Aisaia 47:14 - Godigo dwagi yai po buku14 Tiali goli, menio. Augwali te sasia pai nosai tiwai elalubao, te nage dolainu ebo siago te augwali tigidali daibao, te augwa digi augwa tau me sogobeo. Mu tamao, nago homugo nage te isi pąba duagi pelama, sia gogo naiba homu me egobeo. Menio. Te siago nage tigidali daibao. Gade chapit la |
Eno augwaliba boi bidi elama, dwai dene mawaibao. Mu tama, te hasia siago augwali ulusiąwani, tiali goli megi gasa isi dabogo te augwali mu ulaibao. Te eno augwaliba dwai dene mena silama da, tialima nage dali, te Israel nage dali bidibo bage, te dagego te tiwai bugagia koneaibao, ena digi ena Genuai Bidi dao.
Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.
Te po silali, tama moni bomai ensel mobo bidi me deligo te wit ge agaga pelama pęgą sabo moni masigi tiwai sela asai. Tama agai te moni sęgę yai masigi ugwaba selama, tama tamu ąį aba sąwai. Tama agai te po wai, “Te kolesagade naga augwaligo te genuai hanu Babilon selama bomonama aiyaba sąyu, tama bidi dabe augwaligo aga ma suainogo ebo usu egobeo.
Ena Genuai Bidi, eno tigidali bomo elalubao, eno obao, te boi bidi dabe augwaligo te Babilon bagulali obo tai nidigi pali alulama, te deli me elalugobeo. Tama augwaligo te taun tomoba piduali genuai bobobage sunumi isigo ulaibao. E tiwai dao. Tigidali hani we bidigo odolali sę dene yali. Te augwaligo nigali nai tigidali te isigo daibao,” te po wai dao.
Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.