Aisaia 44:8 - Godigo dwagi yai po buku

⁸ Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Aisaia 44:8 Referans Kwoze

Aisaia 43:10

“Tialima, dage Israel, dage te eno po odolama, pusubo bage dao. Eno dage sa muyu, dąį ilama, te ena sę bidi bidimainu yalio. Tama tiyu da, te dagego ena koneama, enaba homu dąų weyu, tama te tiwai dagego bugagia koneyu, te ena deli naga te God mu da omainu ebao. Polobadu te god me deli me pedalisiąma, te aga polasa bidiyu, te ena nosali badu me elalubeo. Tama nosali me, te god me deligo ena bidali pesage me hasegelegobeo.

1 Samuel 2:2

Genuai Bidi, nago kolesaga te gasagi yai tedali mu ebo, tama nage wiegi yai gagawai, tama nage tiwai bidi tobage bidi me deli me elalubeo. Mu menio. Nago tigidali mu aiyaba elaluai. God, nage deligo te da tudi badu pogalu, tama da tau sobao. Te niwai bidi me deligo te nago ebo tiwai gilama me egobeo, te dago God nage naga dao,” wali.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

Bomai Po 4:39

Tama tialima, dagego te tiali sę gegeda pelamuo. Genuai Bidi aga te dagalude me tǫde God dao. Tama te gasa God me menio. Mu menio.

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Dwagi Yai Gesi Po Jongo Asęani 1:1

Polobadu polobadu mu, te tigidali nai pedalisiąma, meni yai digi, Po bolo bidai. Po God dali bidai. Tama te Po aga digi God dao.

Joel 2:27

Tialima, dage Israel, te ena dage dali bidibo te dagego koneaibao, te ena Genuai Bidi, ena naga ena duga God dao. Te gasa hani we bidi dabego te eno we bidi dageba te hale ilabo sę me emainu munu me ma egobeo,” wai.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Godigo Nogi Ugwaba Sabo Tęąbi Po Wabo Buku Dabe 18:31

Genuai Bidi naga te God mu da. Agaduba deli naga te dago boma pai obo dao.

2 Samuel 22:32

“Genuai Bidi naga te God mu da. Agaduba deligo naga da, te genuai masigigo bagualubo tiwai elalubao.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Aisaia 46:9

Tama dagego eno te polobadu mu yali sę homu kone palao, magi baso meni, enaduba deli naga ena te God, te gasa god me bidibeo. Ena naga ena God, te ena tiwai god me bidibeo.

Daniel 6:22

Godigo te aga mobo bidi ensel tagala palama, tama te laion dabe pedauwali paniama, tama augwaligo ena me dolobeo. Agai koneani, eno magi dwai sę me isiąwai, tama eno dwai kolesaga nageba me ebeo. Tama tibaso, agai ena tonalubo dao,” Danielgo te po wali.

Daniel 4:25

Nago te we bidi dabe bidibo pesage tagalama, tama nage pelama, te uni hasa dabe dali bidigi paibao. Nage te kibu bulmakau dabego nosai dabe tubo tiwai eyu, tama nage bulude piaibao, tama te hulide tulubage segeni tulubo te nageba idubadi, te kibu be 7, teba usu nigi paibao. Nage te tiwai bididubadi, te nago te tiwai te Ugwadu Mu Bidibo Godigo te tigidali we bidi tonalubo homu konebo teba usu nigi pabo teba usu naibao. Te aga homugo digi, agai te bidi dabe te king pedalumainu ebo dao.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Daniel 2:28

Tiali goli, te dagalude bidibo God deli elalubao, tama agai te geme dualalubo nai page hania hanilaibao. King, Godigo nageba te nosali pedelabo nai dabede te na nagebolo ola manio. Megi da, te eno nageba te nago na yali po waibao.

Jeremaia 10:7

Nage te tigidali hani we bidigo king bidibao, tiyu tigidaligo nagede wi elama, te nage dologode bidibaso usu yaibao. Te nago koneani wiegi yai homu kolesagago te king dabego koneani homu kolesaga, me te po page konea pai bidi dabego homu kolesaga, me te tigidali hani we bidigo kolesaga me, te aiyaba mu elaluai dao.

