Aisaia 49:18 - Godigo dwagi yai po buku

¹⁸ Nago tobolu ugwaba sagulama, tonono bilao, te nago naga wai dabe deliba sisinama, te nageba asobo sueibao. Ena Genuai Bidi, ena sesemane sogo bidibao, eno mu po obao, te nago wai dabe te nago au yabo nai dabe tiwai elalueibao, te we bidiba painu te sawi yai ugwa au ebo tiwai elama elalueibao.”

Aisaia 49:18 Referans Kwoze

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Aisaia 54:9

“Te Noa bidali sogo, eno te tiwai bomai po dąų weyu, te eno genuai ąįgo te tǫ ma dologobeo wali. Te megi eno te tobage bomai po dąų walaibao. Eno mu po weyu, te eno haliga sębę ma isiąma, te nageba wado iliyu, te nage me dene mabo sę egobeo wai.

Jeremaia 2:32

Dagego homugo te gesi wegigo aga au ebo wiegi yai au dobage gegeda pabo homu yaibawe? Te we dabego te augwa bidigo kębo sogo au yali wiegi yai au dobage gegeda pabo homu yaibawe? Menio. Augwaligo gegeda painu ebaso, usu mu me egobeo. Tiali goli, tega! Dage eno we bidigo enaba hauwa sogo homu kone gegeda paludu gebo dao, bidigo nedebaso, usu egobeo” wali.

Aisaia 66:20

Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.

Aisaia 54:7

Ena Genuai Bidi, te nage eno tudi badu posolalu, tau sabo bidi, eno nage pęwądage sogo tagalali, te eno genuai homu dene nagede elalueibao. Tama te nage enaba ma asomainu saibao. Te eno nageba wado po dwai mu te pęwądage sogo olama, te eno ena gesabidi geme duala sali. Tiali goli, sesemane sogo te eno nage dali homu dene eyu, te nage godolo mu eyu, te nageba wiegi yai sę bugagia yaibao.”

Aisaia 49:12

Tialima, eno te digibulu bidalubo we bidi dabe, te not badu me, te giliga dega sigulubo badu me, asaibao. Te augwali te taun Aswan badu me asaibao,” wali.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.

Kraisgo Geme Dualali Sę Pedelabo Po Jonbolo Ola Mani 21:2

Tama eno te wiegi yai magi dwai sę isiąwai hanu suali, te gesi hanu nogi Jerusalem dao. Eno te hanu te God dali bidibo suali, tama te hanu te dagalu tagalama, tama e tǫba dulali. Te gesi hanugo au dobage wiegi yai elaluali, te we aga bidi dali painogo aga wiegi yai au dobage sisi elama aga bidi dali painogo ebo tiwai ebo suali.

Jeremaia 31:8

Mu tama, ena Genuai Bidigo eno te ena we bidi dabe te tǫ kantri not badu, me tigidali tǫ pedai badu selama, te augwali ma odasa asaibao. Te gedu widai dabe, me sągą dwai, me te haliga elalubo we dabe, me te wai tega painogo ebo we dabe, augwali me asaibao. Te Israel genuai hani mu pedelama, te augwali augwa tǫba digi ma asaibao.

Aisaia 52:1

Jerusalem, nage te God aga da olama, sa muani hanu, nage hogodao. Nage hogodama, bomonama dolugulao. Nago au dobage te gasa sawi yai sawi yai munama, te nage tonobo gasagi me mu yaibao. Te Godigo po odisąbo bidi dabe, me te God gedude wiegi yai isąbo hani bidi dabe, te augwali nage tomoba me asogobeo.

Aisaia 49:22

God, Genuai Bidigo te taun Jerusalemba te tiwai po wali, “Eno te dąį me deli dodolama, te eno nogo me, te dąį me deli tiwai ugwaba siyu, te gasa tǫ kantri Israel hani isąwai we bidi dabego sulama, te nago wai dabe ma sela asomainu yaibao. Te nago wai dabe te augwa nagede auwasa, tama sela asaibao wali.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.

Bugagia Bidibo Kolesagade Po Asęai Buku 17:6

Te bidi monu dabe pedelama, tama te aga ogwago wai te wąį elalubaso da, teda aga pemene yaibao, magi baso meni, te tebogo te we bidigo agaba te genuai nogi momainu ebao. Tama te wai dabego te augwa aya idade wiegi yai pemene eyu, gawebo dao.

Tigidali Nai Gagalama Nigali Side 22:16

“Yawego te tiwai wali, ‘Te ena nogide digi eno mu dąų walai bomai po obao. Nago naga te deli naga elalubo ogwa me yoga sabeo. Tama tibaso, mu tama, eno nage dali wiegi yai sę mu yaibao.

Tigidali Nai Gagalama Nigali Side 13:14

Te Lot pai madi, tama Yawego Abrambolo te po wai, “Nage ede dolaluyu, te nago tigidali pedaiba tonono pao,” wali.

Dwagi Yai Gesi Po Jongo Asęani 4:35

Jisas agai giba ela mubo po digi po weyu, te po wai, “Dagego tama wabo dao: ‘Polua me si me si elalubo, tama te nai sabo si te pedalaibao,’ Tialima, eno dagebolo obao, dagego tonono biliyu, tama dagego te gi dabe bugagia suiąo. Nai inawai yabowe naga, dagego suao. Te asobo we bidi augwali te inawai nai tiwai dao.

Israel Hanigo Namba 14:21

Tiali goli, ena tigidali sogo mu bidibo dao, tama eno bomo me ula tigidali tǫde elalubo dao. Tama tialima, megi eno e bomai po wabao.

Jeremaia 43:12

Te eno Isip dabego lotu be siago ulaibao. Te lotu be dabede te Isipgo tibo god piksa dabe elalubao. Te Nebukatnesargo te piksa meba siaba ulama, te meba aga tǫ kantriba sela paibao. Te agai Isip kantride nai tigidali sela sąwaibao, te sipsip tonalubo bidigo aga gudali ugwade te kibu tugunu sela sąbo tiwai yaibao. Te agai Isip dabe mu elalueibao. Tama aga te tǫ kantri tagalama, paibao.

Esekiel 33:11

Te Israel dabebolo e tama po walao, ‘Ena God Genuai Bidi, ena tigidali sogo bidibo dao, tama mu tama dao, te dwai kolesaga ebo bidi dabe isibaso, eno tede wiegi yai homu pemene egobe dao. Menio. Eno te dwai kolesaga dabeba tudi ola menama bidibo bidi dabeba eno wiegi yai homu pemene ebo dao. Dage Israel dabego odao. Ma begasa asao. Dagego duga ebo dwai kolesagaba tudi ola menama, tama dage enaba ma asiąo. Magi baso dagego isabo sę idu gebawe?’ Nago augwalibolo te po wao,” wali.