Aisaia 49:22 - Godigo dwagi yai po buku

²² God, Genuai Bidigo te taun Jerusalemba te tiwai po wali, “Eno te dąį me deli dodolama, te eno nogo me, te dąį me deli tiwai ugwaba siyu, te gasa tǫ kantri Israel hani isąwai we bidi dabego sulama, te nago wai dabe ma sela asomainu yaibao. Te nago wai dabe te augwa nagede auwasa, tama sela asaibao wali.

Aisaia 49:22 Referans Kwoze

Dwagi Yai Gesi Po Lukgo Asęani 13:29

Tama we bidi augwali te giliga asobo badu me, te giliga dega sabo badu me, te not bogo badu me, te saut bogo badu me, te tigidali bulu badu we bidi augwali deliba aselama, Godigo we bidi tonalubo madigi tomoba pelama, nai tueibao.

Godigo Nogi Ugwaba Sabo Tęąbi Po Wabo Buku Dabe 86:9

Tigidali hani we bidi nago augwali nigali, te augwaligo lotu po wainogo eyu, nageba kidu sugunagasaibao, tama augwaligo te nago nogi ugwaba saibao.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Aisaia 66:20

Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.

Aisaia 49:12

Tialima, eno te digibulu bidalubo we bidi dabe, te not badu me, te giliga dega sigulubo badu me, asaibao. Te augwali te taun Aswan badu me asaibao,” wali.

Aisaia 14:2

Awe, Genuai Bidigo te Israel hani isąwai we bidigo te Israel dabe augwa buluba ma asomainu tau somainu ilaibao, te Genuai Bidigo augwalibolo sa muani tǫ dao. Tama te we bidi dabe te Israel dabego olo sę ebo we bidi tiwai pedalaibao. Te bidi hani polobadu Israel dabe kalabus elaluali bage, megi da augwali Israel dabego kalabus bidi dabe bidaibao. Te polobadu te Israel dabe aiyaba elaluama, augwali dali dwai sę yali. Tiali goli, megi da, Israel dabego augwali tonaluaibao.

Godigo Nogi Ugwaba Sabo Tęąbi Po Wabo Buku Dabe 72:17

Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.

Godigo Nogi Ugwaba Sabo Tęąbi Po Wabo Buku Dabe 72:8

Aga te king bidiyu, tama te tamu ąi pąbadu bidalubo tigidali we bidi me, te tamu ąį digibulu badu bidalubo we bidi me, te tonaluaibao. Tama agai tǫ dąį te wę Yufretisde gagalasa palama, te tigidali bulu tǫ pedaiba usu nigi paibao.

Godigo Nogi Ugwaba Sabo Tęąbi Po Wabo Buku Dabe 22:27

Te tǫde tigidali we bidigo augwaligo te Godiba homu koneama, tama augwa agaba ma asaibao. Te tigidali hani we bidi dabe augwaligo kidu sugunama, agaba lotu waibao.

Godigo Nogi Ugwaba Sabo Tęąbi Po Wabo Buku Dabe 102:22

Augwaligo te tama tiaibao, te we bidi hani dali, te augwa king dabe dali, te Jerusalemba sisinama, te Genuai Bidiba lotu wabo sogo te tama tiaibao.

Aisaia 18:3

Dage te tigidali tǫde bidibo we bidi, dagego odao. Te dagego bulu dude magi me dodolai yaibaso da, dagego bugagia suiąo. Tama bu wabo nai biugel po wai da wabo si da, dagego olo saganama, bugagia odiąo.

Aisaia 43:6

Eno te bidi dabe te not badu, me saut badu bidibo bidi dabebolo olama, te dage ma asomainu ilao waibao. Te eno we bidi dabe te digibulu mu, te tǫ sesege badu bidali me, te augwali eno ma odasa asaibao.

Aisaia 62:10

Dage te megi Jerusalemde bidibo hani dabe, dage tigidaligo taun tagaliąo. Te taun tagalama, sunumi bogoba pelama, te sunumi bugagia dodolao, te duga we bidi dabe ma asobao. Te augwa sunumi bugagia sisilao, te sunumide elalubo masigi dabe sela sąyao. Tama te tigidali tǫ kantride bidibo hani we bidigo suabo plak me deli nide walao.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Sekaraia 8:22

Te genuai bomai tǫ kantri hauwa we bidi dabe te Genuai Bidi Tigidali Bomo Elalubo Bidiba lotu wagasu, te Jerusalemba asaibao, tama agabolo hanalu, te augwaliba me wiegi yai sę bugagia yao po waibao.