Aisaia 49:16 - Godigo dwagi yai po buku

¹⁶ Jerusalem, eno nageba homu kone ebo me gegeda palogobeo. Eno nage noma bidi piksa nigali, tama eno nogo sawali si daide nago nogi dali piksa dali si asęani. Te sesemane sogo eno sulama, nage homu kone palobo dao.

Aisaia 49:16 Referans Kwoze

Hagai 2:23

‘Te sę pedalobo sogo, Serubabel, nage eno saibao, eno sę bidio, tama nage te ena sę bidi mu gagawai ilaibao, tama nago te eno hani we bidi dabe augwali te nago bugagia tonaluagameo. Eno nage deli tama dąį ilaibao, tama nage deli tama te nogode holobo nai te ring gagawai tama te eno nogode bidagameo. Ena God, Genuai Bidi aga Tigidali Bomo Elalubo Bidi, eno po olama silalio,’ te po te tobolu bidi Serubabelbolo pusao,” Genuai Bidigo te profet bidi Hagaibolo wali.

Aisaia 62:6

O Jerusalem, te nago masigigo nigai genuai obo ugwadu daide eno te tonalubo bidi muai, tama augwaligo pedauwali te giligade hulide me pania sogobeo. Eno augwaliba te tiwai po wali, “Dage te Genuai Bidiba i wabo bidi dabe, dagego toma me nogobeo. Menio.

Aisaia 60:18

Te nago tonalubo tigidali tǫ habu badu te bidi dabe munu me ma hwįgobeo. Awe, nago tǫde me te doado bage alubo kilikili me egobeo. Te nago genuai obo nogi te tiwai elalueibao, ‘Genuai Bidigo aga we bidi dabe ma salio,’ waibao. Te nago genuai sunumide te tiwai nogi elalueibao, ‘Genuai Nogi Mao,’” wai.

Solomon 8:6

Nago ena deli naga godolo homu yao, te nago gasa we godolo homu me elamuo. Nago nogogo te gasa we nogo me me diągio. Nago ena naga nogo diąyąo. Magi baso meni. Eno godolo homu ebo nagede bomo mu eyu, tama eno haliga nagede bomonama hogodu, te isibogo bomogo bidi aiyaba elalubo tiwai ebao. Eno godolo homu ebo, te umabo digi mu yali, te isi bogoli dabo genuai mu ebo tiwai ebao.

Aisaia 26:1

Te sogo nosali pedalobaso, te Juda tǫde bidalubo we bidi dabego te balia po waibao. Dago hanu mu boma pai mu dao. God aga digi dago bomai obo bidalio. Agai da ma polo oda sai dao, tama tebogo agai da bugagia bagulali, te hanu me deligo bomai obo tiwai yalio.

Ma Dobola Sali 13:9

Tama dagego kegeda pidali weyu, te tiwai lotu po wabo kolesaga da, te dąį me deli dao, te dagego duga nogode me gesabidide elaluabo dąį ąǫ yaibao. Tama te Genuai Bidigo bomai po te dagego homu kolesaga iliyu, tama po wabo nigilaibao. Magi basowe, Genuai Bidigo bomogo sę elama, tama da Isip tǫde selama, odasa asai dao.

Jeremaia 22:24

“Ena sesemane sogo bididubo Genuai Bidi, eno po dolo nage Jehoiakinba obao, te Jehoiakimgo ogwa, te Juda king dao. Te nage eno dolo nogode mubo ring me deli tiwai te eno nage godolo mu igi da, tagala, te eno nage sela sągi da.

Aisaia 62:7

Dagego bomo elama, agaba i ola pidu, agai te Jerusalem bomo ma iliboba usu nao, tama Jerusalem te tigidali tǫde we bidi gedude polalu mu pedelaibao,” eno te po wali.

Jeremaia 17:1

Genuai Bidigo te tama po wai, “Dage Juda dabego duga sęgę me sela sągobeo. Dagego tabi haliga te masigi togwai dage tiwai elalubao. Te bidigo te masigi dagede po asębo nai nogi kolsisis selama, te dagego yali dwai sę dabe po te masigi dagede togogo pelama, elalumainu ebo tiwai yali. Tama me te bidigo duga alta nigali gąų tede te po asębo babaga pabo tiwai yali dao.