Aisaia 48:5

Tama tialima, polobadu mu eno te dageba pedelabo nai po hanilama pusali, tiyu dagego te po waidali, te dagego tibo god dabego, te piksa dabe dagego te nigo me aingo nigibo nai dabego te nai dabe pedalumainu yali da po waidali,” te po wai.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Aisaia 43:12

Eno naga enade po hanilama weyu, eno dage ma dobola saibao, te eno dage ma saibao po wali gilama yaibao. Te dage eno po odolama, pusubo bage elalubao, tama dagego e po pusaibao, te ena deli naga ena God, Genuai Bidi dao.

Aisaia 42:9

Dagego suiąo. Te polobadu eno po weyu, te pedelaibao wali nai dabe, megi augwali pedelalio. Te megi eno dagebolo te gasa nosali badu pedelabo nai po walobao, te augwali pedalisiąbadi, te dagego konealumainogo te tiwai po obao,” wali.

Aisaia 30:29

Tiali goli, Genuai Bidigo we bidi dagego da, te sę dabe ebo subo sogo da, teda dagego homu gana pabo balia te genuai lotu wabo sogo wabo tiwai waibao. Dagego te bidi dabe te Genuai Bidigo bulu duba holama, tama wiegi yai homu eyu, te genagego ona dabe elebo tiwai yaibao. Genuai Bidi da, te genuai bomai masigi tiwai dao. Tama aga te Israel dabego duala sabo pesage tiwai dao.

Esra 8:22

Eno te tama po augwaliba wai, magi baso meni, eno te kingba hanalu obaso, te tǫdu asobo ami bidi dabe me te hosdu dualasa asobo ami bidi dabe, te da dali asiyu, te da sunumidu asobadi, te tonalua asidali weyu te eno kingba hanalubo te ena hagela ebao wali. Te ena king dali bidali sogo, eno agabolo te tiwai po walali, “Dago Godigo te aga wali pabo we bidi tigidali te bugagia tonalubo dao,” wali. “Tiali goli, agai te aga tudiba mubo we bidi tigidaliba te haliga sębę eyu, tama agai dwai dene te augwaliba mawaibao.” Eno te tama po kingba wali, tama eno agaba te ami hani dabe po hanalubo te ena hale yali.

Esra 1:2

Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.

Bomai Po 32:31

Te boi bidi dabe augwaligo koneani da, augwaligo tibo god dabego bomo menio homu yali. Tiali goli, Israel dabego Godigo genuai bomo te genuai masigi deli tiwai dao.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Tigidali Nai Gagalama Nigali Side 48:19

Tiali goli, aga ayago te agai po wali me pabeo. Menio. Agai te tiwai po Josepbolo wali, “Eno koneani, ogwao. Eno koneanio. Te Manasego hani wąį dabe te augwali hani me te genuai pedelaibao. Tiali goli, te aga ama sabi bidi da, te genuai bidi pedelaibao. Tama agai wąį dabe te augwaligo te Manasego hani te aiyaba elaluama, tama augwali te genuai hani bidi sibi mu pedelaibao,” wali.

Tigidali Nai Gagalama Nigali Side 46:3

Tialima, Godigo te po wali, “Ena God dao. Ena te nago ayago God dao. Nage te Isipba pabo wi me elamuo. Te eno nago hani sibi wąį dabe te genuai hani mu pedelimainu ilaibao.

1 Jon 1:2

Te gesi noma bidibo ula aga bulu ulaba hania pedalama, tama dago aga suai. Tama tibaso, dago agade po dagebolo pusuyu, tama te Ayade bidali bidada peyu, bidada pabo ula aga hania pedalama, tama dago sulama, tama dago dagebolo pusubao.

Hibru 12:1

Te da me, da magi ebawe? Te polobadu bidali we bidi augwali doligulama tama da te genuai pǫgo bagulubo tiwai elama, tama augwaligo dabolo te Godide konealubo homu dąų wabo kolesaga ola mawai. Tama tibaso, dago me te ususu si yainogo uda yabo bidi tiwai eyu, te tigidali sęgę yai nai guda sąyao, te dade dąų wabo dwai kolesaga tigidali me te dago guda sąyao. Tama dena homu dąų ilama, tama Godigo dabolo sa muyu uda yao wali madi sabolainogo da bomonama te dąįba uda iyąo.

