Aisaia 49:25 - Godigo dwagi yai po buku

²⁵ Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.

Aisaia 49:25 Referans Kwoze

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Sekaraia 14:12

Te Genuai Bidigo dwai gasi me deli te Jerusalemba boi hwįani bulu tǫ kantri tigidali bidi dabe augwaliba te gasi pedalomainu ilaibao. Te gasi e tiwai da. Te bidi dabe bididubadi digi te augwaligo tigi wali me gedu me hamena me te damueibao.

Aisaia 14:2

Awe, Genuai Bidigo te Israel hani isąwai we bidigo te Israel dabe augwa buluba ma asomainu tau somainu ilaibao, te Genuai Bidigo augwalibolo sa muani tǫ dao. Tama te we bidi dabe te Israel dabego olo sę ebo we bidi tiwai pedalaibao. Te bidi hani polobadu Israel dabe kalabus elaluali bage, megi da augwali Israel dabego kalabus bidi dabe bidaibao. Te polobadu te Israel dabe aiyaba elaluama, augwali dali dwai sę yali. Tiali goli, megi da, Israel dabego augwali tonaluaibao.

Aisaia 10:27

Megi da, dage te Asiria dabego dage tonaluyu, te kau kibu magede ni name munama, tama sę emainu selebo tiwai te ebao. Tama te Asiria dabe bugagia dualalubao. Tama augwaligo te ebo kolesagago ena sębę te ilibao. Tama tibaso, te eno bodolu muani sogode da, te eno te Asiria dabego bomo silama ebode da, te bagego dage sęgę ma mayu egobeo. Awe, dage te boma pai hani pedalubaso, dagego te tolobo sęgę mu tagalaibao.”

Tigidali Nai Gagalama Nigali Side 12:3

Te nage dali wiegi yai kolesaga ebo bidi dabe, augwalibolo te eno wiegi yai mobo augwaliba mayu yaibao. Te ena digi te nago nogi aiyaba muabo dwai po wabo bidi dabe te eno augwalide te dolabo po mu waibao. Tama tigidali tǫde bidalubo bidi hani dabe te nago hanide naga te wiegi yai mobo augwaligo saibao,” Yawego Abrambolo te po wai.

1 Jon 3:8

Niwai bidigo dwai sę idu bidibo, te bidi Satango hani bidi dao. Magi baso meni, te Godigo tigidali nai nigisiąbadi, polobadu mu Satango dwai sę ebo gagalama, tama eyu, tama megi me aga tama tibo dao. Tama agai te Satango we bidi tomode ebo dwai kolesaga ela silimainogo te Godigo Ogwa aga hania pedalai.

Sekaraia 9:11

Te Genuai Bidigo te tiwai po wali, “Eno dąų wabo po kontrak me deli dage Juda dali yali. Te wąį nǫų dabego te ofa yabo kibu dabe elama, te kaneme gealuali. Tialima, te gelali kanemego te da dali dąų wali po kontrak dąų walali. Tama tibaso, eno dage te gasa tǫ kantride kalabus sę ebo tagalomainogo ilaibao. Te kalabus sę dwai mu yali, te dage genuai tǫ dedage tomoba munama bidibo tiwai elalu, te dage tuabo ąį menia sali tiwai elaluai dao.

Jeremaia 29:10

“Ena Genuai Bidi, eno dageba mani po page e tiwai elalubao. Eno te 70 yia, te bidi sese sela olama, nogo si kibu bede te dage Babilonde bugagia bidaibao, te tama dąį ilali. Tama te tudi badu nosali, te Babilon dolaibao. Te sogo te eno homugo dage koneama, te dage eno Jerusalemba ma odasa paibao, te eno dąų wali tau sabo poba usu naibao.

Aisaia 25:9

Te sę dabe pedalobo sogo, te we bidi dabego te e tama po waibao, “Mu tama dao, Genuai Bidi dago God dao. Dago homu agade dąų olama, tonaluai dao. Tama agai da ma oda sai dao. Aga deli naga Genuai Bidi dao. Tama agai da tau sai dao. Tama tibaso, da wiegi yai homu penene genina mu inao. Magi baso meni. Agai da polo ma oda sai dao,” te po waibao.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Galesia 4:26

Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.

