Aisaia 5:1 - Godigo dwagi yai po buku

¹ Eno ena abagi me delide balia po waibao. Te baliago aga wain gi po pusali. Te ugwadu bulu du dwasianu mede tǫ ili hauwa me elaluali. Tede eno abagigo wain gi tede yali.

Aisaia 5:1 Referans Kwoze

Dwagi Yai Gesi Po Makgo Asęani 12:1

Tama Jisasgo te po meba begelama, te Juda dabego genuai bagebolo wai. Agai te po wali, “Te bidi me deli agai te bono du wain gi bulama, tama obogo bagulali. Tama agai te wain bono du ąį sabo agabo madi nigilama, tama te gi tonaluabo bidigo bobage sigi be me deli sę yani. Tama agai te gi te bisnis sę yainogo ebo bidi dabe mebago nogoba muai. Tama aga digi te aga digibulu bulu habuba palio.

Dwagi Yai Gesi Po Lukgo Asęani 20:9

Te Jisasgo te Juda dabe tuni bidi dabebolo agai wabo po silama, tama agai te olo we bidi dabebolo te bono du gi po digi po pusali. Agai te po wai, “Bidi mego bono du gi bulali. Tama aga te bono du gi te sę ebo dabego nogoba osogo muani, augwaligo te gi tonalumainu, te augwaligo masigi sabo sę dao. Tama elama, aga te gasa digibulu buluba bidigi pali, tede hauwa sogo bidai hagede.

Dwagi Yai Gesi Po Jongo Asęani 15:1

Te Jisasgo te po me aga wali pabo bidi dabebolo pusuyu, te po wai, “Ena da, te du walobo bono ni wain tigi mu tiwai dao. Tama eno Aya da, te bono ni wain gi page bidi dao.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Jeremaia 2:21

Hasia nage te wiegi yai wain ni eno bulai tiwai elaluali. Nage te ni wain polasa mu wiegi yai yano mu pedalubo tiwai yali. Tiali goli, magi baso megi da, nage begelama, enaba tudi ola menama, te buside dwai wain ni tiwai pedelaliwe?

Godigo Nogi Ugwaba Sabo Tęąbi Po Wabo Buku Dabe 80:8

Polobadu nago te ni wain deli te Isipdu selasa asali. Tama nago gasa hani dabe te tǫde sela sąnama, tama nago te ni wain te augwaligo tǫde bulai dao.

Solomon 2:16

Te abagi eno bidi da, tama ena agai we da. Agai te aga meme kibu dabe te sawi yai plaua dabe tomoba sela pelama, tama augwali te nosai tubo sę ebo dao.

Solomon 6:3

Te aga eno bidi da, tama ena agai we dao. Agai aga meme kibu dabe te sawi wiegi yai plaua dabe tomoba sela pelama, tama te meme dabe augwa te nosai tubo sę eyu bidibao.

Solomon 5:16

Agai ena dali naboge si dilibo sogo da, eno te pusu umagi mu yalio. Agai tigi pedai tigidali badu usu nama, te wiegi yai naga yali. Dage Jerusalem we dabe, eno bidi da te tama tiwai tobage bidi me dao.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Godigo Nogi Ugwaba Sabo Tęąbi Po Wabo Buku Dabe 45:1

Te wiegi yai po hauwa eno homude elalubao. Eno te tęąbi po asęnama, te kingba mawainu yali. Eno pedauwali da, te wiegi yai kuskus bidigo te po asębo hoda pen tiwai dao.

Godigo Nogi Ugwaba Sabo Tęąbi Po Wabo Buku Dabe 101:1

Genuai Bidi, eno te nage wali mu pabo kolesaga, me te doloba pai kolesagade tęąbi po obao. Genuai Bidi, eno nageba homu kone palama, tama eno te tęąbi po obao.

Godigo Nogi Ugwaba Sabo Tęąbi Po Wabo Buku Dabe 60:5

Da te nago bomogo ma sao, magi baso meni, te nago da godolo mu ebo dao. Tama tibaso, nago dago gedu haluasa po wabo odolama, tama da te boi bidi dabego nogode ma sao.

Jeremaia 12:10

“Te gasa tǫ kantri polalubo bidi dabe aselama, te eno wain gi dolaibao. Te augwaligo eno wiegi yai gi agalama, te gi te wa pai pesage naga ilaibao.

Esekiel 15:2

“Tǫde bidio, te wain bono ni wiegi yai me elalusiąwai, te gasa ni dabe tiwai ebeo.

Hosea 10:1

Te Israel dabego doado bage hauwa elalu, tama augwali te nai hauwa mu walobo wiegi yai ni wain tiwai yalio. Augwaligo te wiegi yai nai doado bage umabo mu pedelama, tialima augwa te tibo godigo alta, me ni pos te umabo umabo digi nigilama, tama augwa te ni pos bugagia mu me au ilai dao.

Bomai Po 8:7

Magi baso meni, God dago Genuai Bidigo dage te wiegi yai buluba te odasa pobao. Te bulude te genuai wę hauwa elaluyu, te ulu wę hauwa te ebao. Tama wę meba me te tǫ dologodu solama, tama te odogo bulude pedaliyu, meba te bulu dude pedaliyu ebo dao.

Bomai Po 8:10

Tama me dagego tuabo homu ebo nai dagego saibao. Tama dagego agabolo buba hwi po waiagameo, te agai te wiegi yai bulu dagebolo manide,” te po wai.

Esekiel 19:10

“Dage si, duga ida aga te wain ni tiwai augwaligo te ąį sesege pąde bulali. Tama te ni genuai pedelama, tama nologo hauwa elama, te nai du hauwa walali.