Aisaia 45:4 - Godigo dwagi yai po buku

⁴ Te eno sę bidi Israel hani tau sagasao po olama, eno nage i wali, te Jekopgo hani we bidi te ena digi sa muani. Mu tama, nago ena konesiąwai, tiali goli eno nage nogi olama, te genuai nogi nageba mawai dao.’”

Aisaia 45:4 Referans Kwoze

Polgo Po Pas Rom Dabeba Asęani 11:7

Tama tibaso dago te Israel dabede magi po waibawe? Te Israel dabe augwaligo te Godigo augwali doloba pai we bidi nogi poabo tų suainogo te sę dene yali goli, te tų augwaligo me susiąwai. Te Godigo meba we bidi naga dią selama, tama augwaligo te tų suali. Tama gasa bage, te augwaligo Godigo po odobo hagela eyu, tama augwa olo dąų wali.

Godigo Sęba Tagala Palai Bidigo Po 17:23

Tama ena e be nani tomode bilibadi, eno te dagego umabo godibolo lotu wabo pesage dabe suali. Tama eno dagego te god me delibolo hasa dabe ula mabo pesage me deli sualio. Dagego te hasa dabe ula mabo pesage masigide te po asęani, ‘Te nai dago konesiąwai godigo nai dao.’ Tialima, dagego konesiąwai god, dagego te godibolo lotu po wabo da. Tiali goli, te god de dawe te dagego konebeo. Te god eno megi dagebolo e po pusa mabogo aga dagebolo waselaibao,” wali.

Aisaia 44:1

Genuai Bidigo te po wali, “Awe, eno dage dolomainu yaibao. Tiali goli, dage Israel dabe, dage Jekopgo hani, dagego odiąo. Ena digi eno dage dąį ilama, te dage eno sę bidi bidibao.

Polgo Po Pas Rom Dabeba Asęani 9:6

Te eno hani Juda bage augwali hauwago Krais tudiba muai goli, te Godigo polobadu dąų wali po te olo hagabo tiwai me egobeo. Menio. E tiwai dao, te Jekop aga nogi me Israel, te bidi aga hanide pedalali bidi augwali tigidali te Godigo hagea sali Israel dabe mu me ebo meni.

Dwagi Yai Gesi Po Makgo Asęani 13:20

Tama Genuai Bidigo te sogo bodolu te hagana selama, pęwadage iligi menigi da, teda te tigidali we bidi hagagi dao. Tiali goli agai te sa muyu dąį ilali we bidi augwalide homu kone palama elaluali. Tama tibaso agai te bodolu sogo pęwadage sogo ilama elalubo dao.”

Matyu 24:22

Tama Godigo te genuai sęgę elalubo sogo togogi menigi da, teda te tigidali we bidi mu doligi dao. Tiali goli God aga te sa muani we bidi augwalide homu konealua. Tama tiyu, augwali tobade agai te sogo togwaibao” wali.

Aisaia 44:28

Tama eno te tiwai po wali, ena digi eno te Sairus te Persia bagego king tiwai nigilali, te eno homugo emainu ebo sę tigidali agai emainu homu yali. Agai te po obaso, augwaligo te Jerusalem ma nigaibao, me augwaligo eno be sę yabo sę gagalaibao,” te po wali.

Aisaia 43:14

Genuai Bidi, aga te dage Israel Dabego te Wiegi Yai Doloba Pai Kolesaga Naga Mu Ebo God, te aga dage ugwaba sagoalu, te dage ma dobola sabo bidi, agai te po wali, “Te eno we bidi dabe dage tobade eno te ami bidi dabe te Babilonba hwįagasomainu tagala palaibao. Te Babilon dabe tigidali augwa te wiegi yai homu pemene ebo te sip dabe daiba holama, te augwa bidali bulu pesage tagalama, wi paibao.

1 Tesalonaika 4:5

Tama we sabo sę te tiwai eyu, tama dagego te God konesiąwai bidi hanigo ebo kolesaga tiwai egimio. Te God konesiąma, augwali augwa dwai sę yabo homu kolesaga wali peyu, te bomogo, te we sabo dao.

Efesus 2:12

Tama polobadu dage te tiwai bidibadi, te dagego Krais aga de dawe, te dagego konebeo. Dage te Israel bidi hani bulu badu bidaluai, te dage God agai hagea sai we bidi hani meni. Te God agai te da Israel we bidi dali dwagi yai sę nosali yabo po olama, tama dabolo polobadu mu pusai dao. Tama te pogo bomo te Godigo dena wąįbolo mu dąų wali po te dao. Tiali goli Godigo dage Israel hani isiąwai we bidi dali te tobage tau sabo dąų wali po wabeo. Tama dage tǫde bidibadi dage dwagi yai homu eyu, te Godigo dage dali wiegi yai sę yabo sogo tonaluai menio. Tama dagego God konesiąwai bidai dao.

Godigo Nogi Ugwaba Sabo Tęąbi Po Wabo Buku Dabe 136:22

Agai te tǫ te Israel dabeba mawai, te aga sę bidi dabeba mawai dao. Agai te bidada pabo sogo sesemane te da wei mu ebo dao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.