Aisaia 46:11 - Godigo dwagi yai po buku

¹¹ Eno te giliga pedalubo badu bidi me deli asao olama, i wali, agai te ba kemodage bola asobo tiwai yaibao, te agai eno yabo homu yali sę yaibao. Eno te sę yao po walio, te eno po wali tiwai gilama te tama pedelaibao. Te eno yaibao olama, dąį ilali sę, eno te sę ebo dao.”

Aisaia 46:11 Referans Kwoze

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Jopgo Po Asęani Elalubo Buku 23:13

“Tiali goli, Godigo homugo magi sę me yainu yali da, tama dego agai homu ma hasegelaibawe? Agai me hasegelegobeo. Tama agai magi sę me yainogo da, teda agai eyu naga ebo dao.

Aisaia 41:2

Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.

Efesus 1:11

Ao, te God agaduba agai te nosali pedalabo sęde homu bugagia konea pelama, tama agai homugo magi sę yainogo ebo sę, te sę tigidali mu pedalobo dao. Tama agai te homu kolesaga wali peyu, tama polobadu agai da Juda dabe sa muai. Tama aga homugo da Juda dabe da aga hani we bidi mu bidimainogo agai da Krais dali wadolali. God agai te sęde hasia mu konea pelama, tama tiwai dao.

Godigo Sęba Tagala Palai Bidigo Po 5:39

Tiali goli, te sę Godigo bomogo ebo sę eyu da, teda dagego te sę aiyaba elalubo usu egobeo. Dagego ‘Te bidigo sę naga dao’ wagi sogo da, teda dage God dali hwį egi da,” te bidi Gamaliel agai te po wai.

Aisaia 38:15

“Te eno magi po wagowe? Genuai Bidigo te ena tau sabo po dąų wali, te megi aga digi te sę dabe mu pedalubao wali. Tama tibaso, enaba te pedelali genuai sęgę te homu kone palaibao, te ena digi ena aiyaba elaluama, te dua digi bidiyu, te ena isibo sogoba usu naibao wali.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Efesus 3:11

Polobadu digi dago Genuai Bidi Krais Jisasgo sęde Godigo te wiegi yai homu kolesaga eyu tama tiaibao homu yai. Tama megi agai te yali homu kolesaga wali pelama te sę yali dao.

Jeremaia 50:45

Eno te tǫ kantri Babilonba yabo sę homu kone palali elalubo, tede elalubo po te bugagia olo muao. Eno te tigidali we bidi me wai puluba dabe sela sąwaibao, te laiongo sipsip tigidali ela munama, te augwa tigi kekasa pabo tiwai yaibao. Te Babilon tǫ digi eno te ebo sęde dwai noma mu saibao.

Aisaia 41:25

“Eno te giliga pedalubo badu bidi me deli hodolali. Te bidigo enaba genuai nogi mobao, tama megi eno te not badu sela aselama, tama agai te king dabe aiyaba elaluama, agayu, te tǫgo sospen sene nigibo bidigo te tǫ agalama, te sospen nigibo tiwai ebao.

Godigo Nogi Ugwaba Sabo Tęąbi Po Wabo Buku Dabe 119:24

Eno sągą geselebo po nago enabolo mabo, te pode eno homu godolo mu ebao. Nago po ena sesemane sogo eno konemainogo ola mabo dao.

Godigo Nogi Ugwaba Sabo Tęąbi Po Wabo Buku Dabe 76:10

Te bidi dabego haliga sębę yali, tiali goli, te tebogo te gasa bidi dabego nago nogi ugwaba somainu ebao. Tama te hwįbode dolisawąni bidi dabego te genuai lotu wabo sogode te nageba lotu waibao.

Godigo Sęba Tagala Palai Bidigo Po 4:28

Polobadu nago bomogo me, nago homugo me, te po wai, ‘Augwaligo nosali te tigidali sę yaibao,’ wai. Tama tibaso, tamadi augwali sisinagaselama, te tigidali sę yali.

Esekiel 39:4

Tama nage me, nage dali asali ami dabe, te haniani kantridu nage dali asali bage me, dage sese tama te Israel dabego bulude bulu dude isaibao. Tama dagego tigi dabe te pepeli dili tǫde olo munalua paibao. Tama te ba kemodage dabe, me bulu hasa dabego dagego tigi dabe tuagasaibao. Te da God Genuai Bidi eno po dao.’ Te po king Godbolo pusao,” wali.

Jeremaia 50:29

Genuai Bidigo Babilon augwa boi bidi dabe e tiwai po walali, “Dage te enesigigo enebo mu koneai bidi dabe, dagego te Babilonba hwįagasao. Dagego te Babilon bugagia odogolama, bagua sao. Dagego te Babilon dabe me deli wi pomainu me elamuo. Te augwaliba dwai dene mayu, dagego ela munama, mu dolao, te augwaligo gasa hani dabe dolali tiwai yao. Magi baso meni, Babilongo te enaba hagoma eyu, te hasamani tigi gagea pabo tiwai mu yali, te Israel dabe augwa Genuai Bidi dao, ena te magi dwai sę munu me isąwai te wiegi yai doloba pai kolesaga ebo God dao.

