Aisaia 48:20 - Godigo dwagi yai po buku

²⁰ Dagego te tǫ kantri Babilon tagalama, tama te bulu we bidi dabede wi soao. Te duga pemene elama, genuai po dągą weyu, te tigidali tǫ habuba po tagala palu, te tiwai po wao, “Genuai Bidigo te aga sę bidi Israel ma dobola salio,” po wao.

Aisaia 48:20 Referans Kwoze

Jeremaia 51:45

“Dage eno we bidi dabe, duga te Babilon tagalama, wi pao. Dage deli deli wi pobaso da, te dage bugagia bidaibao. Ena Genuai Bidigo eno haliga sębę dwai mu te Babilon dabeba ebao, tama tiyu, eno dage augwali dali dolabuo.

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Jeremaia 51:6

Dage Israel me Juda, dage te Babilon tagalama, wi pao. Dage deli deli te wi pobaso da, te dage dologobeo, dage bugagia bidaibao. Tiyu, dage te kantri Babilon dali dolabuo, magi baso meni, megi da, Genuai Bidigo te Babilon aga yali dwai kolesagade dwai dene mabo wei ponobo sogo dao.

Jeremaia 50:8

Genuai Bidigo po ma weyu, te tama po wali, “Dage Israel me Juda, dagego te Babilon tagalama, wi piyąo. Dage poligibu te gasa kalabus bidi dabe tudiba ilao, te omai meme poligibu te gasa meme dabe geanobo tiwai yao.

Kraisgo Geme Dualali Sę Pedelabo Po Jonbolo Ola Mani 18:4

Tama eno odali, gasa pedauwalidu po dagaludu pedalali, tama agai te po wali, “Eno we bidi hani, dage te bulu tagalama buluba soao. Dage aga dali te dwai sę ebode te dene sidali weyu, tama dagego agai ebo dwai dwai sę me egimio. Tama tibaso, te bulu tagalao.

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Aisaia 49:13

Dagalu, nago te wiegi yai homu pemene eyu, i wao. Te tǫ, nage pemene elama, genuai po dągą wao. Dage bulu du dabe, dagego me te pemene ebo balia wao. Magi baso meni, Genuai Bidigo olo mu tau mabo wiegi yai kolesaga aga we bidiba ebo dao. Augwa te sęgę hauwa tolali, tiali goli, megi da, Genuai Bidigo augwaliba wiegi yai sę elama, te augwa haliga dua tamugulama ma bidaibao.

Aisaia 26:1

Te sogo nosali pedalobaso, te Juda tǫde bidalubo we bidi dabego te balia po waibao. Dago hanu mu boma pai mu dao. God aga digi dago bomai obo bidalio. Agai da ma polo oda sai dao, tama tebogo agai da bugagia bagulali, te hanu me deligo bomai obo tiwai yalio.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Jeremaia 51:48

Te ena Genuai Bidi, eno obao, te sogo dagalu dali tǫ sigo te augwalide elalubo tigidali naigo te Babilon tulalubaso, wiegi yai pemene mu yaibao. Te haniani nai dabe dolabo bidi, augwali te not badu bidali tagalama asu, te Babilonba hwįagasaibao,

Jeremaia 50:2

“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Aisaia 52:11

Dage tigidaligo te Babilon tagalama, asiąo. Te bugagia dua dao, tiyu dage te God gedude wiegi yai isąwani naide pania sabuo. Dage te hanigo te pou dis dabe, me pou dabe, te Genuai Bidigo bede nai sela paibao, dagego duga digi te God gedude wiegi yai pedalubo kolesaga wali pao. Dage tigidali te magi meda meni yai bidama, asiąo.

Aisaia 48:6

“Te nai dabe te eno polobadu te pedelaibao po wali, te augwali pedalubo dagego sualio. Te megi dagego te tama po waiyąo, ‘Genuai Bidigo mu po wabo da po wao.’ Tialima, megi te eno dageba te gesi noma nai pedelali po obao, te geme dualaluali nai dabe, te nai po eno polobadu me wabeo.

