Aisaia 44:26 - Godigo dwagi yai po buku

²⁶ Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.

Aisaia 44:26 Referans Kwoze

Sekaraia 1:6

Tiali goli eno po te profet sibi dabego pedauwalidu eno pedelaibao wali te sę dabe duga wąį dabeba polo pedelai dao. Augwaligo eno augwalibolo mani te po wali pai menio. Tama tialigo augwali te dolali dao. Tama nosali augwali homu begelama augwaligo e tama po wai dao, ‘God, Tigidali Bomo Elalubo Genuai Bidi, agai dabolo wali gilama tama agai dabolo dene mawai dao. Te dena dagede tama dao,’ augwaligo te po wali,” God Genuai Bidigo te po wai.

Aisaia 60:10

“Jerusalem, te gasa bulu tǫ kantri bidi dabego nago genuai obo te masigi dabego ma nigagasaibao. Te augwa king dabego nago sę yaibao. Hasia eno wado po dwai nageba wali, te eno dene nageba mawai. Tiali goli, megi eno bugai haliga eyu, te nageba olo tau sabo wiegi yai kolesaga ebao.

Jeremaia 33:7

Te sogode, eno te Juda hani dabe me, Israel dabe me, bugagia ma bidimainogo yaibao. Tama eno augwali bomai hani pedalumainogo elama, te polobadu tiwai yaibao.

Jeremaia 30:18

Genuai Bidigo te tiwai po wali, “Eno te olo mu tau sabo wiegi yai kolesaga te Jekopgo haniba elama, augwali tau saibao. Te augwaligo augwa bidabo be dabe sęnama, te augwa tǫde bugagia ma bidaibao. Tama augwa te Jerusalem taun ma dodolama, te polobadu elaluali pesagede ma nigaibao. Tama augwa te kingo be aga elaluali pesagede ma sę yaibao.

Aisaia 42:9

Dagego suiąo. Te polobadu eno po weyu, te pedelaibao wali nai dabe, megi augwali pedelalio. Te megi eno dagebolo te gasa nosali badu pedelabo nai po walobao, te augwali pedalisiąbadi, te dagego konealumainogo te tiwai po obao,” wali.

Nehemia 1:3

Tialima, augwaligo po wei ponoyu, te po wai, “Menio,” wali. “Te hani we bidide genuai sęgę elalubao,” wali. “Tama te Godigo bomai po wali pisąbo hani dabe, te Israel hani isąwai bage, te augwali pąde bidiyu, te augwali dolobo sę ebao. Tama te Jerusalem bagulali moni masigi obo dolali me tama elalubao. Tama te sunumi obo te siago polobadu ulali, te dabe augwali me te tiwai naga elalubao, tama te Jerusalemde bidibo bagego te nigabo homu me ebeo,” wali.

Esra 2:70

Te pris dabe me, Livai dabe me, te meba we bidi te Jerusalem tomode bidali, tama pąde me bidali. Tama te musik wabo bidi dabe, me te tempel be tonalubo wasman, me te tempel bede sę ebo bidi dabe, augwali te taun te Jerusalem pąde bidigi pai. Tama te gasa Israel we bidi tigidali te augwa hanigo polobadu bidali page buluba pelama, bidigi pai dao.

Matyu 26:56

Tiali goli te sę tigidali enade megi pedalobo te polobadu Godigo po pusali bidi profet dabego bukude asęani po usu nainogo ebao,” Jisasgo te po wai. Tama aga wali pali bidi dabe augwaligo Jisas taga peyu, tama augwali wi pela silai.

Matyu 5:18

Te eno mu po dagebolo obao. Te dagalu dali tǫ si silisąbadi da, tama te asęani bomo yai po dwasianunu me deli munu me siligobeo. Menio. Te po tigidali augwali elaluaibao. Tama elalubadi te bomo yai pogo aga sę tigidali silaibao. Tama aga sę silibaso da, te sogo naga te bomo yai po me silaibao.

Sekaraia 12:6

“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

Sekaraia 2:4

Tialima namba wan enselgo namba tu enselbolo e tama po walali, “Nage te usu sabo bono string tolalubo te bidi pageba usayao, tama agabolo e tama po walao, ‘Te Jerusalemde te we bidi hauwa bidiyu, me kau kibu hauwa bidiyu yaibao. Tama te pesage genuai mu elama, tama augwaligo taun obo bagulabo usu me egobeo.

Amos 9:14

Eno te ena we bidi dabe augwa page bulu muba ma odasa paibao. Tama augwa te dolali taun dabe ma geselama, nigilama, tama augwa tede ma bidalueibao. Tama augwa te wain gi ma bulama, te tuabo wain ąį ma nigaibao. Tama augwa te gi nai dabe bulama, te gi dabede nai sela tueibao.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Esekiel 38:17

Ena God Genuai Bidi, eno po te ena sę bidi dabebolo polobadu mu mawai dao, te augwali te Israel dabego profet dabe dao. Tama kibu be hauwade augwaligo po pusuyu, e tama po wai dao, nosali God eno te bidi me seselama, tama te Israel dabe dali hwįmainu yaibao. King Gok, te bidi te nage tama dao.’ Te po te king Gokde pusao,” Genuai Bidigo enabolo te po wai.