Sekaraia 14:3

Tama Genuai Bidigo te bulu tǫ kantriba boi hwįgi paibao, te agai hwįbo sogo te ebo kolesaga tiwaigo te boi hwįaibao wali.

Dwagi Yai Gesi Po Makgo Asęani 3:27

Me ma, te bidi me deli aga olo tama te bomai bidi me deligo beba pelama, tama agai nai selama dobawainogo ebo te usu me egobeo. Menio. Agai te bomai bidibolo hasia te nogo sągą duaibao. Agai tama tilama, tama agai te bidigo bede elaluali doado bage tigidali dobola selama selasa paibao,” wali.

Godigo Nogi Ugwaba Sabo Tęąbi Po Wabo Buku Dabe 35:1

Genuai Bidi, nago te ena dali wado yainu elalubo bidi dabeba te nago wado ilao. Te ena dali hwįbo bidi dabe dali te nago hwįao.

Aisaia 5:29

Te ami bidi dabego te hai wabo te laion yowigo bulu hasa ela munama, dągą wabo tiwai waibao. Augwaligo boi bidi dabe toulama, tama sela paibao, te laion yowigo bulu hasa elama, sela pabo tiwai yaibao. Tama bidi mego augwali ma sogobeo.

Aisaia 10:6

Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”

Aisaia 14:1

Genuai Bidigo aga Israel we bidi hobede ma elama, augwali tau siyu, tama augwali aga we bidi tiwai dąį ma ilaibao. Tama agai augwali augwa tǫba ma odasa paibao. Tama gasa hani we bidi augwali dali bidagaselama, tama augwali te Jekopgo hani dali taluama, augwali Israel we bidi mu pedelaibao.

Aisaia 19:20

Te alta de masigi pos si te we bidigo Tigidali Bomo Elalubo Genuai Bidi sulama, homugo konebo te dąį tiwai elaluaibao. Tama te boi bidi dabego augwali dolainu asobaso da, teda augwaligo Genuai Bidiba i olama, tama Genuai Bidigo augwali tau somainu bidi me augwaliba taga palaibao, te augwali tau selama, augwali ma somainu.

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Jeremaia 15:21

Te eno nage tau siyu, nagede te dwai kolesaga ebo bidi dabego nogode, me te wiegi yai homu elama, olo tau sisąbo bidi dabego nogode, ma dobola selama, tama augwaligo nage me dologobeo.” Te po wai dao.

Nahum 2:13

Tigidali Bomo Elalubo Genuai Bidigo te Ninive dabeba te tiwai po wali, “Ena digi ena dagego boi bidi dao,” wali. “Te eno dagego karis dabe tigidali siago ulaibao,” wali. “Te dagego ami bidi dabe te hwįbaso isaibao. Te dagego gasa bagego nai sali tigidali te ena ma saibao,” wai. “Te gasa bulu tǫ kantri we bidi dabego te dagego po sela pelama, augwaliba wagi pomainu tagala palali bidi dabego pedauwalidu wabo po te augwaligo me odogobeo,” te po wai.

Pris Sę Ebo Bomai Po 25:54

Te augwaligo te bidi te kolesaga me delide te ma abelesąbaso da, teda te nai dabe wei ma mabo kibu bede, te tonalubo bidigo te bidi aga we wai dali tagala palama, olo mu bidimainao.

Aisaia 51:14

Te kalabuside bidali hani, augwaligo pibia selama, wi ebo bage, augwali te kalabus sęgo me isigobeo. Menio. Te augwali kalabuside polo silama, te augwali olo bidaibao. Te augwa tuabo nai hauwa elalueibao.”

Jeremaia 31:11

Ena Genuai Bidi, eno augwali te Jekopgo hani dabe ma saibao. Awe, te boi bidi dabego bomogo augwaligo bomo edelai goli, eno augwali te bomai boi bidi dabego nogode ma dobola saibao.