Aisaia 45:13

Te eno digi eno te king Sairus hodolama, te eno ena sę wiegi yai doloba pai emainu yali. Te eno aga painu ebo sunumi tigidali dodolaibao. Te agai eno taun Jerusalem ma nigimainu yaibao. Te agai eno we bidi dabe kalabuside bidali te olo tagala palama pomainu yaibao. Te sę dabe ebo te bidigo aga me abeligobeo. Menio. Aga olo mu sę yaibao. Ena, te Tigidali Bomo Elalubo Genuai Bidigo, eno te po wai dao.”

Aisaia 44:28

Tama eno te tiwai po wali, ena digi eno te Sairus te Persia bagego king tiwai nigilali, te eno homugo emainu ebo sę tigidali agai emainu homu yali. Agai te po obaso, augwaligo te Jerusalem ma nigaibao, me augwaligo eno be sę yabo sę gagalaibao,” te po wali.

Kraisgo Geme Dualali Sę Pedelabo Po Jonbolo Ola Mani 16:12

Te sę silama, tama te a naga olama me badu nogo deli wali te ensel mobo bidi aga pou te genuai ąį nogi Yufretis te ąįba te gelai. Tama te ąį tigidali wa pela tama te giliga pedalobo badu tuni bidi dabe asabo tų sisilama tonaluai dao.

Aisaia 18:6

Genuai Bidigo te gasa bulu bidi dabego te bulu dolagasomainu elama, tama te bulu ami bidi dabego tigi dabe te tǫde dabe olo munalua paibao. Tama giligade da, te ba kemodage dabego tuagasaibao, ma te kedau ebo sogo da, te bulu hasa dabego tuagasaibao, te tigi pulu dabe.

Aisaia 22:25

Ena Tigidali Bomo Elalubo Genuai Bidi, eno te tama po wali. Tama te sę pedalobo sogo da, te si wali huk hala pelama, tulaluaibao. Tama agade walaluyu, aga sęgę mani hani dolama, tulaluaibao. Ena Genuai Bidi, eno polo wai dao.’”

Aisaia 37:26

“‘Senakerip, nago konebeo, te polobadu digi eno te sę ebode homu kone palama, tama nage te sę emainogo sa muyu dąį ilali. Eno nageba bomo menama, nago te bomai obo elalubo taun dolomainu yai. Te nage peyu, nago te taun dabe alubaso, te augwali degasa pelama, te masigi pesage genuai holama, tama te pobele bage hogomu genuai pesage igulali.

Aisaia 56:9

Te Israel polalubo bidi dabego te we bidi dabe bugagia me tonalusiąbaso, te Genuai Bidigo te po wai, “Asiąo, dage boi bidi dabe. Dage te uni hasa dabe te bulu du buside bidalubo asiąo,” wai. “Dage aselama, te Israel polalubo bidi dabe dolagasao. Te polalubo bidi dabego te tǫ kantri dwai sęgo elalagasainu ebo po te we bidi dabeba wabo sę elalubao. Tiali goli, augwa sę bugagia me ebeo. Menio. Augwali te gedu widai bage tiwai te taun tauade te boi bidi asobo tonalubo tiwai bidali. Tama augwali te pedauwali pania sai yowi tiwai te nai wi sabo bidi asobode gągą wabo usu isąwai bidali. Te augwa tobolude dwasianu kolesaga me elalubeo.

Jeremaia 44:28

Dage bidi deli deli naga te hwįbode me dologobeo, te augwa Isip tagalama, te Juda tǫba ma paibao. Te sogo dage Isipba bidagasali dwasianu Juda hani dabe, te dagego te dego pogo bomo mu elalubo koneaibao, eno pogo, ma dagego po, te sogo koneaibao.’ God Genuai Bidigo te po wai,” wali.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Aisaia 25:1

O Genuai Bidi, nage eno God dao. Tama eno nago nogi ugwaba saio. Magi baso meni. Nago te bidigo isąwai bomai sę dabe mu ebo dao. Da tau sainogo, nago tigidali nai dabe mu usu nani, te polobadu digi nago yaibao po wali gilama.

Jeremaia 50:44

“Te polo tama naga, te eno Babilon dabe augwa tǫde sela sąyu, te laingo sipsip dabede ebo tiwai yaibao. Laion aga te wę Jordan busi tomode bidali tagalama, te sipsip dabe nosai tubo pesageba polo mu pelama, pobeasa bilibo tiwai yaibao. Tama eno te tǫ tonaluabo bidi me deli nigilaibao. Eno te tama tebo sogo, mena bidigo ena dali konila po waibawe? Te dego eno bomo tiwai elalubawe? Te mena tobolu bidigo ena dali boi bidi yaibawe?