Esekiel 36:10

Tama eno Israel we bidi hauwa mu pedelemainu ilama, tama augwali dagede bidimainu yaibao. Tama augwaligo te taun dabe ma geseleyu, me te boi bidi dabego dolali bulu dabe ma dodoliyu yaibao.

Nehemia 2:3

tama eno te tiwai po kingba wali, “King o, nage te bugagia sesabi elama bidagameo. Awe, ena haliga sęgę mu ebao, magi baso meni, te augwaligo eno wąį nǫų dabe pubulali madi te hanu taun te dolali elalubao, tama siago te bobegelali masigi obode te nigo nigali sunumi me ulali elalubo dao.” Eno te po wai.

Dwagi Yai Gesi Po Lukgo Asęani 24:44

Te Jisasgo augwalibolo te po wai, “Polobadu ena dage dali bidibadi, tama eno dagebolo wai dao, tigidali po te polobadu bidi Moses bidibo side asęani, te polobadu Godigo po pusa mani bidi dabego asęani bukude me, te buku nogi Sam tede me asęani po me, te enade asęani po tigidali nai igilama mu walaibao wai,” Jisasgo te po wai.

Jeremaia 32:44

Te bidi dabego tǫ abelama, te tǫ abelali dąų wabo bomo yai po asęaibao. Tama te bidi mebago gedude te augwa dąų wali po bebelama, te augwa dąį te mueibao. Te bidi dabego tǫ abelama, bidibolo mayu ebo te Benjamin hanigo tǫ me, te Jerusalem pąde tǫ me, Juda gasa taun dabe badu me, te bulu dude me, te Juda pedai saut badu me, te giliga degasa dulubo dwasianu bulu badu me, te tǫ abelama bidibolo mabo sę eyu yaibao. Te tama te sogo eno te Juda tǫ kantri bugagia ma bidimainu yaibao. Ena Genuai Bidigo, eno te po wai dao,” wali.

Jeremaia 32:15

Magi baso meni, Israel God, aga te Tigidali Bomo Elalubo Genuai Bidi, agai te po wali, nosali te bidi dabego te be, me tǫ, me wain gi dabe te abelibo sę ma gagalaibao, e tǫ kantride,’ agai te po wai,” eno te po Barukbolo wali.

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Aisaia 58:12

Tama te dolali taun dabe dagego ma nigaibao. Dagego te be dabe te polobadu sę yai elaluali pesagede ma sę yaibao. Tama dage nogi augwaligo te tiwai waibao, ‘Te taun obo dabe ma dodolobo hani dabe’, me ‘Te augwali te sunumi dabe me be dabe bugagia ma dodolobo hani dabe dao,’ waibao,” wali.

Aisaia 54:3

Magi baso meni, nago tǫ dąį te ugwa de eda si pedegasa pelama, genuai igi pelama, te dolo nogo badu tiyu, te pobase nogo badu me tiao,” wali. “Te nage hani wai dabego te gasa tǫ kantri hani we bidi aiyaba elalueibao, tama augwali te augwaligo megi olo elalubo hanu dabede bidalueibao.”

Godigo Nogi Ugwaba Sabo Tęąbi Po Wabo Buku Dabe 147:2

Genuai Bidigo te Jerusalem ma dodolama, tama te boi bidi dabego sela pelama, te kalabus igi pali we bidi dabe te ma odasa asai dao.

Aisaia 61:4

Te dage we bidi dabego te polobadu dolali taun ma nigiyu, tama dagego te kibu be hauwa dolai elaluali nai tigidali ma dodolaibao.

Godigo Nogi Ugwaba Sabo Tęąbi Po Wabo Buku Dabe 69:35

Magi baso meni, Godigo te Saion we bidi dabe te boi bidi dabego nogode ma dobola selama, tama agai te Juda dabego taun ma nigaibao. Agai tama tiyu, tama te Godigo hani bage augwa te taunde bugagia bidiyu, tama te tǫ tigidali somainu yaibao.

Aisaia 40:9

Jerusalem, nage te genuai bulu duba holama, te bulude po pusao. Saion, nago bomonama, i hai weyu, te bulude po pusao. Nago po hanilama pusao, nage wi me igio. Nago te tiwai po te Juda dabego taunba walao, “Suao, te duga God asobao,” po wao.

Aisaia 42:19

Dage eno sę bidi tiwai bidimainu elama, tama eno dage sa muyu, dąį ilama, te dagego eno po sela pomainu yali. Tiali goli, dage te olo degelama, te gedu mu widali, tama te olo degeyu, gedu widiyu yai bidi dabe, te augwali aiyaba mu elalualio.

