Aisaia 49:13 - Godigo dwagi yai po buku

¹³ Dagalu, nago te wiegi yai homu pemene eyu, i wao. Te tǫ, nage pemene elama, genuai po dągą wao. Dage bulu du dabe, dagego me te pemene ebo balia wao. Magi baso meni, Genuai Bidigo olo mu tau mabo wiegi yai kolesaga aga we bidiba ebo dao. Augwa te sęgę hauwa tolali, tiali goli, megi da, Genuai Bidigo augwaliba wiegi yai sę elama, te augwa haliga dua tamugulama ma bidaibao.

Aisaia 49:13 Referans Kwoze

Aisaia 44:23

Dagalu, nage wiegi yai pemene elama, i wao, tama te tǫ dologode aiyadu elalubo nai dabe, dagego i waiąo. Dage bulu du dabe me, dage te genuai ni silide elalubo tigidali ni dabe, dagego wiegi yai pemene elama, i wao. Tigidali nai i wao, magi baso meni, Genuai Bidigo bomo me genuai nogi te dage Israel dabe ma sali sogo ola mawai dao.

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Aisaia 55:12

“Te dage wiegi yai pemene elama, Babilon taga somainu elama, te dage eno odasa asiyu, te dage wi ilabo magi sę deli me pedalugobeo. Te bulu du dabego wiegi yai pemene ebo tęąbi po weyu, te ni dabego pemene homu elama, augwa nogo elaibao.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

2 Korin 7:6

Tiali goli God da, te sęgę elalubo bidigo homu dua nagame ilibo bidi dao. Agai te Taitus da bidibo madi asobogo agai da wiegi yai homu nagame ilai dao.

Dwagi Yai Gesi Po Lukgo Asęani 15:10

Eno dagebolo obao, dwai sę ebo bidi me deli aga homu begelama, dwai sę tudiba sąbaso da, teda Godigo ensel bidi dabe augwali dwagi yai homu mu ebo dao, te wego te hagawai masigi ge gegelama ma sali gilama tiwai,” Jisasgo te po wali.

Jeremaia 31:13

Te sogo te wegi ogwa we wiegi yai homu pemene elama, te tęąbi po weyu, te gesi bidi me, monu dabe me, pemene yaibao. Eno augwali homu dene ebo silama, te augwali bugagia haliga tegalumainogo yaibao. Te eno augwali haliga nagame elama, dua digi bidiyu, pemene emainogo yaibao.

Tuni Bidi Dabego Po Elalubo Buku Deli 16:31

Tǫ me dagalu, dage si homu pemene elama te we bidi hani dabeba te tiwai po walao, ‘Genuai Bidi king bidibao,’ te po wao.

Godigo Nogi Ugwaba Sabo Tęąbi Po Wabo Buku Dabe 69:34

Dagalu dali, tǫ dali, tamu ąi, me te tamu węde elalubo tigidali sųgų dabe, dage tigidaligo te God nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 71:21

Te nago eno nogi te genuai mu igi pomainu yali, tama nago eno haliga te dua nagame ma emainu yai dao.

Godigo Nogi Ugwaba Sabo Tęąbi Po Wabo Buku Dabe 148:9

Awe, dage genuai bulu du dabe, me dwasianu bulu du dabe, tama nai du walobo ni dabe me, tama te buside ni dabe,

Aisaia 14:1

Genuai Bidigo aga Israel we bidi hobede ma elama, augwali tau siyu, tama augwali aga we bidi tiwai dąį ma ilaibao. Tama agai augwali augwa tǫba ma odasa paibao. Tama gasa hani we bidi augwali dali bidagaselama, tama augwali te Jekopgo hani dali taluama, augwali Israel we bidi mu pedelaibao.

Aisaia 48:20

Dagego te tǫ kantri Babilon tagalama, tama te bulu we bidi dabede wi soao. Te duga pemene elama, genuai po dągą weyu, te tigidali tǫ habuba po tagala palu, te tiwai po wao, “Genuai Bidigo te aga sę bidi Israel ma dobola salio,” po wao.

Aisaia 49:14

Te Jerusalem we bidi dabego te tiwai po wali, “Genuai Bidigo da tudi ola mobao, te agai da homu kone mu gegeda palobao,” wali.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Aisaia 54:7

Ena Genuai Bidi, te nage eno tudi badu posolalu, tau sabo bidi, eno nage pęwądage sogo tagalali, te eno genuai homu dene nagede elalueibao. Tama te nage enaba ma asomainu saibao. Te eno nageba wado po dwai mu te pęwądage sogo olama, te eno ena gesabidi geme duala sali. Tiali goli, sesemane sogo te eno nage dali homu dene eyu, te nage godolo mu eyu, te nageba wiegi yai sę bugagia yaibao.”

Jeremaia 51:48

Te ena Genuai Bidi, eno obao, te sogo dagalu dali tǫ sigo te augwalide elalubo tigidali naigo te Babilon tulalubaso, wiegi yai pemene mu yaibao. Te haniani nai dabe dolabo bidi, augwali te not badu bidali tagalama asu, te Babilonba hwįagasaibao,

Esekiel 35:14

Tialima, ena God Genuai Bidi eno te po e obao, eno dage sese tama mu dolama, tama gasa meba kantri we bidigo sulama, tama augwali wiegi yai homu pemene yaibao.

Godigo Nogi Ugwaba Sabo Tęąbi Po Wabo Buku Dabe 65:13

Te sipsip hauwa mu te nosa elalubo pesagede mu pągąnalubao. Te bulu dabe odogo tomode te wit nai mu pągąnalubao. Tama tigidali nai te wiegi yai pemene ebo dao.

Godigo Nogi Ugwaba Sabo Tęąbi Po Wabo Buku Dabe 89:13

Iya, tegoba. Nago bomo genuai mu elalubao. Nago bomo te umabo mu dao.