Aisaia 48:7 - Godigo dwagi yai po buku

⁷ Megi eno te po obaso, te gesi noma nai mu pedelaibao, te polobadu me pedalisiąwai nai dabe. Tama te nai te dagego munu me konesiąwai, tama dagego te tama po me wasiąma, dagego te nai dabe koneai da po me wagobeo.

Aisaia 48:7 Referans Kwoze

Aisaia 48:6

“Te nai dabe te eno polobadu te pedelaibao po wali, te augwali pedalubo dagego sualio. Te megi dagego te tama po waiyąo, ‘Genuai Bidigo mu po wabo da po wao.’ Tialima, megi te eno dageba te gesi noma nai pedelali po obao, te geme dualaluali nai dabe, te nai po eno polobadu me wabeo.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Jopgo Po Asęani Elalubo Buku 32:13

Tiali goli, dagego e tama wagio. Te dwagi yai homu da, God aga digi Jopgo po wei ponomainu olama sula tagalao. Bidigo da, usu egobeo. Te tama wagio.

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.