Aisaia 45:2 - Godigo dwagi yai po buku

² ‘Te nage pabodu ena polasa peyu, te bulu du pesage dabe me alula tagalama, te doloba pai pesage nigilaibao. Eno augwaligo te brasgo nigai genuai hanu sunumi aluama, te boma pai ba aingo te dąų walali sunumi te me aluama, dala sąwaibao.

Aisaia 45:2 Referans Kwoze

Aisaia 40:4

Te tǫ odogo igulali pesage tigidali pągąniyu, te bulu du tigidali pebela aiyaba tulao. Te dolo si elalusiąwani pesage te dolo si elama, te du du yali pesage te malu tǫ naga pedelaibao.

Dwagi Yai Gesi Po Lukgo Asęani 3:5

Tigidali odogo dabe mu pągąnao. Tigidali bobiabi dabe du dabe kigila palao. Gagila bilai tų dabe me dolo ma dodolao.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Godigo Nogi Ugwaba Sabo Tęąbi Po Wabo Buku Dabe 107:16

Agai augwaligo te brasgo nigali sunumi dabe aluali, tama te kalabus be bagulali obo ain ba aluama, togogo pai dao.

Jeremaia 51:30

Te Babilon ami dabe augwaligo te boi hwįbo tagalama, te hwįbo bomai be tomode bidibao. Tama augwali te we dabe sibi tiwai pedelama, te augwaligo bomo menia sai. Te boi bidi augwaligo te Babilon be dabe isigo ulama, te aga bomai sunumi dabe elaluali, te aluama besela sai dao.

Godigo Sęba Tagala Palai Bidigo Po 1:15

Te nosali si sela sogo silibaso, tama te sogo te Jisasde homu dąų wai we bidi dabe deliba sisinagasali. Bidi sese me sela me sela 120 tama bidi sisinagasali. Tama Pita doligulama, te we bidibolo po me wai.

Aisaia 14:31

“Dage te genuai Filistia dabego hanu, me dage te hanu dabede bidibo we bidi, dage sese wi dwai mu elama, gela dwai olama, i bomona waiąo. Magi baso meni. Te ami hani me deli te not badu asobao. Tama augwali nosali badu hano holobao. Te ami bidi dabe augwali tigidali hwįbode boma pai bidi dabe mu da weyu, tama augwali deli me nosali me dua dua asobeo.”

Aisaia 24:12

Genuai hanu sese mu tama dolali, tama agai genuai obo sunumi tulaluama, tama pebeda pali.

Aisaia 45:13

Te eno digi eno te king Sairus hodolama, te eno ena sę wiegi yai doloba pai emainu yali. Te eno aga painu ebo sunumi tigidali dodolaibao. Te agai eno taun Jerusalem ma nigimainu yaibao. Te agai eno we bidi dabe kalabuside bidali te olo tagala palama pomainu yaibao. Te sę dabe ebo te bidigo aga me abeligobeo. Menio. Aga olo mu sę yaibao. Ena, te Tigidali Bomo Elalubo Genuai Bidigo, eno te po wai dao.”

Aisaia 48:15

Menio. Ena deligo naga eno dageba weyu, te bidi asaibao po wali. Ena digi eno aga asao olama, i wali. Te eno aga odasa aselama, te agai te boi bidi dabe aiyaba elalumainogo yai dao,” wali.

Jeremaia 28:13

“Nage pelama, te po Hananiabolo pusugi pao, ‘Genuai Bidigo te tiwai po walio, “Nago te augwaligo ni nami pedaigo nigali ni nami alua sąwani. Tiali goli, te tobage nai augwaligo aingo nigilama, te nago aluali ni nami hasegelama, elalueibao.

Jeremaia 51:58

Ena Genuai Bidi, eno tigidali bomo elalubao, eno obao, te boi bidi dabe augwaligo te Babilon bagulali obo tai nidigi pali alulama, te deli me elalugobeo. Tama augwaligo te taun tomoba piduali genuai bobobage sunumi isigo ulaibao. E tiwai dao. Tigidali hani we bidigo odolali sę dene yali. Te augwaligo nigali nai tigidali te isigo daibao,” te po wai dao.

Daniel 5:28

Tama te ‘Pedao’ wali po page, te tiwai, Godigo te nago tonaluali tǫ kantri pedelama, tama me badu te Midia dabeba doba yali, te me badu Persiaba doba yalio,” Danielgo te po wali.

Nahum 3:13

Dagego ami bidi dabe te we dabe tiwai naga dao, tialima te mena ami bidi me deligo bomonama te boi bidi dali hwįnama, te augwali me sela sągobeo. Te siago te dagego taun bomai sunumi dabe nigali te bomai bǫ nami dabe daibao wai.

Aisaia 13:2

Genuai Bidigo e tama po wali, “Dagego te ni meni yai bulu dude te plak me dodolao. Tama te ami bidi dabego sulama, sisinagasomainao. Teba augwali polo asomainu i wao. Nogo tų elama, te Babilon hanugo sunumi magi yao. Tama augwali te hwįgi pomainu taga palao.

Daniel 8:4

Eno suali, te omai sipsipgo tobolu gąų aiyaba basi gulama, tama udulama peyu, te agai gąų komgo hudula palu ela palio. Aga te giliga degasa dulubo badu pali, tama te not badu me, saut badu me palio. Te niwai hasa me deligo aga paliabo usu me isąwai, tama te me deli agade wi painu ebo usu meni yai. Aga te sę dabe te aga homugo digi eyu, tama te boma pai mu pedelali.