Aisaia 45:19 - Godigo dwagi yai po buku

¹⁹ Ena geme dualalu, digibulu me bidibeo, ena te be hulia sai pesagede, digibulu geme me dualalu, te eno po pusubeo. Te eno ena we bidi dabe, te Israel dabeba, te tiwai po weyu, ‘Dagego ena te olo bulu pesagede gegebo sę odolali yao,’ wabeo. Menio. Ena Genuai Bidi, eno te mu po naga pusubo dao, te eno po tigidali dolo wabo dao,” wali.

Aisaia 45:19 Referans Kwoze

Aisaia 48:16

“Megi da, dage ena pąba aselama, eno po odiąo. Polobadu digi gagalasa asali, megi sogoba usu nagasu, ena te sesąwai pesagede geme dualalu, augwaliba te nai pedelaibao po pusubeo. Menio. Te sę dabe pedalisiąbadi, eno te tonalu, te sę mena tama pedelabo te eno digi dodolobo sę yali,” te po wali. God Genuai Bidigo aga bomo yai mobo bidi dali ena tagala palai dao.

Amos 5:4

Te Genuai Bidigo Israel dabeba te tiwai po obao, “Dage isidali weyu, tama bidimainogo eyu, dage enaba geasa asiąo.

Dwagi Yai Gesi Po Jongo Asęani 18:20

Jisasgo aga dali po wei ponoyu, tama po wai, “Eno we bidibolo mani te po eno bulu ulade hania wai dao. Eno te we bidibolo po ola mabo sę eyu, tama te bomo yai po ola mabo be tomode te sę eno yali, ma te Moni Lotu Be tempel, tede me eno te sę yai dao. Te be dabede te Juda bage sisinibo bulude eno augwalibolo eno po hania ola mawai dao. Tama eno po geme dualama bulu tomode me wabeo.

Bugagia Bidibo Kolesagade Po Asęai Buku 30:5

“Godigo po te mu po naga dao. Te agai yaibao po wali sę tigidali, te mu pedelai. Tama agaba pabo bidi tigidali te agai bugagia obo elaluyu, te hwįbo sogo te ami bidi te sabelego bugagia tigi bea sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 9:10

God, te nageba asobo we bidi te nago augwali tudiba munu me mugobeo. Tama tibaso, te nage koneani bidi dabego da, te nageba konealubo homu dąų mu wabo dao.

Jems 4:3

Tama me sogo dagego Godibolo te nai sainogo po hanalu obadi digi, dagego te nai sabe dao. Magi baso menio. Geda muyu, dagego homu dolo pisiąwai, dwai sę emainogo, duga tigi tobade, duga haliga tobade naga te nai sai hagede te dagego homu dąų ola sabo nai sainu te dagego God te naide hanalu wabo dao. Tiali goli agai dagebolo mabe.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Godigo Nogi Ugwaba Sabo Tęąbi Po Wabo Buku Dabe 69:32

Te sęgę tolali we bidi dabe augwaligo te sulama, tama wiegi yai pemene yaibao. Tama te Godiba lotu wabo we bidi dabe, augwaligo te bomo ma saibao.

Aisaia 8:19

Te we bidi dabego dagebolo te isai bidi dabego noma dali po wabo we bidiba pao po waibao, tama augwaligo homu kolesaga sigi pao po waibao. Te isai bidi dabego noma dali po wabo bagego augwaligo pedauwalidu pomu po weyu, keledude haniani dwasianu po waibao. Tiali goli, te isai we bidi dabego te bidibo we bidi dabe homu kolesaga mabo usu egobeo. Te tama tiali goli, magi baso mu augwali te isai we bidiba udalama, tama augwalide te kolesaga sabo dawe? Augwali augwa Godiba pomainao.

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

Godigo Nogi Ugwaba Sabo Tęąbi Po Wabo Buku Dabe 69:13

Tiali digi tagalao, eno te nage Genuai Bidiba gedu haluasa po waibao. God, te me sogo deli nago digi te sa muani sogo, nago te eno gedu haluasa po wali wei ponao. Nago tama tiaibao, te magi baso meni, nago te ena godolo mu elama, tama nago ena ma sabo po dąų walali, tama nago tibo po me wagobeo. Mu menio.

Tuni Bidi Dabego Po Elalubo Buku Deli 28:8

Tama Devitgo te we bidi augwaliba te tiwai po ma walio, “Tialima te dena Godigo gedude me, te dage tigidali Israelgo gedude, dage te Genuai Bidigo we bidi dabe, eno te tiwai po dolo mu dagebolo obao. Dagego te bomai po tigidali bugagia wali pao, aga te God, dago Genuai Bidigo dabolo manio. Dagego te tiwai ebaso da, teda dage te wiegi yai tǫde bidaibao, tama te tǫ te dagego tǫ mu elalueibao. Te nosali dagego hanigo wai dabego me te tǫde sesemane bidada pidu, bidada paibao,” te po wai dao.

Dwagi Yai Gesi Po Jongo Asęani 7:28

Tama Jisas agai te Moni Lotu Be tempel tomode te we bidi agai po ola mobadi, agai i bomo elama weyu, te po wai, “Ao, dagego ena koneai dao, eno page bulu be dagego koneai dao. Tiali digi, ena homugo digi ena me asobeo. Ayago ena tagala palobaso, ena asai dao. Agai kolesaga te mu tama dao. Dagego aga me konebeo.

