Aisaia 45:21 - Godigo dwagi yai po buku21 Dage tigidali we bidi, dage aselama, dagego po te po tųba pusagasao. Dagego duga haside digi hanalu, te gega suyu bolo yao, mena god mugo te polobadu mu po wali sę po te megi tama pedalubo dawe? Ena Genuai Bidi, ena deligo naga eno te nai dabe pedelaiba po pusali. Tama suao. Te gasa god munu me bidibeo. Ena te doloba pai kolesaga naga ebo God, eno te ena we bidi dabe ma dobola sabo God da, enaduba deli naga ena bidibo dao.” Gade chapit la |
Aisaia 45:21
33 Referans Kwoze
Te gasa bulu tǫ kantri we bidi dabe te po tų yabo pesageba sisingasalio. Te augwaligo mena godigo te mena sę nosali pedelaibao wabo po hania pusaliwe? Te augwaligo mena godigo polobadu po weyu, te pedelaibao wali nai megi pedalubowe? Te augwaligo ebo sę suali mena bidi hani dolugulama, te tiwai po weyu, agai te god me deligo te nai me pedelaibao po wali, tama nosali agai suali, te wali sę mu pedalubo dawe?”
God, duga Genuai Bidi, aga dage dali bidibao. Agai bomogo dage tau selama, tama dagego te boide dagego tobolu ela holali dao. Genuai Bidi aga dagede wiegi yai homu pemene elama, tama balia po waibao, te we bidigo lotu wabo genuai sogo ebo tiwai yaibao. Agai dage godolo mu ebao, tama agai po deli me wagobeo,” augwaligo te tobage po waibao.
“Dage tigidali, dage sisinagaselama, eno po odao. Te tibo god me deligo dageba te tiwai po me pusai menio, ‘Te Genuai Bidigo godolo homu mu ebo bidi te aselama, te Genuai Bidigo sę yagasu, te Babilonba hwįaibao. Te aga bomogo digi, Genuai Bidigo te Babilon dabe aiyaba elaluaibao,’ te tibo god me deligo te po wabe.
Genuai Bidigo te po wai, “Te Isip tǫ kantrigo mone doado bage tigidali, me te tǫ kantri Sudango doado bage tigidali me, te dage Israelgo saibao. Te boi bidi dabego te tǫ kantri Seba bobobage bidi dabe te kalabus ilama, te augwali dageba tagala palaibao. Tama augwaligo nogo te sen dabego dunama, augwali dage wali asu, te augwali dagego olo sę ebo bidi dabe pedelaibao. Te augwaligo dageba kidu sugunama, tama wi eyu, te tiwai po waibao, ‘Mu tamao, God dage dali bidibao,’ waibao. ‘Aga deli naga te God mu, te gasa god me bidibeo,’ waibao.
Magi baso meni, ena Genuai Bidi, ena te Israel dabe duga God, te eno dage tau saibao. Ena te Wiegi Yai Doloba Pai Kolesaga Ebo God dao, eno naga eno dage ma dobola sobao. Dage te boi bidi dabego nogode bidibo sogo, eno te Isip dabe, me Sudan dabe, me Seba dabe menama, dobu si eyu, dage Israel bage ma saibao.
Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.
Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.
“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”
Tiali goli, Genuai Bidi Jerusalemde me bididuali. Agai doloba pai kolesaga naga ebo dao. Te agai dolo isąwai kolesaga da agai me ebo menio. Mu menio. Te tigidali sogo bubugade agai te we bidi dabe dali doloba pai po tų naga ebo dao. Agai te sę tagalobo menio. Tiali goli, te taunde bidibo dwai bidi dabego te dolo meni yai kolesaga naga ebo dao. Tama augwali tede hale dwasianu me ebeo. Mu menio.
Te alta de masigi pos si te we bidigo Tigidali Bomo Elalubo Genuai Bidi sulama, homugo konebo te dąį tiwai elaluaibao. Tama te boi bidi dabego augwali dolainu asobaso da, teda augwaligo Genuai Bidiba i olama, tama Genuai Bidigo augwali tau somainu bidi me augwaliba taga palaibao, te augwali tau selama, augwali ma somainu.
Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.
Piblisite