Godigo Sęba Tagala Palai Bidigo Po 14:15

“Dagego te kolesaga egimio. Dadi si me bidi dage tiwai tama dao,” wali. “Dadi si dage pageba asali, Godigo dwagi yai po dagebolo pusa mawainogo asai dao. Tama dagego te odolali lotu po wabo tibo god tudiba muiyąo. Tudiba munama, dagego te God mu pageba asiąo, hauwa sogo bida bida peduabo God pageba asiąo. Agai te dagalu me, tǫ me, tamu ąį me, tigidali tede bidibo nai dabe me agai nigai dao.

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Dwagi Yai Gesi Po Jongo Asęani 6:10

Jisasgo te po wai, “Te we bidi augwali duayao wao,” te po wali. Noswai hauwa tede elaluai, tama te we bidi augwali duawai, augwali te bidi hani bidi sese hauwa mu 5,000, te we dali wai puluba dali nedebeo.

Godigo Nogi Ugwaba Sabo Tęąbi Po Wabo Buku Dabe 86:10

Magi baso meni, nago naga te genuai bomo elaluyu, tama nago te we bidigo isiąbo genuai sę dabe ebo dao. Tama nago naga te haniani wiegi wiegi yai sę ebo dao. Nagaduba deli naga, nage God mu dao.

Aisaia 17:10

Magi baso meni. Israel dabe, nago te God nage ma oda sabo God nago homu kone ebeo. Aga te genuai masigi te dwai sogo duala sigi pabo masigi tiwai dao. Tiali goli, mu tama, nago aga mu gegeda pali. Tama nago gasa hanigo godiba lotu po wali. Tama nago homugo tibo te god dabego nage tau selama, tama nage bugagia bidiba homu ebo. Tiali goli, nage dolama, tama nage usu ma yabo sunumi mu menia saibao. Te naga gide ni wain wai bulama, tama kulubi polo holama, tama aga du walainu duduli ebo sulama nage wiegi yai homu ebo tiwai dao. Tiali goli, nago agai du sogobeo. Menio. Deli sogo polo tama te wain ni dolama, sasi elama, te wain gi dolaibao.

Aisaia 26:4

Tigidali sogo Genuai Bidi dago bomai duala sabo pesage dao, te moni dobo masigi tiwai dao. Tama aga tigidali sogo tama bidada peyu, bididuaibao. Tama tibaso, dago agade homu dąų mu olama, tama aga dologode tigidali sogo bidinao.

Aisaia 41:23

Tama te nai dabe pedalubo sogo, te dago koneyu, te dage god mu da te homu yaibao. Dagego te da wi yabo sę me deli iyąo te wiegi yai nai, ma dwai nai, te sę yao. Tama tialima, te dago dagego bomo sueibao.

Aisaia 43:11

Ena naga ena Genuai Bidi dao, tama sesemane sogo eno dage ma sabo dao. Te gasa god dage dali me bidiyu, te dage tau me sabeo. Menio.

Aisaia 45:19

Ena geme dualalu, digibulu me bidibeo, ena te be hulia sai pesagede, digibulu geme me dualalu, te eno po pusubeo. Te eno ena we bidi dabe, te Israel dabeba, te tiwai po weyu, ‘Dagego ena te olo bulu pesagede gegebo sę odolali yao,’ wabeo. Menio. Ena Genuai Bidi, eno te mu po naga pusubo dao, te eno po tigidali dolo wabo dao,” wali.

Aisaia 48:3

Agai e tiwai po dage dali elalubao wali, “Polobadu mu eno te po dageba pusuyu, te nai dabe pedelaibao po wali, tama eno polo naga tama te sę dabe pedalumainu ilali.

Godigo Nogi Ugwaba Sabo Tęąbi Po Wabo Buku Dabe 18:32

Agai naga ena dąų walama, tama ena bilibo sogode te bugagia tonalubo dao.

Aisaia 43:9

Te gasa bulu tǫ kantri we bidi dabe te po tų yabo pesageba sisingasalio. Te augwaligo mena godigo te mena sę nosali pedelaibao wabo po hania pusaliwe? Te augwaligo mena godigo polobadu po weyu, te pedelaibao wali nai megi pedalubowe? Te augwaligo ebo sę suali mena bidi hani dolugulama, te tiwai po weyu, agai te god me deligo te nai me pedelaibao po wali, tama nosali agai suali, te wali sę mu pedalubo dawe?”