Dwagi Yai Gesi Po Jongo Asęani 7:26

Suao. Agai po bidi gabidide te wabao. Tialima, augwaligo Jisas dali po me wabeo. Dago tobolu bidi dabe augwaligo me e homu ebawe, ‘Te bidi Jisas da te Krais da, te sa muyu asaiba wali bidi,’ augwaligo te homu ebawe?

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Aisaia 45:23

Ena Genuai Bidi, ena nogide digi daide ugwadu mu po obao, te eno pedauwalide wali po te me hasegelegobeo. Eno te tama po wali, te tǫde tigidali we bidi enaba aselama, te enaba kidu sugunagasaibao, te augwali tigidaligo ena dologode naga bidabo po dąų waibao, te po wai.

Bugagia Bidibo Kolesagade Po Asęai Buku 1:21

Tama me aga te bidi sisinibo pesage te taunba pabo genuai obo bagulali sunumi pąde doligi pelama me, tama te tigidali pesage te we bidi hauwa bidalubo madi doligi pelama, tama agai te tiwai i wabo,

Godigo Nogi Ugwaba Sabo Tęąbi Po Wabo Buku Dabe 24:6

Tiwai bidigo God subo dao. Aga te Jekopgo God pąba pabo dao.

Godigo Nogi Ugwaba Sabo Tęąbi Po Wabo Buku Dabe 12:6

Godigo dąų walali po te mu po naga dao. Agai po te wiegi yai mu, te wiegi yai kapa silva tiwai dao, tama te silva augwaligo te a naga olama, nogo me badu si, te tama sogo siaba ulama, te dwasianu meda mu meni yai tiwai mu dao.

Esra 8:22

Eno te tama po augwaliba wai, magi baso meni, eno te kingba hanalu obaso, te tǫdu asobo ami bidi dabe me te hosdu dualasa asobo ami bidi dabe, te da dali asiyu, te da sunumidu asobadi, te tonalua asidali weyu te eno kingba hanalubo te ena hagela ebao wali. Te ena king dali bidali sogo, eno agabolo te tiwai po walali, “Dago Godigo te aga wali pabo we bidi tigidali te bugagia tonalubo dao,” wali. “Tiali goli, agai te aga tudiba mubo we bidi tigidaliba te haliga sębę eyu, tama agai dwai dene te augwaliba mawaibao.” Eno te tama po kingba wali, tama eno agaba te ami hani dabe po hanalubo te ena hale yali.

Tuni Bidi Dabego Po Elalubo Buku Si 15:2

Tama king Asa te Jerusalemba ma asobadi, te Asaria aga tiąba pelama, tama agabolo e tama po wali, “King Asa, me tigidali Juda dabe, me tigidali Benjamin hani, dagego odiąo. Tialima dage Genuai Bidi dali pąde mu bidiyu da, teda aga dage dali pąde mu bidaibao. Ma, dagego aga gegebo sę iyu da, teda dage aga pąba mu asobo usu yaibao. Tiali goli, dagego aga tudi ola mayu da, teda agai dage tudi ola mawaibao.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Bomai Po 29:29

Tama Mosesgo po geninama ma weyu, te po wali, “Te Genuai Bidi dago God agai dabolo hanilisąma geme duali po meba te elalubao. Awe, te usu dao, te agai sę dao. Tiali goli, agai bomai po dabolo hanilama pusa mani, tama dago nosali ame nabo wąį dabego me, dago me, te bomai po wali tigidali sogo pomainogo yali,” Mosesgo te po wali.

Bugagia Bidibo Kolesagade Po Asęai Buku 8:6

Te eno dagebolo mawainu ebo te wiegi yai doloba pai poba olo bugagia muiąo.

Godigo Nogi Ugwaba Sabo Tęąbi Po Wabo Buku Dabe 78:34

Te Godigo meba ela mubo sogo, te gasa bage ge neyu, augwa homu begelama, tama agaba ma begasa aselama, tama agaba gedu haluasa po bomonama walio.

Aisaia 43:12

Eno naga enade po hanilama weyu, eno dage ma dobola saibao, te eno dage ma saibao po wali gilama yaibao. Te dage eno po odolama, pusubo bage elalubao, tama dagego e po pusaibao, te ena deli naga ena God, Genuai Bidi dao.

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 45:25

Tialima, te Jekopgo bulai hani wąį dabe, te augwa ugwa ela holama, te genuai nogi elalumainu elalide, te augwa wiegi yai pemene Genuai Bidiba yaibao.

Aisaia 65:9

Te eno Juda dabeba wiegi yai sę eyu, te tigidali Israel haniba me tiaibao. Eno augwali te genuai we bidi hani pedalumainu ilaibao, te augwali eno bulu du pesagede bidalumainu yaibao. Te hani we bidi dabe eno augwali sa munama, te eno sę bidi bidimainogo yai, te tǫde augwali bidimainu yai dao.

Jeremaia 2:31

Dage megi bidibo Israel, te Genuai Bidi eno poba olo bugagia muao. Dagego homugo ena te masigi kemi olo pesagede te dwai nai da homu ebo dawe? Ma, ena te be hulia sai pesage me deli mu tiwai da obawe? Te tiwai isąyu da, teda magi baso eno we bidi dagego enabolo te tiwai po weyu, ‘Megi te dena homu wali peyu, tedela paibao. Da te nageba munu ma asogobeo,’ wali.