Aisaia 45:3 - Godigo dwagi yai po buku

³ Eno te mone nageba mayu, te hani dabego te bidigo susąyabo pesagede dualali wiegi yai dila pai nai dabe te nageba mawaibao. Tama tialima, te nago koneaibao, ena naga Genuai Bidi da waibao. Te nago koneyu, te Israelgo Godigo naga te nago nogi olama, te nage i wabo da homu koneaibao.

Aisaia 45:3 Referans Kwoze

Aisaia 48:15

Menio. Ena deligo naga eno dageba weyu, te bidi asaibao po wali. Ena digi eno aga asao olama, i wali. Te eno aga odasa aselama, te agai te boi bidi dabe aiyaba elalumainogo yai dao,” wali.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Ma Dobola Sali 33:12

Mosesgo e tiwai po Genuai Bidibolo wai, “Nago enabolo te e we bidi augwali te augwa tǫba odasa pao, te po wai. Tiali goli, nago enabolo te mena bidigo ena tau somainu yabo bidi te ena dali me pao wabo po, te nago me wabeo. Tama nago te po wai, ‘Eno nage bugagia koneani, tama nage eno godolo ebo da,’ wai.

Ma Dobola Sali 33:17

Tialima, Genuai Bidigo Mosesbolo te po wai, “Eno te nago wali po selama, te sę yaibao. Magi baso meni, eno nage godolo eyu, tama eno nage bugagia koneai dao.”

Jeremaia 50:37

Te Babilongo hos me kekebo karis dabe te dolomainao. Te gasa hani ami bidi dabego te Babilon tau sali, te ami tigidali dolaibao. Augwali te we dabe tiwai elama, bomo meni yaibao. Te Babilongo wiegi wiegi yai doado bage tigidali dolao. Te boi bidi dabego sagaselama, sela paibao.

Jeremaia 51:53

“Babilon te dagaluba ugwanu dąį mu igulama, te boi hwįbo bomai pesage nigali da, tagalao, eno te nai dabe dolabo bidi augwali tagala palama, te augwaligo aga doligi dao. Ena Genuai Bidi, eno te po wai dao,” wali.

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Jeremaia 41:8

Tialima, te genuai hanide nogo si bidigo Ismaelbolo te tiwai po wali, “Nago da me ela mugio. Dago nage nai hauwa mawaibao, te kala bulu du pesagede geme dualama elalubao. Dago te nai wit, me rais bali, me oliv wel, me pusu nai hani me elalubao,” wali. Ismaelgo augwaligo po odama, agai te nogo si bidi me ela mubeo.

Aisaia 41:23

Tama te nai dabe pedalubo sogo, te dago koneyu, te dage god mu da te homu yaibao. Dagego te da wi yabo sę me deli iyąo te wiegi yai nai, ma dwai nai, te sę yao. Tama tialima, te dago dagego bomo sueibao.

Jeremaia 50:26

Dage tigidali pedai badu bidibo boi bidi dabe, dagego te Babilonba hwįagasiąo. Dagego te wit nai mubo be dabe tigidali aluao. Tama te Babilongo nai doado bage tigidali selama, te bidigo wit dabe pesage du holobo tiwai gilama yao. Tama te nai dabe dagego mu dolao. Dagego te bidi deli me elalumainogo me sula tagalamu dao.

Jeremaia 51:13

Babilon, te nago tǫ kantride te ąį hauwa me wiegi wiegi yai nai hauwa elalubao. Tialima, nage dolabo sogo te pąba yagasalio. Nage bidibo ula te ugwa hobolobo hobi tiwai elaluali, te megi da, augwaligo togwainogo ebo dao.

Tuni Bidi Dabego Po Elalubo Buku Si 6:17

Tama tialima Genuai Bidi, Israel dabego God, eno homugo nago naga sę bidi Devit dali wali te po usuna homu ebao.”