Aisaia 5:20 - Godigo dwagi yai po buku

²⁰ Dage dolaibao. Te dagego haniani nai hasegelama, tama te po wabo dao, “Dwai kolesaga te wiegi yai dao, te wiegi yai kolesaga te dwai dao,” wabo dao. Me, dagego te po wabo dao, “Te hulia sali te ula dao. Me, te ula ebo te ma huli sali dao,” wabo dao. Tama me dagego te po wabo dao, “Te ha ebo nai te pusu ebo, ma te pusu ebo nai te kelede ha ebo,” po wabo dao.

Aisaia 5:20 Referans Kwoze

Bugagia Bidibo Kolesagade Po Asęai Buku 17:15

Genuai Bidigo te kolesaga si te hagela homu mu ebo dao. Te dwai kolesaga ebo bidi dabe olo tagalubo kolesaga, me te dwai kolesaga isiąwai bidi dabeba dene mabo sę, te kolesaga si agai gedude dwai mu dao.

Dwagi Yai Gesi Po Lukgo Asęani 16:15

Tialima, Jisasgo augwalibolo te po wai, “Dagego homugo we bidi augwaligo dagede e homu yaibao, dage doloba pai bage dao. Tiali goli, God agai dagego homu kolesaga mu konebo dao. Tama we bidigo gedude wiegi yai nai dabe, te nai dabe Godigo gedude meda yai nai naga dao,” Jisasgo te po wali.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Jopgo Po Asęani Elalubo Buku 17:12

Ena hulia sai madi me bidibao. Tama eno abagi dedego menio po wali. Nage ulade bidiba wali. Augwaligo te po wali, ‘Nage moni homu igi. Pąde ula yaibao,’ wali. Tiali goli, eno suali da, moni hulia sai mu elalubo.

2 Pita 2:1

Tiali goli polobadu te tibo po wabo profet bidi dabe meba te Israel dabe tomode pedalai. Tama tialima te tibo po wabo tisa bidi dabe meba augwali te dage tomode me pedalaibao. Te augwaligo geme te bidi dolabo tibo ola mabo po haniani ola mabo gagalaibao. Tama tiyu, te Genuai Bidigo augwali ma dobola siyu abelai goli, augwaligo te Genuai Bidi nogi tudiba muyu hogwa saibao. Te augwaligo tama tiyu, te augwa digi polo dolaibao.

Amos 5:7

Ae, hobede ya, dage po tų ebo dolobo bage, me dage te doloba pai kolesaga aiyaba elalubo bidi dabe, te dage tigidali mu dolaibao.

Malakai 3:15

‘Dago te hagoma ebo bidi dabe bugagia bidiyu pemene ebo suali. Tama te dwai kolesaga ebo bidi dabego te doado bage hauwa elalubao, tama augwa te God usu sabo tobage kolesaga yalio, te augwaliba dene mabowe, ma meniwe, te suainu tiali. Tama Godigo augwali me dolisąwai. Mu menio.’ Dagego te po wai dao,” Genuai Bidigo te po wai.

Aisaia 24:9

Augwaligo te wain wę tubo sogo augwaligo te tęąbi po me wabeo. Augwa sęgęgo yali sęde augwaligo te wain augwaligo tubode augwaligo pedauwalide pusu me ebeo, te ha ebao.

Aisaia 30:10

Tama augwaligo Genuai Bidigo po ola mabo profet bidi dabe dali e tama po wabo dao, “Dage pedauwali pania siąo. Dagego dabolo wiegi yai doloba pai kolesaga wali pomainu da ola magimio. Te dago odainu ebo po naga pusa mao. Teda te dwai nai dabe munu me pedalogobeo.

Habakuk 1:4

Tama te we bidi augwaligo po tų ebo si, augwaligo te nago bomai po wali pisąma, tama augwaligo homugo te bomai po te olo nai dao tiwai homu ebao. Tama sesemane sogo te bidi dabego doloba pai kolesaga wali pabeo. Te dwai bidi dabego te doloba pai bidi dabe aiyaba elaluama, tama nago bomai po te hųgia sabo dao.

Ma Dobola Sali 23:7

Dagego gasa bidi tibo pode po tų ela magio. Tama doloba pai bidi agai dwai kolesaga me isąbadi, tama augwaligo aga po tų olo mu ilibaso da, teda dagego aga ela mugio. Magi basowe, te tiwai dwai kolesaga ebo bidi eno aga po tų ilama, tama aga hagawaibao.”

Bomai Po 25:1

“Me sogo dage Israel dabe bidi si te jas pageba pelama, wado po wali dodoligi peyu pelama, tama jas te po tų ebo bidigo te po dodola suali madi te bidi me deligo te sęgę sai suaibao, tama mego te sęgę meni yai suaibao.

Bugagia Bidibo Kolesagade Po Asęai Buku 4:17

Te dwai kolesaga ebo, me te gasa bidi dolobo kolesaga, te augwa tubo nai me wę tubo tiwai gilama ebo dao.

Aisaia 29:21

Tama te deli tobage dene me te ili po olama, gasa bidi dabe po tų ela mabo bidi dabe me, dene saibao. Te gasa bidi dabe olo dali po tų ela mabo bidi dabe tiaibao. Te dwai sęgę elalubo bidi dabe tau sela menama, te sęgę meni yai bidi dabego po dolobo bidi dabe, te dedeli dene naga saibao. Te augwaligo po tų dolama, tama doloba pai bidi dabego te po tų dolama, tama doloba pai bidi dabego te po tų ugwa ela hologobeo.

Aisaia 32:5

Tama te dwai bidi dabebolo genuai nogi me te dwai polobo kolesaga dabe yali da, te sę dabe mu sia saibao.

Esekiel 13:19

“Dagego tibo po weyu, te we bidi augwaliba waliyu, dago te Godigo po pusubao po wali. Tiali goli, menio. Dagego eno nogi aiyaba elaluyu ebao. Dagego yesi bubo sę ebo kolesagade te we bidi meba ela muyu, te meba tau sobao. Te bidi meba eno homugo augwali isigobe da homu yali, te bidi dabe dagego ela mubao. Te eno homugo meba isimaina homu yali bidi dabe, te dagego augwali tau sobaso, te augwali bugagia bidali. Tama te we bidi augwaligo dagego te tama tebo kolesaga godolo ebao. Augwaligo dage te bret delagego abelebaso, me te dwasianu sasabi rais baligo abelebo si da, tama te kolesaga dagego yai dao,” wali.

Maika 3:2

tiali goli dagego te dwai kolesaga godolo mu elama, te doloba pai kolesaga godolo homu me ebeo. Dagego te kolesaga dabego te dagego eno we bidi dabe bidibadi digi, te tigi wali dagala sabo tiwai ebao. Te dagego augwaligo tigi mi togobo tiwai elama,