Aisaia 45:5 - Godigo dwagi yai po buku

⁵ “‘Enaduba deli naga ena Genuai Bidi da, te gasa god me bidibeo. Sairus, nago ena konesiąwai, tiali goli te eno naga te bomo nageba mabo dao.

Aisaia 45:5 Referans Kwoze

Aisaia 46:9

Tama dagego eno te polobadu mu yali sę homu kone palao, magi baso meni, enaduba deli naga ena te God, te gasa god me bidibeo. Ena naga ena God, te ena tiwai god me bidibeo.

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Joel 2:27

Tialima, dage Israel, te ena dage dali bidibo te dagego koneaibao, te ena Genuai Bidi, ena naga ena duga God dao. Te gasa hani we bidi dabego te eno we bidi dageba te hale ilabo sę me emainu munu me ma egobeo,” wai.

Te Israel me Juda Hani Sigo Tuni Bidigo Po Elalubo Buku Deli 8:60

Tama tialima, te tigidali bulu tǫ pedai badu te tigidali bidi hanigo te tiwai konemainu yaibao, te Genuai Bidi deli naga te God tama, te gasa god me meni da homu emainao.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

Jopgo Po Asęani Elalubo Buku 12:21

Agai tobolu bidi dabego nogi aiyaba ilama, tama augwali nai meni yai bidi gagalobo dao. Tama agai bomai bidi dabego bomo me silibo dao.

Godigo Nogi Ugwaba Sabo Tęąbi Po Wabo Buku Dabe 18:39

Naga digi nago ena te boi bidi dabe dali hwįbo bomo dąų walai. Naga digi nago ena tau selama, tama eno augwali aiyaba elaluai.

Bomai Po 4:39

Tama tialima, dagego te tiali sę gegeda pelamuo. Genuai Bidi aga te dagalude me tǫde God dao. Tama te gasa God me menio. Mu menio.

Godigo Nogi Ugwaba Sabo Tęąbi Po Wabo Buku Dabe 18:32

Agai naga ena dąų walama, tama ena bilibo sogode te bugagia tonalubo dao.

Dwagi Yai Gesi Po Jongo Asęani 1:1

Polobadu polobadu mu, te tigidali nai pedalisiąma, meni yai digi, Po bolo bidai. Po God dali bidai. Tama te Po aga digi God dao.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Aisaia 22:21

Tama eno te nago te tuni bidigo ofisa bidigo gudubo wiegi yai ugwa me kibu wali selama, te Eliakim gudulaibao. Tama agai nago megi ebo sę saibao. Tama agai te Jerusalem we bidi, me te Juda we bidi, tigidali tonaluaibao. Tama aga augwaligo aya tiwai bidaibao.

Jopgo Po Asęani Elalubo Buku 12:18

Tama agai te tuni bidi king dabe augwa sęde sela sąbo dao, tama tuni bidigo ugwa ma gudubo menio. Augwali olo name ugwa gudubo dao, te olo sę bidi dabego gudubo gilama.

Ma Dobola Sali 9:14

Tama nago te we bidi tagala palisiąbaso da, megi eno nagebolo dali, te nago sę ebo tobolu bidi dabe me, te nago we bidi dali, dageba te dene ilibo sę dabe mu mawaibao. Tama dagego te tigidali tǫ habu badu te bidi me deli, me te tibo god te ena tiwai me bidibo meni, te megi dagego mu bugagia konea saibao. Ena te God mu dao.

Godigo Nogi Ugwaba Sabo Tęąbi Po Wabo Buku Dabe 18:31

Genuai Bidi naga te God mu da. Agaduba deli naga te dago boma pai obo dao.

Aisaia 43:10

“Tialima, dage Israel, dage te eno po odolama, pusubo bage dao. Eno dage sa muyu, dąį ilama, te ena sę bidi bidimainu yalio. Tama tiyu da, te dagego ena koneama, enaba homu dąų weyu, tama te tiwai dagego bugagia koneyu, te ena deli naga te God mu da omainu ebao. Polobadu te god me deli me pedalisiąma, te aga polasa bidiyu, te ena nosali badu me elalubeo. Tama nosali me, te god me deligo ena bidali pesage me hasegelegobeo.

Aisaia 45:1

Genuai Bidigo te tiwai po wali, “Eno te Sairus sa munama, te Persia bulu tǫ kantri king pedalumainu yali, te agabolo eno te gasa bulu tǫ kantri dabe aiyaba elaluama, te gasa kingo bomo dabe silimainu yabo bomo mawai. Ena digi eno te taun obo sunumi dala palama, te Sairus tomoba pelama, te taun somainu elali. Te Sairusbolo eno te tiwai po wai dao,

Aisaia 45:6

Eno tama tibaso, te tigidali tǫ habu pedai we bidigo te tiwai konemainu yali, ena deli naga ena Genuai Bidi, te gasa god munu me bidibeo.

Aisaia 47:8

“Nage te wiegi yai sogo naga gegelama bidabo homu ebo we, te po odao. Nago homugo nage bugagia bidaiba homu eyu, te dwai sę nageba me pedalugobe da homu elama, te naga digi nago te po wali, ‘Enaduba deligo eno tigidali bomo elalubao, te ena tiwai gasa me meni,’ wali. ‘Te ena te tiwai we, te aga bidi isama, te aga wai puluba me isai, te tiwai me pedalugobeo,’ homu yalio.

Esekiel 30:24

Tama tialima, eno Babilon king bidigo nogo si bomo ilama, tama ena bainat hwą te agai nogoba muaibao. Tiali goli, eno Isip king bidigo nogo si tama togwa sąwaibao, tama aga genuai dene mu saibao. Tama Babilon king bidigo gedude aga hwąwa dwai mu waibao, te bidi me isainogo wabo tiwai yaibao.

Godigo Nogi Ugwaba Sabo Tęąbi Po Wabo Buku Dabe 18:33

Agai ena te bulu uni kibu hasa bugagia bilimainu ebo tiwai eyu, tama ena te bulu du dabede bidibo sogo agai ena tau sabo dao, tama ena tulalu me ebo meni.

Godigo Nogi Ugwaba Sabo Tęąbi Po Wabo Buku Dabe 86:10

Magi baso meni, nago naga te genuai bomo elaluyu, tama nago te we bidigo isiąbo genuai sę dabe ebo dao. Tama nago naga te haniani wiegi wiegi yai sę ebo dao. Nagaduba deli naga, nage God mu dao.

Aisaia 37:20

Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.