Aisaia 47:1 - Godigo dwagi yai po buku

¹ Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

Aisaia 47:1 Referans Kwoze

Jeremaia 51:33

Tigidali Bomo Elalubo Genuai Bidi, aga Israelgo God, agai e tiwai po wali, “Te boi bidi dabego Babilon agabo te bidigo tubo nai wit agabo tiwai yaibao. Bidigo te tau yali nai togobo tiwai eyu, te boi bidi dabego Babilon togolama, dolaibao. Tama te sę yabo sogo pąba pedelalio,” wali.

Godigo Nogi Ugwaba Sabo Tęąbi Po Wabo Buku Dabe 137:8

Babilon, odao. Te nage dolaibao. Te nago dabolo yali dwai sę wei ponobo bidi da, te bidi aga pemene yagameo.

Jeremaia 50:42

Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.

Jeremaia 46:11

Genuai Bidigo te tama po wali, “Kantri Isip, nago te gesi wegi aga tigide te keni me deli pedelai tiwai elaluai. Nage te Gileat badu pelama, te wiegi yai marasin me deli gegegi pao. Tiali goli, nage te haniani marasin sabo sę dene odolali yaibao. Te marasin me deligo nago keni me deli pedela somainogo ebaso, usu me egobeo.

Aisaia 3:26

Tama augwaligo nago nai tigidali saibao. Nage te we me augwaligo agai ugwa dabe sese sela sąwai tiwai yaibao. Tama aga tǫde habu olo dulalubo tiwai yaibao. Tama te obo sunumi dabego te nai dabe nage tigide pedalobo sulama, tama augwali hobede elama, gela waibao.

Jeremaia 48:18

“Dage te taun Dibon we bidi, dagego te duga genuai nogide homu kone elalubo tagalama, te wa pai tǫde olo bidi bidibo tiwai yao. Magi baso meni, te Moap dolobo sę yabo bidi, te dageba pedelama, te duga bomai obo elalubo hanu dabe dolaibao.

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Godigo Nogi Ugwaba Sabo Tęąbi Po Wabo Buku Dabe 18:27

Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Kraisgo Geme Dualali Sę Pedelabo Po Jonbolo Ola Mani 18:7

Te aga digi aga nogi ugwaba siyu, tama aga tigi naga tau sabo sę yai dao. Tama dagego agabolo dene dali sęgę dali si hauwa mayu, te yali dwai sę usu nama yao. Tama dagego aga gela hauwa omainogo yao. Magi baso meni. Agai aga homude e tama po wabo dao: ‘Ena te tuni we bidibao, tama ena te tuni bidi bidibo saide dulalubo dao. Ena te bidi isai we bidibo tiwai olo bidibeo. Tama tibaso, te sęgę enabolo pedaluyu, te ena gela me wagobeo. Mu menio,’ agai te homu ebo dao.

Esekiel 28:17

Nago homugo tiali, nago gesabidi sawi yai mu dao homu yali, tama nago hagoma mu elama, tama naga nogi ugwaba salio. Nago genuai homu kolesaga elaluali, tama nago homugo te homu kolesagago te genuai nogi sabo dao homu yali. Tiali, te po page delide naga tama eno nage aiyaba te tǫba sąwai dao, te gasa meba king dabego nage sulama, tama augwaligo nage gisugu dwai mu momainogo yali.’

Esekiel 26:16

Tama te tigidali tǫ pedai kantri te tamu ąį pąde bidibo king bidi dabego dagede te pedalubo sę dabe sulama, wi dwai mu eyu, te augwa king sę eyu, te dugulalubo sia sai tagalama, aiyaba duagulu, tama augwa te king sę eyu gudubo sawi yai ugwa dabe pepeda sąnama, tama olo te tǫba duagulama, tama didibili eyu bidaibao.

Te We Bidi Dabego Jerusalem Hagede Gela Wali 4:5

Megi da, te moni bidi dabe me te nai sǫą palio. Polobadu da, augwali nai wiegi wiegi yai nai dabe hauwa elaluai dao. Tiali goli, megi augwali nasi elama, augwali subigila te taun sunumi dabede isila peyu yalio. Polobadu augwaligo nai dabe hauwa mu elaluyu, tama augwaligo wiegi wiegi yai au ebo nai dabe gudiyu yai dao. Tiali goli, augwali megi da, nai mu menia pelama, tama megi da, augwali te dwai pobele bage sabo pesagede nai te gegebao.

Te We Bidi Dabego Jerusalem Hagede Gela Wali 2:21

Te boi bidi dabego augwa moni ge hwągo te gesi wegi ogwa me, monu dabe me, ela silalio. Awe, augwaligo te we sasiąwai gesi bidi dabe dali, te bidigo sasiąwai gesi we dabe dali te ela muani. Tama augwaligo tigi dabe eno sunumi dabede subigila wilalua pabo. Genuai Bidi, nago eno te we bidi dabe dali sębę mu yalio. Tama nago augwali dali hobede me ebeo. Menio. Nago augwali elama, isilai dao.

Te We Bidi Dabego Jerusalem Hagede Gela Wali 2:10

Te Saion monu dabe, augwali olo dali tǫde dulaluyu, tama augwali pedauwali pania selama, bidalubao. Augwaligo augwa tobolude tǫ hogomu munama, tama augwaligo hobede side gudubo ugwa gudama bidibao. Tama te Jerusalemde gesi wegi mane augwali homu sęgę mu elama, tama augwaligo tobolu tǫba basi gulama, elalubao.

