Aisaia 48:6 - Godigo dwagi yai po buku

⁶ “Te nai dabe te eno polobadu te pedelaibao po wali, te augwali pedalubo dagego sualio. Te megi dagego te tama po waiyąo, ‘Genuai Bidigo mu po wabo da po wao.’ Tialima, megi te eno dageba te gesi noma nai pedelali po obao, te geme dualaluali nai dabe, te nai po eno polobadu me wabeo.

Aisaia 48:6 Referans Kwoze

Kraisgo Geme Dualali Sę Pedelabo Po Jonbolo Ola Mani 4:1

Te bidigo enabolo te po wabo silama, tama eno te gasa na tiwai eyu tama eno suali, dagalude tų me deli dalaluai. Tama te pedauwalidu polobadu eno odali agai po enabolo mayu te genuai yadogoli tiwai naigo te bu wabo tiwai eyu, tama agai te po wali, “Nage edaba holao, tama eno nagebolo te nosali pedalabo sę tigidali ola mawaibao.”

Aisaia 42:9

Dagego suiąo. Te polobadu eno po weyu, te pedelaibao wali nai dabe, megi augwali pedelalio. Te megi eno dagebolo te gasa nosali badu pedelabo nai po walobao, te augwali pedalisiąbadi, te dagego konealumainogo te tiwai po obao,” wali.

Matyu 10:27

Tama te hulide eno dagebolo ola mabo po, te po dagego te giligade we bidibolo pusao. Tama dagego te olode duadigi odali po, te dagego te be daiba holama, te po augwalibolo pusao.

Aisaia 43:19

Dagego te gesi sę eno eboba tonono yao. Te megi pedaludubo sę te dagego sube da, agawe? Te wa pai pesage badu te eno sunumi nigilama, tama eno te ąį dabe tebadu pomainu ilaibao.

1 Korin 2:9

Tiali goli dago te sę dabe po wabo te Godigo po bukude wali po gilama yali, “Te we bidigo gedugo susiąwani nai, tama odogo me odobe, tama bidigo homuba me pedalisiąwai, te nai digi Godigo sisi ilali te we bidi dabe augwaligo aga godolo mu ebo bage augwalibolo momainogo yai.”

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Dwagi Yai Gesi Po Jongo Asęani 15:15

Genuai bidi agai aga sę ebo bidibolo te sę yao po naga wabo dao. Agai te bidibolo te sę yabo po page ola mabo menio. Tiali goli, eno Ayago ena dali wali po tigidali, te po eno dage dali wai dao. Tama tibaso, eno dage sę ebo bidi da wabo nogi naga ma wagobeo, eno dage dali abagi dabe dao wabo.

Jeremaia 50:2

“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.

Aisaia 21:10

Eno we bidi dabe, hobede ya, te boi bidi dabego dage te bidi dabego wit elebo tiwai yalio. Tiali goli, megi da, eno te God Tigidali Bomo Elalubo Bidigo mani po dagebolo pusubao. Aga te Israel dabego God dao.

Godigo Nogi Ugwaba Sabo Tęąbi Po Wabo Buku Dabe 119:13

Nago bomo yai po tigidali dabolo pusa mabo po, eno te we bidi augwaliba te po nedama, tama te po augwa homude dąų omainogo tiaibao.

Godigo Nogi Ugwaba Sabo Tęąbi Po Wabo Buku Dabe 107:43

Tialima, dage te wiegi yai homu elalubo we bidi dagego te sę tigidali bugagia homu kone palao. Tama dagego te Genuai Bidiba po hanilama pusuyu, te sesemane sogo da wei mu ebo da po waiyąo.

Kraisgo Geme Dualali Sę Pedelabo Po Jonbolo Ola Mani 1:19

Tama tibaso, nago te gedugo suali sę po asęąo, te megi pedalobo sę me, te nosali pedalabo sę po me asęąo.

Maika 6:9

Te dago Genuai Bidiba wi homu ebo, te wiegi yai homu kolesaga dao. Genuai Bidigo te Jerusalemba i weyu, te tama po wai, “Dage te taunde bidibo we bidi dabe, dagego odiąo, te dage dene mabo bomo elalubo bidigo wabo po sao,” wai dao.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Aisaia 48:7

Megi eno te po obaso, te gesi noma nai mu pedelaibao, te polobadu me pedalisiąwai nai dabe. Tama te nai te dagego munu me konesiąwai, tama dagego te tama po me wasiąma, dagego te nai dabe koneai da po me wagobeo.

Jeremaia 33:3

Te nago enaba i wao, tama eno nago te gedu haluasa po wabo wei ponaibao. Te geme dualalubo genuai nai dabe, te nago konesiąwani nai dabe po te nagebolo pusaibao.

Aisaia 42:8

“Ena naga ena Genuai Bidi. Genuai Bidi, te eno nogi dao, tama dagego genuai nogi ena deliba naga maiąo. Dagego te tibo god dabego nogi ugwaba me sigio, te bidi dabe augwa digi nigai dao.

Aisaia 42:20

Dagego te nai hauwa sulama, te po hauwa odali, tiali goli, dagego te nai dabe bugagia tonosiąyu, te poba olo bugagia me mubeo,” wali.