Aisaia 49:8

Genuai Bidigo aga sę bidiba te tiwai po wali, “Eno digi eno nage ma selama, te nage wiegi yai ilabo sogo bodolu muani, te sogo mu dolo eno nago i wabo odolama, nage tau saibao. Te nage eno bugagia tonaluaibao, te nagede naga eno te tǫde we bidi tigidali dali bomo yai po dąų waibao. Tama eno te Israel tǫ kantri wiegi yai ma pedalumainu ilaibao, tama te Israel hani augwa te megi olo elalubo tǫde ma bidaibao.

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Aisaia 55:11

Te tiwai naga eno po me te enaba odolali ma asogobeo. Menio. Agai te eno wali po tiwai gilama pedelaibao. Te agai eno homugo pedalumainogo homu yali sę pedalubo dao.”

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Daniel 9:12

Nago te sę yaibao wali gilama tama te sę nago te dabolo me, dago tobolu bidi dabeba me yali. Nago te Jerusalemba te dwai sę mu elama, tama mu dolali. Te gasa taun me deli te Jerusalem taun dolali tiwai munu me ebeo.

Hagai 1:13

Tama tialima, te bidi Hagai agai te we bidi dabebolo e tama po augwalibolo ola mani, “Godigo te po wai, ‘Ena Genuai Bidi, tama tigidali sogo ena dage dali bidada paibao,’ wali.” Hagaigo te po wai.

Sekaraia 1:17

Tama ensel bidigo enabolo gasa me po me e tama pusao po walali, “Tigidali Bomo Elalubo Genuai Bidigo te po wali, te tigidali nai dabe agai taunde pągąna yaibao po wali, tama te we bidi wiagila mu bidimainu yaibao po wali. Tama agai Jerusalem aga taun mu tiwai ma magi ilaibao po wali. Tama agai te Jerusalem we bidi homu tegaluama bugagia bidimainu ilaibao,” wali.

Te Israel me Juda Hani Sigo Tuni Bidigo Po Elalubo Buku Si 7:16

Tama te sogo te we bidi dabego te nai dabe suali po odobo si, augwali polo udulama peyu, te Siria bage bidali pesageba sabolama, tama augwaligo te Siria bagego taga pali nai dabe tigidali sai. Tama augwaligo te o gagawai nai te plaua umabo mu sali, tama me te nai bali me umabo mu sali. Tama tibaso, augwaligo 3 kilogram te sęgę te dwagi yai o gagawai nai plaua, o 6 kilogram sęgę te bret bali, te nai si te maket munama, te mone podolai sabo usu naga muani, te Genuai Bidi Godigo tama tiaibao wali podu wali peyu, tama tiai.

Te Israel me Juda Hani Sigo Tuni Bidigo Po Elalubo Buku Si 7:18

Elisago te kingbolo e tiwai po tama polobadu ola mani, “Do e tama tibo bodolu tiwaide, te tigidali we bidi augwali te Samaria taunba pabo tųba naga paibao,” wali, “tama augwaligo te 3 kilogram sęgę yai te dwagi yai o gagawai nai plaua me, me te nogo a olama, te me badu nogo kibisa wagi solama sęgę yai 6 kilogram rais bali te podolai mone usu te augwaligo abelaibao,” Elisago te po polobadu gana wai dao.

Te Israel me Juda Hani Sigo Tuni Bidigo Po Elalubo Buku Si 7:20

Tama megi te sęgę te Elisago wali po tiwai gilama te pedalobao wali. Te gavman sę ebo ofisa bidi te taun tomoba pabo tųde dolaluali bidi, tama te we bidi augwali te nai polo sainu te buluba udulama soyu, tama augwaligo te bidi degasa pai munalubadi, tama te we bidigo ugwadu agaga sodu geai madigi, tama te ofisa bidi aga mu isali.

Godigo Nogi Ugwaba Sabo Tęąbi Po Wabo Buku Dabe 69:36

Te Godigo sę bidi dabego wai te nǫų dabego te tǫ te augwaligo saibao, tama te God godolo mu elama, wei ebo we bidi dabe da, teda augwali te tǫde sesemane sogo bidada peyu, bidada paibao.

Godigo Nogi Ugwaba Sabo Tęąbi Po Wabo Buku Dabe 102:17

Tama agai te aga we bidi dabego gedu haluasa po odaibao, te polobadu agai augwali tagalama, te augwali odolali bidali. Te agai augwaligo gedu haluasa po wabo te tudiba ma mugobeo.

Kolesaga Koneai Bidigo Pusali Po Elalubo Buku 3:3

Agai te bidi ela muabo sogo bodolu mubadi, agai gasi ebo bidi ma usu ilabo sogo bodolu mubadi yali. Agai te nai dabe hųgiabo sogo bodolu muyu, te nai dabe nigabo sogo bodolu muyu yai dao.

Jeremaia 28:9

Tialima, te profet me deligo te we bidi bugagia dugulalueibao po obaso da, teda te mu po wabowe, ma meniwe, te dago konebeo. Tialima, te nosali, te po mu pedalubaso da, teda dago koneaibao, mu tamao, Genuai Bidigo po te profetba menama, te aga tagala palobaso asai yali homu ebo dao,” wali.