Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.
Aisaia 47:8 - Godigo dwagi yai po buku8 “Nage te wiegi yai sogo naga gegelama bidabo homu ebo we, te po odao. Nago homugo nage bugagia bidaiba homu eyu, te dwai sę nageba me pedalugobe da homu elama, te naga digi nago te po wali, ‘Enaduba deligo eno tigidali bomo elalubao, te ena tiwai gasa me meni,’ wali. ‘Te ena te tiwai we, te aga bidi isama, te aga wai puluba me isai, te tiwai me pedalugobeo,’ homu yalio. Gade chapit la |
Aisaia 47:8
36 Referans Kwoze
Genuai Bidigo e tiwai po wali, “Dage Babilon, dagego eno tǫ kantri dolama, te eno we bidi hani augwaligo doado bage sali. Te dage pemene umagi mu yai, te bulmakaugo agai te wit dili ge agaga pabo sogo te nai meba tuyu, aga pemene ebo tiwai yali. Te dagego i wabo dagą genuai weyu, te omai hos dabe gą wabo tiwai yali dao.
“Nago tama homu yali, te naga dwai kolesaga dabego te nage dąų walama, bidaiba homu yai. Tama nago homugo te nago ebo sę te bidi dabego sube da homu yai. Te nago koneani tobage hauwa kolesagago, te nago homu kone tuą palama, te nagaba digi nago te tiwai po wali, ‘Enaduba deligo naga tigidali bomo elaluba,’ homu yali, ‘te ena tiwai gasa me elalubeo,’ wali.
Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.
“Te kingo te mena sę dabe te aga homugo digi yaibao. Aga te hagoma eyu, te aga digi aga nogi ugwaba siyu, e tama po waibao, ‘Eno te tigidali god elalualio,’ te po waibao. Tama agai te tobage posobo po dabe te Ugwadu Bidibo Godigo nogi aiyaba elalu, tama waibao. Agai te tama tobage kolesaga ela pidubadi, te Godigo haliga sębę yaliba usu naibao, magi baso meni, Godigo agai te yaibao homu yali sę tigidali ebo dao.
Nago naga digi naga nogi ugwaba sabo homu elama, tama dagalude Genuai Bidigo nogi aiyaba elaluabo homu yai. Nago te sę bidi dabeba olama, tama augwaligo te nago wąįgo te Godigo bede sela asali kap dabe seselama, tama nage dali, te naga genuai bidi dabe dali, me te nago we mu dabe dali, me te nago si wali hani we dabe dali, dage tigidaligo wain ąį te kapde tuali. Tama dagego te bidi dabego te gol, me silva, me bras, me ain, me ni, me masigi, te tama nai dabego nigali tibo god dabego nogi ugwaba salio. Te god dabego te tonono me bilisąyu, tama po me odisąma, tama te magi sę me konesiąwai. God deligo naga te nago bidibo ula, me nago ebo sę tigidali te tonalubao. Tiali goli, nago agai nogi ugwaba me sabeo.
Tama tialima, te a naga bidi dabego te bulu tagalama, tama augwali pelama, te hanu Laisba sabolali. Augwali pelama suali, te bidi dabe bugagia bidaluali, te Saidon bidi dabe tiwai bugagia bidali. Augwali te dua digi bugagia mu bidali, tama augwaligo te gasa bidiba wado po me wasiąwai. Tama augwaligo hwįabo homu me isiąwai. Augwali te nai me deli me sǫą pabeo. Tama augwaligo te gasa hani bage dali te bisnis sę me isiąwai. Tama augwali te Saidon dabe pąde me bidibeo.
“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.
“Te Sudan dabe augwali bugagia bidiyu, augwaligo homugo magi sę me augwalide pedalogobe homu te ebao. Tiali goli, eno te Isip bulu dolobode, teda eno te bidi dabe Sudanba te geba sipdu pomainu tagala palaibao. Augwali te Nail ąį daide te sipdu pelama, tama augwaligo te we bidibolo eno te Isip dabe dali yali sę po pusaibao. Tama te Sudan dabe augwali noma dwai mu saibao. Te tamadi tama eno te te tama tiaibao,” wali.
Tama eno homugo te megi eno nagebolo wabo po tiwai yao. Nago te sęgę munu ma sigio,” wai. “Nago te doloba pai kolesaga naga yao, tama nago te olo tau sabo wiegi yai homu te magi nai sǫą pabo we bidi dabeba yao. Dago konebeo, te nago te tama tibaso da, teda nage te bugagia bidiyu, tama nago ebo sę tigidali te wiegi yai naga pedalaibao, te nago nade suali sę nageba asogobeo,” Danielgo king bidibolo te po wai.
Piblisite