Godigo Nogi Ugwaba Sabo Tęąbi Po Wabo Buku Dabe 126:1

Te Genuai Bidigo da te Saionba ma odasa asali sogo, dago homugo te dago olo nade ebo tiwai homu yai.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

2 Samuel 7:23

Nago da Israel te Isip dabe nogode kalabus bidibadi ma dobola selama, tama nago da te naga we bidi hani pedalumainu ilali. Tama te gasa we bidi hani te naga we bidi hani bidi da Israel tiwai me bidibawe? Mu menio. Tama nago te tobage wiegi yai genuai sę te da tau siyu, te nago we bidi da te bulu tǫ pedaiba sabolali sogo, te tobage sę dabe yai. Nago te gasa we bidi dabe ela gudulu sela sąnama, tama nago augwaligo tibo god dabe doliyu elama, tama dago augwaligo bulu tǫ sagasali. Tama tialima, te tigidali bulu tǫ pedaide bidali we bidi dabego te nageba genuai nogi mawai dao.

Bomai Po 30:4

Te dage digibulu bulude bidali goli, Genuai Bidi dago Godigo dage ma sisinama, ma odasa asaibao.

Aisaia 12:4

Tama te sogo dagego balia weyu e tama waibao, “Genuai Bidigo nogi wao. Tama agaba i weyu, tama agabolo buba hwi wao. Te tigidali we bidi hani dabebolo pusao, te genuai sę dabe agai yalide. Tama augwalibolo pusao, aga genuai nogi elalubao.

Aisaia 24:14

Tiali goli, te me bidibo dwasianu we bidi hani augwali wiegi yai homu elama, tęąbi po waibao. Te tamu wę sesegede bidalubo we bidi augwaligo te Genuai Bidigo bomode me genuai nogide augwaligo wiegi yai homu elama gana paibao.

Aisaia 42:10

Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Aisaia 44:22

Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Aisaia 51:14

Te kalabuside bidali hani, augwaligo pibia selama, wi ebo bage, augwali te kalabus sęgo me isigobeo. Menio. Te augwali kalabuside polo silama, te augwali olo bidaibao. Te augwa tuabo nai hauwa elalueibao.”

Aisaia 52:10

Genuai Bidigo agai bomo hania ola mayu, te tigidali tǫ kantrigo sumainu yaibao. Dago Godigo te aga we bidi dabe ma saibao, tama te tigidali tǫde we bidigo sueibao.

Aisaia 62:11

Nage Jerusalem, nago te tiwai koneao, Genuai Bidigo te tigidali tǫde we bidiba weyu, nageba te po pusumainogo yali, “Saion, suao. Te nago we bidi dabe ma sabo bidi, aga asobao. Suao. Te agai aga we bidi dabe odasa asu, te aga te boi hwįnama, te wiegi yai nai sali tiwai yali dao,” te po wao.

Jeremaia 31:11

Ena Genuai Bidi, eno augwali te Jekopgo hani dabe ma saibao. Awe, te boi bidi dabego bomogo augwaligo bomo edelai goli, eno augwali te bomai boi bidi dabego nogode ma dobola saibao.

Jeremaia 31:21

“Dage Israel, eno gedude dage te bidi dali pagela pisąwai dwagi yai gesi we tiwai dao. Tama dagego te duga page bulu tagalabo sogo, te dagego wali pabo sunumi bugagia koneao, tede te dąį dabe ilao. Magi baso meni, nosali te dage ma asobo sogo dagego te duga sunumide muani dąį sulama, te sunumi bugagia wali pomainogo tama yao. Dage Israel, megi da, dage te duga taunba ma asao.

Jeremaia 50:28

Te Israel me Juda meba te Babilon taga soyu, te Saionba wi ma asali. Odao! Augwa e tiwai po obao, “Genuai Bidi dena God, agai be dolali hani dabeba te dwai dene wei ponama, mabo dao,” wabo.

Esra 2:1

Te Israel dabe hauwago te Babilon tǫ pedai tagalama, tama Jerusalemba ma pali, tama te gasa Juda pedai badu me pai, tama augwa hanigo page buluba palio. Te Israel dabe te Babilonde sesabi mu elama, bobobage sogo mu bidalio, te king Nebukatnesargo bidali sogo te Juda haniba hwįgi pelama, tama we bidi hauwa kalabus elama, tama augwali te Babilonba sela pai dao.

Sekaraia 2:10

Tama Genuai Bidigo po ma weyu e tama po wali, “Dage Jerusalem we bidi, dage wiegi yai homu pemene eyu, tęąbi po wao. Magi baso meni, ena asobao, tama ena dage tomode bidaibao,” wali.

Sekaraia 10:8

“Te eno ena we bidi dabe augwali tigidali i ola bilama, te augwali sisinaibao. Te eno augwali ma dobola selama, te augwali polobadu bidali tiwai gilama hauwa mu pedelaibao.