Jeremaia 13:18

Genuai Bidigo enabolo te tiwai po wali, “Nage pelama, te king dali, aga idaba me, waligi pao, ‘Dage sigo te duga si dugulalubo sia king tagalao, magi baso meni, te dage sigo kingo gudali madi te olo nai tiwai pedelali, te dage sigo tonalubo tǫ kantri dabe me tonalugio,’ wali.

Aisaia 52:2

Hobede ya, Jerusalem, tiali te nage hogodama, te nago tigide tǫ sela sąyao. Awe, Saion hanu, te nago dogonide kęnani sen peda sąnama, te naga sia kingba duagi soao.

Aisaia 26:5

Genuai Bidigo te we bidi genuai nogi yali we bidigo nogi aiyaba elalubo dao. Tama agai te bomai hanu dabe hųgibo dao. Tama augwali tǫba sese tama tulalubo dao, te tǫ hogomude elalubo dao.

Aisaia 23:12

Agai e tama po wali, “Sawi yai hanu Saidon, nage wiegi yai homu me ma elama, bidigobeo. Magi baso meni. Nage dolama, mu dolama elaluaibao. Tama tibaso, dage hanu Saidon we bidi, dage hogodama, te ailan Saiprusba piąo. Tama tiali goli, tede me dage bugagia me bidigobeo,” wali.

Godigo Nogi Ugwaba Sabo Tęąbi Po Wabo Buku Dabe 89:44

Nago aga elaluama, tama aga te king ma bidibeo, tama agai te we bidi munu ma tonalubeo. Tialima, agai genuai nogi dali, bomo dali si silalio.

Jopgo Po Asęani Elalubo Buku 2:13

Tama tilama, augwali aga dali tǫba duagulali. Augwali aga dali bidibadi, nogo a naga olama, me badu nogo badu si sogo aga dali bidali. Tama augwaligo agade po me wabe, magi baso meni, aga augwaligo suali, agai tigide moni dene mu saibaso.

Jopgo Po Asęani Elalubo Buku 2:8

Tama tibaso, Jop aga moni hanude dwai dwai nai sąbo madi pali, tama aga te isi nogani sisi dulude dulaluali. Tama agai te tǫgo nigali sene me toga pai, te dage me deli selama, tama agai aga te dene ebo keni naga hadu bidali.

Hagai 2:22

‘Eno te haniani tǫ kantrigo king bage augwaligo bomo dolama, tama augwaligo bomo munu ma egobeo. Tama eno te augwaligo te boi hwįbo karis dali, te tede dolalubo ami soldia bidi dabe dali, augwali dolaibao,’ wali. ‘Tama te tigidali te boi hwįbo hos kibu dabe me isaibao,’ wali, ‘tama te kibu hosde dugayali ami soldia bidi dabe, augwaligo augwa hasi te deli sę ebo bage augwa hasi ma elaibao,’ wali.

Jona 3:6

Te Ninive tuni bidigo te Jonago pusagasali po odama, tama aga te dualaluali gasagi yai wiegi yai duabo sai tagalali. Agai te wiegi yai au yali ugwa sela sąnama, tama homu dene ebo gudubo ugwa munama, tama aga te sia keli daide bidalio.

Aisaia 13:1

Godigo Babilon bulu dolabo homu yali, tama te po te nade ebo tiwai agai te po Aisaiabolo walalio, te Amosgo ogwabolo.

Jeremaia 50:1

Genuai Bidigo te kantri Babilonde po elalubao, te Kaldia dabego tǫ kantri, tama agai te po profet Jeremaiabolo mawai. Tama Jeremaiago te tiwai po pusali,

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Aisaia 14:1

Genuai Bidigo aga Israel we bidi hobede ma elama, augwali tau siyu, tama augwali aga we bidi tiwai dąį ma ilaibao. Tama agai augwali augwa tǫba ma odasa paibao. Tama gasa hani we bidi augwali dali bidagaselama, tama augwali te Jekopgo hani dali taluama, augwali Israel we bidi mu pedelaibao.

Aisaia 21:1

Genuai Bidigo Babilon bulu dolaibao wabo po mani. Te genuai sęgę me, dene me, te nai meni yai wa pai bulude pedalaibao, te tǫ te bidi dabe wi elama, pąba pisąma ebo bulude. Agai te polo asaibao, te nai menia pai madi pobegebo wali tiwai bomai wali.

Jeremaia 51:1

Genuai Bidigo e tiwai po wali, “Suao! Eno te bidi hani mebago homu hodolama, te nai hauwa dolomainogo yaibao, augwali te bomai wali tiwai asama, te tǫ kantri Babilon me aga we bidi dabeba hwįaibao.

Jeremaia 51:51

Megi da, dagego e tiwai po obao, “Da hale dwai mu yalio. Magi baso meni. Te bulu tǫ kantri bidi dabe augwali te Genuai Bidigo Tedali Gasagi Yai Mu Be Habu tomoba pai. Te augwaligo dabolo po dwai wali. Tibaso, da hale dwai mu ebao.” Megi dagego te tobage po obao.