. Tama augwa homu kolesaga dolaibao.”

Jeremaia 6:19

“Tǫ, nago me odao. Eno ena te we bidi dabe dolainu ebao, te augwa yali dwai sę wei ponainogo ebao. Magi baso meni, augwaligo eno po sela sąyu, te augwaligo eno bomo yai po wali me pabeo.

Aisaia 8:6

“Ena Genuai Bidi, ena te wę Jerusalemde gebo dabo tiwai dao. Aga tigidali sogo dua soabo dao. Tiali goli, te Juda we bidi dabego homugo eno bomo meni da homu ebo. Tama augwaligo homugo te Aram tuni bidi Resin dali, te Israel dabego tuni bidi Peka, augwali sigo bomo te genuai mu dao homu ebo.

Godigo Nogi Ugwaba Sabo Tęąbi Po Wabo Buku Dabe 50:17

Te eno dage dodolobo te dagego hagela homu eyu, tama dagego eno po sesemane sela sąbo sę ebo dao.

Nehemia 9:26

“Tiali goli, te we bidi augwali te hagoma mu elama, tama augwaligo nago po sela sąwai. Tama nago bomo yai poba augwaligo tudi ola mawai. Tama nago te profet bidi dabe augwaliba tagala palali, te augwaligo te nago bomo yai po augwaliba magasu asali, te augwali homu begelama, nageba ma asomainu yai. Tiali goli, augwaligo te profet dabe ela muani. Tama hauwa sogo augwaligo te tiwai kolesaga yali, tama augwaligo nago nogi mu dolai dao.

1 Samuel 15:26

Tiali goli, Samuelgo Solba te tiwai po wali, “Ena nage dali me pogobeo, magi baso meni, nago te Genuai Bidigo po tudiba muani, tama tiyu agai nage tudiba muyu, tama nage te king munu ma bidigobeo,” wai.

1 Samuel 15:23

Magi baso meni. Te Godigo po sela sąbo kolesaga tobage te dwai pobi wabo kolesaga tobage ebao, tama te God dali hagoma ebo kolesaga te tibo god wali pabo kolesaga tiwai ebao. Te tobage kolesaga ebo te dwai kolesaga mu dao. Nago te Genuai Bidigo po tudiba muani, tama tiyu agai nage tudi ola mayu, tama nage king munu me bidigobeo dao,” Samuelgo te po wali.

Te Israel me Juda Hani Sigo Tuni Bidigo Po Elalubo Buku Si 19:22

‘Senakerip, tama nago te posobo po weyu, tama te po dwai weyu, tama te naga digi naga nogi ugwaba siyu, tama teyu, nago hagoma ebao,’ wali, ‘nago homugo nago te tibo sę de dali ebawe? Nago te tama tibo kolesaga ena dali tama tibao, Israel hanigo God, God ena da dwagi yai bidiyu, tama te doloba pai kolesaga naga tigidali sogo ebo dao.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Aisaia 24:6

Tama tibaso, Godigo pode te dwai sogo mu te tǫde pedalama, te we bidi hauwa mu dwai kolesagadu wali pao olama, i ola mawai dao. Tama dwasianu we bidi hani naga bidaibao. Agai tama tiali. Magi baso meni. Te we bidi dabe augwa dwai kolesagago augwa sęgę tolaibao.

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Hosea 11:9

“Eno dageba haliga sębę yali, tiali goli eno dageba te dwai dene da me magobeo. Magi baso meni, eno kolesaga te bidigo kolesaga tiwai menio. Ena God, te eno kolesaga tedali gasagi yai elalubao, tiali goli ena te dage dali bidibao. Eno wado elama, te eno dage doloyu da me egobeo,” wabo dao.

Ma Dobola Sali 5:12

Tama te Israel we bidi augwali te tigidali Isip teba tedela pelama, te nosa dabe tigidali sisinai.

Bomai Po 28:24

Tama Genuai Bidigo tulubage hasegelama, bomai wali dali hogomu dali, kemi sane dali tagala palaibao. Te dage sese dolama tagalaboba usu naibao,” Mosesgo te po wali.

Jopgo Po Asęani Elalubo Buku 8:17

Tama masigi dude bomonama dąų wala sali.

Esekiel 15:6

“Tialima, ena God Genuai Bidi, eno tama po obao. Te wain ni da, te gasa buside elalubo ni dabe wiegi yai tiwai elalubeo. Tama tialima, eno aga te isi sabo homu naga elama, sa muai. Tama eno e tobage deli tigi poai tiwai kolesaga te Jerusalem taun we bidi augwaliba yai dao.

Amos 2:4

Genuai Bidigo wabo po e dao, “Hauwa sogo te Juda tǫ kantri we bidi dabe augwaligo dwai sęgę sabo sę idu geai. Augwaligo te tama tibo sęde augwaligo dwasianu toma me nabeo. Menio. Ena da, Genuai Bidi dao, tiali goli augwaligo eno bomo yai po sela sąyu, te eno augwali ola mani po augwaligo wali me pabeo. Augwaligo homu kolesaga umuna selama, geda muyu, ena wali munu ma pabeo. Magi baso meni, augwa te tibo god dabe wali pidu, te augwa wąį nǫų dabego yali sę tiwai yali. Tialima, mu tama, eno te Juda dabe augwaliba te dwai sęgę mabo dene ilaibao.